DUNGWVNC 31:13 - Hawa Naga Bible 2001

¹³ jungc kuy tvkoc Moshe muex, “Vguilc Raungnuiyq ngoz yaq ngvy nyec tvkuiyq raungnuiyq kuex phvnx shuiuz, yvmx khoc lac ngoz ruiux lec kvruex kuex nuimshiq nuiyc ngvy hvlwvl nuex patshiz maq patshiz hakhix yaungx vtueq, Ngaz Yehowa rueq nuimshiq kuex ngvy miqsaz muex tvyaungc phaungx kuex tvkhic tvkoc muinz rvtueq.

ASII LAKDAP Bible (BSI)

¹³ Israilnok ma akha chongkuqlaq nguta aming kuqto, “Asii Niitiitsak Ranaiq ka lang ronglaq. Arka Ngi niitiitsak ranaiq. Jamkhano ngukla namshiq nai Ngi liipan na pattup pat-sa miitu, Ngi, Tatiwe raq namshiq ka isenginok ma tiija wan kang nguta jaqkhaq raüpa saqse ka ara miraq.

DUNGWVNC 31:13 Referencias Cruzadas

NEHEMIA 9:14

Mnoz rueq tsuingshiq muex mnoz Vguilc Raungnuiyq kuex vsawc ngoc tvkoc jungx kuq ruiux, mtvrac htenc kuex mnvrc waz Moshe maq raz tueq kuq toq.

DUNGWVNC 31:12

Yehowa rueq Israel miqsaz htenc muex

DUNGWVNC 31:17

Ngaz, Yehowa rueq raungx tvruk lvmvnx nuex raungx nuiyc ghaq kuex tvdung sung ruiux, raungx mvshix raungnuiyq kuex yauk shuimx mauk maq nyec tvkuiyq guilc tauk ningkhvnc nuex, kvruex raungnuiyq kuex ngaz nuiyc Israel miqsaz hvlwvl wawc pattup bomkhvrc hakhix tvtsuingc tvy juing rvtueq,” ngoz tueq jungx tueq.

ISAIA 56:2

Vguilc Raungnuiyq kuex mkaq muinz phvnx vtueq kvruex raungnuiyq kuex tvshuy shac muq jix muex ruimrix kuq shaungx. Ngaz rueq layx vbac yvmx muinz shuimx muq jix muex ruimruimx kuq shaungx,” ngoz tueq.

JEREMIA 17:22

Vguilc Raungnuiyq nuex miqmac yuimx wawc hup vsvmx yvmx muinz pic lvy mvy muq lvmz rvtueq. Tsuingshiq rueq Vguilc Raungnuiyq yauk shuimc mvy muq; Tsuingshiq jix vwaz tamx muex ngaz rueq nvr tauk rulc rv-ngvlc Vguilc Raungnuiyq kuex vsawc raungnuiyq ikhoc tsuingshiq rueq phvnc rax lvmx jungx shuiuz.

EJEKIEL 20:12

Tsuingshiq tvsawc nawc jix ngaz, Yehowa rvtauk kuex tsuingshiq rueq helc wvnc laz juing, naungshiq hvlwvl nuex vrungx vraz lvmz mv-httarc m-yaungx kueq, Vguilc Raungnuiyq kuex phvnc tvy tvkoc ngaz rueq tvhungx tauk.

EJEKIEL 20:20

Vguilc Raungnuiyq kuex vsawc raungnuiyq tvyaungc shuinz, kvruex kuex naungshiq rueq tvhungx tiq bomkhvrc mv-httarc rvtueq, ngaz kuex Yehowa nuimshiq Tishox rvtauk lvmz nuimshiq muex tvhelc vphaungx.

EJEKIEL 37:28

Ngaz rueq ngvy Shomc Yuimx kuex tsuingshiq vmungx baung nuex pattup taq ruiux yuq, ngaz Yehowa rueq Israel miqsaz htenc kuex ngvy miqsaz yaungx laz thvl wvnc tauk lvmz kuex miqphvnx htenc rueq tuiuz wvnc wuez shuex,” ngoz tueq jungx tueq.

EJEKIEL 44:24

Khuec vkhac dung kaz tuex nuex, kvruex kuex ngvy tvrac htenc rulc rv-ngvlc shomc waz bix rueq htvp htaz phoc rax. Nawk palx htungx vlayx moalx htenc nuex seng vtueq muinz, ngvy tvrac rulc rv-ngvlc tsuingshiq rueq phvnx tvhungx ruiux Vguilc Raungnuiyq htenc kuex tvsawc nawc rax.

LEWI 19:3

Miq pumz tek vtueq miqmac nyuiuz vwaz muex tvtsanc nganc rax, ngaz rueq nvr vphaungx rulc rv-ngvlc Vguilc Raungnuiyq kuex phvnc rax. Ngaz kuex Yehowa nuimshiq Tishox rvtauk.

LEWI 19:30

Vguilc Raungnuiyq kuex phvnx vtueq, ngaz muex nawk palx juing baung kvruex tvtsanc nganc shuinz. Ngaz kuex Yehowa rvtauk.

LEWI 20:8

Ngvy tvrac htenc kuex phvnx shuinz, yvmx khoc lac ngoz ruiux lec ngaz kuex nuimshiq tvsawc kuy jix Yehowa rvtauk,” ngoz tueq.

LEWI 21:8

Piq kuex miq rueq vsawc ngoz tueq khic tvy rax, yvmx khoc lac ngoz ruiux lec piq kuex ngaz muex phuiuz vsvy shomc kuy jix ningkhvnc nuex rvtueq, Ngaz kuex Yehowa rvtauk; ngaz kuex vsawc ningkhvnc nuex ngvy miqsaz htenc muinz vsawc tvyaungc shaungx.

LEWI 23:3

Nuimshiq rueq raungx tvruk miqmac yauk shuimx shuinz, yuq muinz raungx mvshix kuex Vguilc Raungnuiyq rvtueq, nyec tvkuiyq guilc wuez kuinz. Kvruex raungnuiyq yauk nauk shuimx kaz, yuq muinz vdvmz nuex rvtuimx vtueq nawk palx wuez shuinz. Nuimshiq httax tuinx baung ruip saz nuex kvruex raungnuiyq kuex Yehowa tvkoc Vguilc Raungnuiyq rvtueq.

LEWI 25:2

Israel miqsaz rueq phvnc juing tvrac htenc kuy tvkoc nvr tueq. Nuimshiq kuex Yehowa rueq kuq kv-phuinx ghaq vraungx kvyuq httuiuc kaz ruiux yuq, wawc mvshix httuiuc tuex ruip rawx wuik vnax htenc kuex shuimx kaz khic yuingc muit maq Yehowa muex tvtsanc nganc rax.

LEWI 26:2

Nawk palx htungx vlayx nuex seng vtueq moalx htenc kuex phvnc juing nawk palx juing baung nuex ngaz muex tvtsanc nganc shuinz. Ngaz kuex Yehowa rvtauk.

AMO LUIK DVP (AMOS) 8:5

Nuimshiq rueq miqmac pumz kuex, “Naungshiq tsvmz shaungc lvp muex vsawc raungnuiyq htenc lvy tvkoc bvmc wuez vshix. Kvkhoc rvtueq naungshiq rueq shaungc yek tvkoc Vguilc Raungnuiyq kuex mkaq jix lac htumx tvnx? Kvruex yimaq naungshiq rueq hup vsvmx rez jix muex tawx vruinx kuex shuimx vtueq, tawk kuex tvyungc ruiux vhtawz vtsanz nuex shaung lvp shix.

Matthew 23:17

Vngaz muik mawz nuk lex! Vruex kuimshawx kuex tvsawc nawc yaq Shomc Yuimx nuiyc kuimshawx kuex mruex jix lac vkhek pinhtumc rvtvnx?

John 17:17

Tsuingshiq kuex tsuingrux lvmx nuex mnoz tvkoc tvsawc nawc vtueq taq shec shuiuz, mbomjungc kuex tsuingrux lvmx rvtueq.

John 17:19

Tsuingshiq rueq yauk shuimc gurc pic tvkoc miqmac shauk pumz kuex mnoz muex rvkhauk laz lekuy jix muex yaungc tvkoc, ngaz kuex tsuingshiq rawc nuex ngvy shauk pumz kuex mnoz muex lekuq vphaungx.

TRI CHONGKE 5:12

“‘Yehowa nuimshiq Tishox rvtauk ngaz rueq nuimshiq muex nvr phaungx rulc rv-ngvlc, Vguilc Raungnuiyq kuex vsawc yaungc muex kvkhoc ruez shuinz.

1 Thessalonians 5:23

Nomic waz Tishox rueq nuimshiq lotlaz muex mtvsawc nawc kuq kv-phuinx. Naungshiq Taungjix Yesu Christu httuiuc kaz ruex nuex, nuimshiq htauk nuex mvrax nyvnc juing yvmx muinz vguez tvkoc Tishox rueq nuimshiq shauk vgvnz, thuinz, siyac kuex mtvwungx kuq kv-phuinx.

Jude 1:1

Yesu Christu nvrc waz nuiyc Yaku nox ngaz Yuda kox maq, Tishox rueq gvl vtueq Vwaz Tishox lungwawc nuex kvwungx ruiux, Yesu Christu rueq tvkhup wungx yaq jix lotlaz muex luik wuiyq tvwvnc vphaungx.