DUNGWVNC 30:34 - ASII LAKDAP Bible (BSI)

³⁴ Tatiwe raq Mosheq ma nguto, “Ara ahomwiq tapan thun arwa riingea riingea chhaq maq thap laüta lamlaq: stekte homseng wa, onicha homseng wa, galbanum homseng wa, kiimaq chiisan pechong mong wa alam homsengtsai wa.

Hawa Naga Bible 2001

³⁴ Yehowa rueq Moshe muex ngoc, “Vhomc vtumc phvnx rvtueq stake, onicha, pvnchic, loban kvruex lix htenc kuex rv-ngvlc phok shenc vtueq taq shuiuz.

DUNGWVNC 30:34 Referencias Cruzadas

NEHEMIA 13:5

Apaiq raq Shomjam mong na khok ajong pinthum ashi, kra khok kriika, honglu kuq wantlaq tü atsam, kiimaq homseng, kiimaq Shomjam na lang chang huk nai sam ja nai piq thun, ramwebi ma akuq honglu thun, kiimaq aroqkhu wa akuq honglu piiwong, spiqtai, kiimaq Lewinok ma akuq olip petsi tai thun, kiimaq Shomjam na ashi ange wanti ma akuq honglu, kiimaq Shomjam kheti hokranok miitu akuq honglu thun kra saiq sam chang khok kriika Tobia raq lang miitu kuq baiqto.

DUNGWVNC 25:6

lem thun na tiinyai chang tel; süse tapan, arka ram ram chang tel na shot chang kiimaq ahomwiq-homseng honglu na shot miitu;

DUNGWVNC 30:23

“Ahea pinthum süse tapan homseng kham ka kilogram trok, kiimaq ahomwiq phan tsangkürang tsai ka kilogram atsam lam laq, kiimaq ahomwiq phan homkii tsai ka kilogram atsam lamlaq,

DUNGWVNC 30:33

Kiimaq jurwa akha tel ka phoq tlaq, riimakla arwa maiq ahinti juwa ramwe riimakti khum na nyat kuq raüla, kriiti ka isengi nguta weamak she miraq.’”

DUNGWVNC 30:35

Laüta arthun armaq homseng honglu kra klolaq. Arthun arka homseng ikha adam na riishot laüta phoqlaq. Laüta chiisan kiimaq asii maq thü miitu shum ri shot damlaq.

DUNGWVNC 30:7

Wranaptek Aron ka lem tsrup riiqwa watlaq akhingtek na, apaiq raq ara berong-wacha arjaq ahomwiq-homseng honglu ka chaqho lili riichang.

DUNGWVNC 31:11

ramram chang tel kra, kiimaq ahomwiq-homseng honglu Asii Khok na kechang thun kra klo miitu ningkun kuq kang she. Tsangshiq raq arthun hupsam klotlaq akhing na Ngi raq ümniima aming kuq kang kra phan phan klo ratlo.”

DUNGWVNC 35:15

homseng honglu chaqchang berong-wacha nai kra pichang pepum wiinai kra; ramram chang tel kra; ahomwiq-homseng honglu kra; Tombutiip na wachang kilamchong na chanchang kheathum kra;

DUNGWVNC 37:29

Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.

ASHICHONG 3:6

Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

ISAIA 43:23

Ümniiraq Ngi ma chaqtlii-honglu sku thun lamkuq wan maüdea riilaü, ümniiraq Ngi ka honglu takuq laüta shreng maüdea riilaü. Ngi raq ümjaq wa honglu thun ka keraa dongdii nguta shiitep mang dea, riimakla ümjaq wa homseng honglu holai tiiho mang dea.

LEWI 16:12

apaiq raq wa-tso chang winpin na wachan anyai alai kra berong-wacha kiiwa mitso. Kiimaq homseng honglu win ka jaqkhon maq jaqkhonnai kra milam. Raüta kriithun ka Asii Pinthum Khok kiijaq milam wan.

LEWI 2:1

Ümtiikiiwa maiq weshi ra raq wong honglu Tatiwe ma kuqtlaq, apaiq raq kra kongkhu wongwin ma thaü chang. Raüta apaiq raq olip tai nai homseng ka kriithaq na thiichang.

LEWI 2:15

Laüta olip tai kra kriithaq na thiilaq. Kiimaq kriithaq na homseng kra thiilaq.

LEWI 24:7

Laüta homseng ka alentek kiijaq phanshi shi phonglaq. Arka phaqsea-honglu Tatiwe ma akuq winsii kra la na kuqlaq.

LEWI 5:11

Kiimaq maiq weshi ra raq haütaü kaünai riimakla paro kaünai kriimin kuqlot mak she raüla, apaiq raq bunwong win kilogram shi ka ngarai-honglu miitu lam wan chang. Apaiq raq kiijaq olip tai ka thii mai mak. Riimakla homseng min thii maimak. Jamkhano ngukla arka ngarai-honglu. Wong-honglu riimak.

WEAWEA 4:16

Aron se ramwe Eleajar miika Tombutiip miitu kunli kiimaq lem thun na chaq chang tel miitu, homseng honglu, wong-honglu thun, ram ram chang tel miitu, kiimaq Tombutiip mong na lang chang Tatiwe ma kiinong kuq wantaq hupsam thun kunli liiko wan miitu arang kuqto.

Matthew 2:11

Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.