DUNGWVNC 30:18 - ASII LAKDAP Bible (BSI)

¹⁸ “Miiki nüchhong jaqhe chang pin ka ajichong min miiki maq hailaq. Laüta kra Tombutiip nai berong-wacha heawea na tolaq. Laüta kra mong na kham thiilaq.

Hawa Naga Bible 2001

¹⁸ “Nvyrvyx pantuimz rulc vdvmz vtochuing tauk tvhungx guirx shuiuz. Kvruex pantuimz kvyuq yuix htawc vtueq Ngaz httax taungx Tap nuiyc shomrawx hvlwvl nuex taq shuiuz.

DUNGWVNC 30:18 Referencias Cruzadas

1 HOKHVMX 7:23

Huram raq miiki ngam maq khamtum tamloklok piikhaü kaü ikha atsaü nü na 2.2 mitar kiimaq khamtum nübok ka siimko maq riita siimko na saüli ka 4.4 mitar, kiimaq kra khamtum trotam maq akii-tro ka ajong nü na 13.2 mitar riito.

1 HOKHVMX 7:38

Huram raq jaqhe chang winpin roqshi kriimin tiiqto. Leng ashi miitu winpin ka ashishi tiiqto. Winpin ashi ka winpin kii siimko maq riita siimko na saüli ka 1.8 mitar riito. Kiimaq kham ka winpin shi na 800 litar watlo.

2 KAÜWA WERAÜ 4:2

Kiimaq apaiq raq trotam na tamlok lok kaü, atsaü nü na mitar 2.2 khamtum ashi min miiki maq loto. Kra khamtum kaü ka among rom tingting maq panthit tiikhosaq na shin raüla mitar 4.4 kiimaq kra akii tro maq komsaq na shin raüla mitar 13.2 riito.

2 KAÜWA WERAÜ 4:6

Kiimaq tsangshiq raq lairap heachang besin winpin thun min roqshi loto. Besin winpin biingi ka Shomjam maq shemai nü siim na thüto kiimaq biingi ka shekhu nü siim na thüto. Kra besin winpin thun kriika kham thü raüta nyamse honglu na chaqtlii riichang takuq tlaq kra ngam bu apan athiq thun sitlaq kra kham na tsamhi hi hechang riito. Kiimaq kra khamtum kaü mong na kham kriika ramwebi raq phanrap ahe atse chang miitu riito.

DUNGWVNC 30:17

Tatiwe raq Mosheq ma nguto,

DUNGWVNC 31:9

wiipumtam-chaqtlii chang berong-wacha kra kiimaq kra miirii hupsam thun kra, jaqhechang-nüchhong pin nai ajichong khambu kra,

DUNGWVNC 38:8

Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

DUNGWVNC 40:7

Kiimaq jaqhe chang nüchhong-win pin ka Tombutiip nai berong-wacha liipan na tiihonglaq. Laüta kiijaq kham tiimali thiilaq.

THARC TVLUINGC 5:1

Honkamshat maq Shomjam na kilaq. Kiijiika ataikai miitu kilaq. Maiqjiqti raq ajiq alam sapmak maq honglu kuqtlaq ikha ka naqki kiq.

LEWI 8:11

Kiimaq apaiq raq tel ka wiijam lamto. Raüta berong-wacha nai kiijaq lang chang hupsam thun thaq na, kiimaq jaq he chang sorija pin kra, kiimaq kra jichong kiijaq, tel maq jang miishi batto. Arka arthun ara Tatiwe ma kiinongke miitu ram tiibok.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.