DUNGWVNC 29:9 - ASII LAKDAP Bible (BSI)

⁹ Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

Hawa Naga Bible 2001

⁹ kheshuit kuex shuit kuq ruiux, khux phop muinz tv-phop kuq shuiuz. Arun nac sahez muex kvkhoc mnoz rueq tvkvp kuq shuiuz. Tsuinghez nuiyc tsuingshiq suiuz vsaz htenc kuex shomc waz muex yaungx vtueq, ngvy yauk shuimc kuex pattup shuimx shuex.

DUNGWVNC 29:9 Referencias Cruzadas

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 32:29

Kiimaq Mosheq raq Lewinok ma nguto, “Ümchaü ranaiq namshiq raq maiqmii khum ka namsetiim kiimaq namphu namnotiim thun kra tsatbaiq lanta Tatiwe shiikumpan ramwebi jaqsham miitu kiinong kuqlan she. Kra ningkhan Tatiwe raq namshiq ma apaiq achu shiiman kuqto she.”

DUNGWVNC 40:15

Kra laüta tsangshiq ka awe jamkho asii ramkham tel ma nyat laüta kiinong kuqlaü kiikhiisii, tsangshiq kiimin ramkham tel maq nyat laüta kiinong kuqlaq. Kra riihaüla tsangshiq ka ramwebi ja raüta Ngi shiikumpan jaqsham milot. Ara ramkham tel maq nyattlaü ariiraq tsangshiq ka pattup pat-sa ramwebi ma mitiija wan.”

LEWI 8:1

Tatiwe raq Mosheq ma nguto,

LEWI 8:13

Kra lot raütiishe Mosheq raq Aron setiim kriishe khaki na shea wanto. Raüta tsangshiq ma samtong thun kra tiisam kuqto. Kiimaq tsang chhüpii na kheabun tusetiim kra tiipaq kuqto. Kiimaq tsangshiq khu na khuphok setiim kriishe tiiphok kuqto. Raüta raülo maq tiipha shat kuqto. Arka Tatiwe raq aming kuqtaq kra phan phan kloto.

LEWI 8:33

Namshiq raq namshiq ramwe ma shong wan ram ram jaqsham kra mithum shaq wiiwii, ramiishi na saüli kra Tombutiip na wachang kilam chong ba kiiwa ahin na khumkai maimak.

WEAWEA 16:10

Apaiq raq ümnaq nai Lewinok phan tlotli ma ara rahea phan jaqsham kuqto. Kra taü miisha, ümchaü ümnii riika ramwe jaqsham kriimin ümniiraq sham chang nguta phephiiq tlaü!

WEAWEA 16:35

Kiijiishe Tatiwe raq watu tiikito. Raüta kra walü nyai hengtlaq kriiraq maiqwere 250 homseng honglu berong-wacha na kewati kra tiihihut khiimbaiqto.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

WEAWEA 25:13

Apaiq nai asaü asetiim ka Ngi raq pattup pat-sa miitu ramwebi miishe shongtiikang. Jamkhano ngukla apaiq raq Ngi ngachang jiiti lai hin phra ka ninlot mak riito. Kiimaq apaiq raq jaqsham raüta mungmaiqse ngarai kra dobaiq wan miitu lam tanto.”

WEAWEA 3:10

Ümniiraq Aron nai asetiim ka ramwe jaqsham miitu mishong haü. Maiq ahinti raq ramwe jaqsham kra shamlai nguta manhii raüla, kriiti ka tiidoq ra atsea baiq chang miraq.”

TRI CHONGKE 18:5

Tatiwe raq namshiq maiq phan thun tlotli wa Lewi phan ka pattup pat-sa apaiq ramwe jaq sham wan miitu apaiq wokhong na si miitu tsea wanto.

Hebrews 5:10

Kiimaq Shiikeawe raq, apaiq ka ramwe ajong Melkijedek jaqsongti we liijo nguta, tri ka phoq kuqto.

PHOWEBI 17:5

Riita Mika raq phra shomnoq chang khok ka ajam na tiihongto. Kiimaq apaiq raq phra sumla thun haito kiimaq asii miirii min ashi kloto. Raüta asetiim phong wa weshi ka apaiq ramwe ma shongto.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.