DUNGWVNC 29:9 - Hawa Naga Bible 2001

⁹ kheshuit kuex shuit kuq ruiux, khux phop muinz tv-phop kuq shuiuz. Arun nac sahez muex kvkhoc mnoz rueq tvkvp kuq shuiuz. Tsuinghez nuiyc tsuingshiq suiuz vsaz htenc kuex shomc waz muex yaungx vtueq, ngvy yauk shuimc kuex pattup shuimx shuex.

ASII LAKDAP Bible (BSI)

⁹ Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

DUNGWVNC 29:9 Referencias Cruzadas

DUNGWVNC 27:21

Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

DUNGWVNC 28:1

“Mphuz Arun nuiyc piq sahez Nadab, Abihu, Eleazar, Ethamar tsuinghez kuex gvl shuiuz. Tsuinghez kuex ngaz muex shuimc kuy tvkoc shomc waz yaungc muex, Israel miqsaz phungc kvwawc thvl taq shuiuz.

DUNGWVNC 32:29

Moshe rueq Lewi phvnx muex ngoc, “Majuiuc raungnuiyq nuimshiq rueq miqmac suiuz vsaz htenc nuiyc phuz vnox htenc kuex thvt gay tuit ningkhvnc nuex, Yehowa nvrc waz yauk shuimc shuimc tvkoc shomc waz muex yaungc laung miqmac shauk vgvnz kuex lekuq wuez tuit, kvkhoc rvtueq Yehowa rueq nuimshiq muex ruimrix kuq tueq,” ngoz tueq jungx tueq.

DUNGWVNC 40:15

Kvruex yimaq vwaz muex ruimruimx kuq toq kvkhoc tsuinghez muex muinz ruimruimc tix maq nyvt shuiuz, kvkhoc ruez ruiux tsuinghez kuex shomc waz muex yaungx vtueq ngaz muex shuimx kuq lot phuex. Tsuinghez muex kvkhoc ruimruimc kuy kuex httuiuc wvnc yaq tsuingshiq suiuz vsaz pat nuex httuiuc laz rvtueq,” ngoz tueq jungx tueq.

LEWI 8:1

Yehowa rueq Moshe muex,

LEWI 8:13

Moshe kuex Yehowa rueq nvr tueq rulc rv-ngvlc Arun saz miqwaz sahez kuex max nuex gvl vtueq, svmhung htenc tvsvmc kuq ruiux, kheshuit shuit kuq tueq, khux nuex khux phuk htenc tv-phop kuq tueq.

LEWI 8:33

Nuimhez kuex ngauz tvduic htungx tvlot laz raungx mvshix tup Tap kaluix phic kox nuex nauk dung kaz.

WEAWEA 16:10

Vpiq rueq mnoz nuiyc vganc Lewi miqsaz lotlaz muex kvkhoc tvtsanc nganc yauk shuimc kuex kuq kv-phuinx rvyruiux, majuiuc nuimshiq rueq shomc waz yauk shuimc kuex thoz vshuinx nyix!

WEAWEA 16:35

Kvruex yimaq Yehowa rueq wvr tvdvy vtueq vhomc vshot kuex shomc kuy jix miq 250 kuex wvr rueq khamc gay tueq.

WEAWEA 16:40

Arun phvnx wawc rvmuq jix miq uraq yuq muinz Yehowa muex vhomc vshot juiuz kuy tvkoc shomrawx hep nuex kay mvy muq ngoz tueq nvyrvyx guip rueq Israel miqsaz muex honc tvsvmz kuq yaq. Vruex phvnx muq jix htenc kuex Kora nuiyc vyix phvnc jix hez htenc ikhoc tvbac gay rvhumc tuex. Yehowa rueq Moshe maq raz tueq tvlvy jungx kuq tueq htenc kuex Eleazar rueq shuimx kaz tueq.

WEAWEA 18:7

Yuq muinz msaz nuimhez rueq dvyx shomrawx nuiyc Vsawc Baung nuex seng vtueq shomc waz rueq gurc pic juing htenc kuex shuimc kay rax. Nuimhez rueq shuimc juing shomc waz yauk shuimc kuex yauk noalc ikhoc lekuq shec phaungx ningkhvnc nuex kvruex kuex mnoz rueq gurc pic juing rvtueq. Kvkhoc rvtueq vsawc baung nuex kvnvp kay jix seng muq miqsaz ukhaq yuq muinz vthueyc rvhumc tuex,” ngoz tueq jungx tueq.

WEAWEA 25:13

Piq rueq ngaz maq lvy vtueq vganc tishox kuex raungc raq muq maq Israel miqsaz mvrax kvdawc juing lvmz shuimx wvnc tueq ningkhvnc nuex, piq maq phaungc vtueq vsuiuz vsaz hez rueq shomc waz yauk shuimc kuex mkaq muinz shuimx wvnc wuez shuex,” ngoz tueq jungx tueq.

WEAWEA 3:10

Mnoz rueq Arun nuiyc vsaz hez muex shomc waz bix yauk shuimc htenc kuex lekuq vtueq tvshuimc rax; yvmx muinz seng muq jix miq rueq shomc waz yauk shuimc shuimx kaz ruiux yuq, kvruex waz kuex vthueyc rvhumc tuex,” ngoz tueq jungx tueq.

TRI CHONGKE 18:5

Yehowa rueq mphvnx htenc kvwawc Lewi phvnx kuex pattup shomc waz muex yaungx vtueq vpiq muex shuimc kuy tvkoc thvl taq tueq.

Hebrews 5:10

Vpiq kuex Melkhizedek marrarc svmc jix shomc wayungx ngoz tueq Tishox rueq muingc kuq tueq.

PHOWEBI 17:5

Vruex Mika ngoz yaq waz kuex piq rueq taungtuik nawk palx juing baung httax yaq. Yac yuimx htenc nuiyc hungtuingx khvy kuex piq rueq tvhungx ruiux, vsaz washiz kuex piq shomc waz muex tvyaungc tueq.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.