DUNGWVNC 29:40 - ASII LAKDAP Bible (BSI)

⁴⁰ Apha na takuq tlaü kriiti rai ka bunwong win kamshok shok kilogram shi ka litar shi chiisan olip tai rai adam na triishot laüta kuqlaq. Kiimaq spiqtai ka litar shi honglu na nyuklaq.

Hawa Naga Bible 2001

⁴⁰ Vphaungc wawc khelbuenx kvrulc vdvmz olip puiz kilogram vshiz maq vshot khaqmvnc wanx tawk shiz muinz shomc kuy rax. Svpiq tix guip shiz kvmuinz shomc shvy kuq shuiuz.

DUNGWVNC 29:40 Referencias Cruzadas

RAPHA HIQWA LAK 35:14

Kiijaq, Shiikeawe raq apaiq rai riibomtaq hiq ba na Jakob raq tsan na tiitsang chang man phan longkaü ashi shongto. Raüta kra longkaü ka spiqtai nai olip tai maq nyuk raüta ramto. Raüta Shiikeawe ma kiinong kuqto.

2 HOKHVMX 3:20

Kriimaq napjai niishe, ranap nyamse honglu take akhing na kham ka Edom mung nü tiithi maq dongho raüta, kra binjü hiq thung ba thun kiijaq kham tonglong lishe riito.

DUNGWVNC 16:36

(Kra pat na mung raq langtlaq hupsam shinriiqriiq phan shin chang tok kriimaq shin raü ka arka litar roqnai rii riito.)

DUNGWVNC 29:39

Skuse ashi ka ranap na takuqlaq. Kiimaq ashiti ka raji na takuqlaq.

DUNGWVNC 29:41

Kiimaq skuse anai ngojati ka raji na takuqlaq. Kriirai min ranap na honglu kuqlaü kiikhiisii hali bunwong win, olip tai, kiimaq spiqtai kiimin honglu na kuqlaq. Arka, Ngi, Tatiwe ma phaqsea honglu. Kiimaq ara khiimtsang ka Ngi ma tsan tiiheali.

DUNGWVNC 30:24

kiimaq ahomwiq phan kassia ngutlaq ka kilogram trok lamlaq (arthun tlotli ka mung tok maq riikhaqli shinchang). Kriithaq na kilogram blai olip tai kra tiitsuqlaq,

ISAIA 57:6

Namshiq raq kiiwa longkaü kaünyea nyea thun kra lam lantea tisho kong nguta noqtlan. Namshiq raq che khap ka honglu na tsangshiq ma raü kuqtlan kiimaq rai awong honglu thun kuqtlan. Namshiq nga Ngi ka arthun klotlan arma chochitlo ngutiisha tiimatlan?

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

EJEKIEL 4:11

Kiimaq ümniiraq kham kiimin thilaüta atsapseli, ranaiqshi na koknai nai li minyang haü.

EJEKIEL 45:17

Apaiq raq arthun ara chomke miitu arang hochang: wiipumtam honglu kechang nyamse thun, wong-honglu kechang thun, kiimaq spiqtai-honglu kechang thun kra. Arthun arka Israil mung tlotli miitu honglu kechang. Arka Jinye Poi thun na, Asii Niitiitsak Ranaiq thun na, kiimaq poi ahin thun na kechang. Kiimaq apaiq riika ngarai-honglu thun kechang thun, wong-honglu thun kechang, wiipumtam maq chaqtlii nyamse honglu thun kra kechang, kiimaq rintii-honglu kechang thun kra, Israil mung ngarai tiisii wan miitu kecchang.”

EJEKIEL 45:24

Minsaü pongwe ashi kiimaq sku pongwe ashi takuqtlaq kra rai kaüshi khu na püwong win wa litar roqshi ri miishi ri athiq kiimaq oliptsi tai wa litar tsam kra honglu na kechang.

EJEKIEL 46:11

Phaqsea poi ranaiq thun akhing na kiimaq kukkuk memei poi akhing ranaiq na wong-honglu ka litar roqshi ri miishi ri athiq riichang. Kriika loweatek minsaü pongwe ashi riimakla sku ala ashi kuqtlaq kriirai kechang. Kiimaq skuse aransetiim kuqtlaq kriirai ka honglu kewantiwe apaiq raq aroro ke wan chang. Olip petsitsai ka litar tsam, ara chongtiikai wong-honglu kuq wantlaq ariirai kewan chang.

EJEKIEL 46:14

Kiimahali bunwong wongwin ka kilogram anai ka litarshi olip tsai rai adam na shot raüta honglu na kechang. Riita Tatiwe ma ara honglu kewan tri arka pattup pat-sa lang wan ruq riichang.

EJEKIEL 46:5

Apaiq raq sku ala kaüshi honglu kuqtlaq kriirai püwong win ka litar roq hi ri miishi ri athiq kiimaq skuse aranse kuqtlaq kriirai skuse loweatek khum na apaiq raq jamlai phan kewan rowa kra kewan chang. Apaiq raq ara wong-honglu kuqtlaq tek kriirai ka olip tsai litar tsam ke wan chang.

EJEKIEL 46:7

Minsaü saüre pongwe ashi kiimaq sku ala ashi honglu kuqtlaq kriirai ka, püwong win ka litar roqshi ri miishi ri athiq, kiimaq skusetiim kuqtlaq kriirai ka sku loweatek rai mungtuwe apaiq raq aroro kra ke chang. Ara wong-honglu kuqtlaq kra aweatek na olip tsai ka litar tsam ke chang.

Hosea 9:4

Tsangshiq raq Tatiwe ma, honglu na che min kuq mak she miraq. Kiimaq tsangshiq raq nyamse honglu akuq wan kiimin, Tatiwe raq tao mak she miraq. Kra honglu thun ka, wulum tiijü tsam ikhli miraq. Kra wa nyiim wanti tarü, ashe maiqse miishe mija wan. Kra phaqsiq tlaq ka, tsangshiq wokpo miituli. Kriika Tatiwe jam na, honglu kewan chang riimak.

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

Yoel 1:9

Tatiwe jam na wongrai honglu nai spiqtai honglu, kewan chang min ahüshe. Kriikha na Tatiwe jaqshamti ramwebi hoqtrang tlo.

Yoel 2:14

Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.

LEWI 23:13

Kriirai namshiq raq kilogram anai bunwong win ka olip tai maq shot lanta phaqsea-honglu na kuq ronglaq. Ara honglu Khiimtsang ka Tatiwe ma tsan tiiheali miraq. Kiimaq namshiq raq kriirai litar shi spiqtai kiimin honglu na kuq ronglaq.

LEWI 6:13

Berong wacha wa ka wranaiqshe tiinyai chaq wan ruq li riichang. Ümtiikiimin tiimatbaiq raamak.

WEAWEA 15:24

kiimaq kra shut phit wantaq kriika mungmaiqse raq sap mak kha ma shut wantaq jiila, tsangshiq raq minsaü pongwe ka chaqtlii-honglu na kechang. Ara khiimtsang ka Tatiwe ma tsang tiiheali miraq. Arka riikhaqli tri maq wong-honglu nai spiqtai-honglu rai adam na kechang. Arthaq niimin, tsangshiq raq chhechhi pongwe ashi ka ngarai-honglu na kechang.

WEAWEA 15:7

Arka spiqtai litarshi ri athiq rai adam na kechang. Arthun honglu akuq khiimtsang ka Tatiwe ma tsan tiiheali miraq.

WEAWEA 28:10

Riita ara chaqtlii-honglu arka Asii Niitiitsak Ranaiqtek na joli ranaiqtek honglu spiqtai-honglu rai kuqtlaq kriithaq tiitsuq ke chang.

WEAWEA 28:24

Ara kuq tlaü akhiisii hali ramiishi na saüli, Tatiwe ma phaqsea-honglu ka kuqlaq. Ara khiimtsang ka apaiq ma tsan tiiheali miraq. Ara honglu arka ranaiqtek chaqtlii-honglu kuqtlaü kra nai spiqtai-honglu kuqtlaü kra tiitsuq ma kuqlaq.

WEAWEA 28:5

Skuse loweatek krai wong-honglu bunwong win 1 kilogram ka 1 litar shi ahea pinthum olip tai krai triishot raüta kechang.

WEAWEA 29:16

Kiimahali chhechhi pongwe ashi ka ngarai-honglu na kuqlaq. Arthun arka ranaiqtek joli chaqtlii-honglu nai wong-honglu krai kiimaq spiqtai-honglu kuqtlaü kra thaq na tiitsuq ma kuqlaq.

WEAWEA 4:16

Aron se ramwe Eleajar miika Tombutiip miitu kunli kiimaq lem thun na chaq chang tel miitu, homseng honglu, wong-honglu thun, ram ram chang tel miitu, kiimaq Tombutiip mong na lang chang Tatiwe ma kiinong kuq wantaq hupsam thun kunli liiko wan miitu arang kuqto.

TRI CHONGKE 32:38

Namshiq raq kriithun ka honglu ngampü maq dunglan ihata, lanta tsangshiq ma spiqtai kuq nyang lan ihata. Tsangshiq ka ümchaü waraüta namshiq ka mikhrum kuq liina; tsangshiq ka ju raüta namshiq ka mitiichhii kuq liina.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.