DUNGWVNC 29:40 - Hawa Naga Bible 2001

⁴⁰ Vphaungc wawc khelbuenx kvrulc vdvmz olip puiz kilogram vshiz maq vshot khaqmvnc wanx tawk shiz muinz shomc kuy rax. Svpiq tix guip shiz kvmuinz shomc shvy kuq shuiuz.

ASII LAKDAP Bible (BSI)

⁴⁰ Apha na takuq tlaü kriiti rai ka bunwong win kamshok shok kilogram shi ka litar shi chiisan olip tai rai adam na triishot laüta kuqlaq. Kiimaq spiqtai ka litar shi honglu na nyuklaq.

DUNGWVNC 29:40 Referencias Cruzadas

RAPHA HIQWA LAK 35:14

Tishox kuex piq rulc rvbomc tueq baung kvyuq Yaku rueq tvtsuingc lungshungc vtueq, kvruex htauk kvyuq svpiq tix nuiyc olip puiz tix kuex shvy tueq.

2 HOKHVMX 3:20

Nvp yix raungnvp yac dauk shuimx kaz ruiux shuinx raungnvp shomc nawk kuy jauz, Edom mungx kox maq yuix dung kaz vtueq ghaq kuex luimz wvnc tueq.

DUNGWVNC 16:36

(Shenc juing tawk maq liter 20 kuex khayshiz rvtueq.)

DUNGWVNC 29:39

Raungx nvp nuex vshiz, raungyac nuex vshiz maq shomc kuy rax.

DUNGWVNC 29:41

Raungyac kox nuex vnueyc ngoc yaungc khelbuenx kuex shomc nawk kuq shuiuz, raungnvp kox nuex shomc kuq toq kvrulc rv-ngvlc khaqmvnc wanx, olip puiz nuiyc svpiq tix kvmaq muinz shomc kuq shuiuz. Kvruex kuex Ngaz, Yehowa tvkoc phuiuz vsvy shomc kuy yaungx vtueq vhomc vtumc kuex ngaz rueq raungc raq vshaungx.

DUNGWVNC 30:24

kasia kilogram 6 rvtueq vhvlx pinhtumc vhomc vtumc phvnx htenc kuex (htvp htaz tvy yoalx tawk maq shenc juing). Olip puiz liter 4 maq shot vtueq,

ISAIA 57:6

Kvruex wawc lung poz vnyel htenc nuimshiq rueq lvmz vtueq miqmac tishox htenc muex tvyaungc nawk palx vshuinx. Nuimshiq rueq svpiq tix kuex shvy vtueq shomc kuq ruiux vruiy vwungx maq shomc kuy muex laq vshuinx. Vruex htenc lotlaz kuex ngaz rueq raungc raq yaq ngoz tueq haz tvmaung vshuinx?

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

EJEKIEL 4:11

Mnoz rueq yuix muinz vhtaz raz tueq raungnuiyq shiz nuex kok nueyc nueyc nuingx shuiuz.

EJEKIEL 45:17

Wvpumz tuimx shomc kuy juing nyvmx saz htenc muinz, vruiy vwungx shomc kuy juing htenc muinz, Yac Haungc Moalx htenc, Vguilc Raungnuiyq htenc nuiyc vganc moalx htenc nuex miqphvnx wvtaungx tvkoc kuy muex svpiq shomc kuy juing htenc tvdungc kuy kuex piq htauk nuex httax yaq. Israel miqsaz yaq tueq mvrax htenc lvmc gay tvkoc, mvrax kvdawc shomc kuy, vruiy vwungx shomc kuy, wvpumz tuimx jauk shomc kuy, nuiyc lux rvyaungc shomc kuy juing htenc kuex piq rueq tvdung shuex,” ngoz tueq jungx tueq.

EJEKIEL 45:24

Shomc nawk kuq tueq manx pung tek nuiyc khelbuenx pung tek tvkoc nuex wungwanx khvyx shiz rac olip puiz liter 3 tauk tvdungc juing rvtueq.

EJEKIEL 46:11

Phuiuz svy moalx htenc nuex nuiyc moalx htenc tvhungx shuex nuex, manx pung tek vtueq nuiyc khelbuenx pung tek vtueq vruiy vwungx shomc kuy juing kuex khvyx shiz nuiyc khelbuenx pung sahez tvkoc kuex nawk palx jix rueq vkuy roc shuex tanc khvnc kuy rax. Vruiy vwungx shomc kuy juing khvyx shiz nuex olip puiz liter 3 rvtuex.

EJEKIEL 46:14

Wvraungx nvp tek wungwanx kilogram 2 rulc vdvmz olip puiz sheshac shiz maq vshot wungwanx kvmuinz tvdungc rax. Yehowa tvkoc shomc kuy juing vruex wungwanx kuex pattup pat-sac nuex seng yaq vnvrc tvrac htenc rvtueq.

EJEKIEL 46:5

Piq rueq khelbuenx pung vshiz laung wungwanx khvyx shiz rac khelbuenx pung saz tvkoc piq rueq kuq lot shuex tanc khvnc shomc kuy muex laq shuex. Vruiy vwungx shomc kuy juing wungwanx khvyx shiz nuex olip puiz liter 3 muinz piq rueq lvmz laq shuex.

EJEKIEL 46:7

Manx pung tek nuiyc khelbuenx pung tek tvkoc wungwanx khvyx shiz tvdung ruiux khelbuenx saz pumz tek tvkoc piq rueq kuq lot shuex tanc khvnc mkuq shueq. Wungwanx khvyx shiz tvkoc nuex olip puiz liter 3 rvtuex.

Hosea 9:4

Tsuingshiq kuex pungnuk mungx htenc maq Yehowa muex svpiq tix shomc kuq lvp shuex rvmuq, vpiq muex tsuingshiq shomc nawk kuy juing lvmz laq shuex rvmuq. Kvruex phuiuz svy jix vshiz maq vshiz kuex miq maungx luip shuex nuex phauk saq yaq ikhoc vshuy vshac rvtueq. Kvruex kuex tsuingshiq rvmc thuiuz hvlc nuex thuinz tvhvlc juing phuiuz vsvy rvtueq; kvruex kuex Yehowa Shomc Yuimx nuex shomc kuy juing tvyaungc tvkoc lvmc lvy mvy muq.

Yoel 1:13

Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.

Yoel 1:9

Shomc Yuimx nuex shomc kuy juing tuiz vtsvmz nuiyc svpiq tix vguez shex; Yehowa tvkoc shomc kuy juing vguez ningkhvnc nuex shomc waz bix yonzyex wuez yaq.

Yoel 2:14

Yehowa nuimshiq Tishox kuex vpiq thuinz kvlayc vtueq nuimshiq muex phungc yungx rungc yungx vthuey vngoz htenc ruimrix kuq kv-phuinx. Kvruex yimaq nuimshiq rueq vpiq muex tuiz vtsvmz nuiyc svpiq tix maq shomc kuq shuinx.

LEWI 23:13

Kvrulc vdvmz phuiuz vsvy shomc kuy tvkoc olip puiz vshot wungwanx kilogram 2 kuq shuinz. Vkhoc homc tumc thuingc kuex Yehowa rueq raungc raq yaq. Kvmaq svpiq tix liter shiz kvmuinz kvrulc vdvmz nuimshiq rueq lekuy rax.

LEWI 6:13

Shomrawx wawc wvr kuex tvluic hvt ruec rax, wvr tvhvmc mvy muq.

WEAWEA 15:24

tuiuz muq maq yaq gay tueq lvmx httax wvnc tueq ngoz ruiux yuq, tsuingshiq rueq manx roalc pung vshiz kuex wvr maq jauk shomc kuy tvkoc shomc kuy rax. Kvruex rulc vdvmz vruiy vwungx maq nuiyc svpiq tix maq shomc kuy rax. Kvmaq raz tueq mvrax kvdawc tvkoc khelkhix pung vshiz maq muinz shomc kuy rax.

WEAWEA 15:7

svpiq tix liter shiz rac vhtaq muinz lvmc lvy rax. Kvkhoc vshomc kuq vhomc vtumc kuex Yehowa rueq raungc raq yaq.

WEAWEA 28:10

Kvruex kuex svpiq tix shomc kuy nuiyc wvraungx nuiyq tek shomc kuy juing maq lvy vtueq, Vguilc Raungnuiyq tek wvr maq jauk shomc kuy juing rvtueq.

WEAWEA 28:24

Ekvkhoc raungx mvshix tup Yehowa muex phuiuz vsvy shomc kuy rax, kvruex homc vtumc kuex vpiq rueq raungc raq yaq. Raungnuiyq tek wvr maq jauk shomc kuy nuiyc svpiq tix shomc kuy juing maq lvy vtueq, vruex muinz shomc kuy rax.

WEAWEA 28:5

kvrulc vdvmz wungwanx kilogram vshiz nuex vhvlx pinhtumc olip puiz tix liter shiz maq vshot taq, vruiy vwungx shomc kuy juing muinz tvlomx rax.

WEAWEA 29:16

Mvrax kvdawc shomc kuy tvkoc khelkhix pungshiz shomc kuy rax. Vkhoc shomc kuy kuex raungnuiyq tek wvr maq jauk shomc kuy juing rulc vdvmz vruiy vwungx shomc kuy nuiyc svpiq tix shomc kuy juing htenc muinz tvrvp vtueq vruex htenc kuex shomc kuy rax.

WEAWEA 4:16

Shomc waz Arun saz Eleazar rueq Tap tvkoc muinz, wvrkok puiz, vhomc vshot, ruiy vwungx, ruimruimc puiz tix maq phaungc vtueq Yehowa muex vlekuy wuez Tap wawc hup svmx httax yaq lotlaz kvmuinz khvmc tvy rax.

TRI CHONGKE 32:38

Nuimshiq rueq kvruex mac shomc nawk kuq vshuinx, shomc kuy juing wawc vpuiz kuex tsuingshiq muex kuq phauk vtueq, vnuingc juing svpiq tix maq tsuingshiq muex tvnuingc tuit. Majuiuc kuex tsuingshiq rueq nuimshiq muex mromc kuq kv-phuinx; tsuingshiq kuex nuimshiq kvwungx juing nuex yauk lox kaz vtueq mpalc wvnc kv-phuinx.

Philippians 2:17

Mkhoc shoc maq nuimshiq kvmluimx tuinx kuex Tishox muex shomc kuq yaq shomc nawk kuy juing htauk nuex, ngvy thuiuzthuic tvguiy shvy kuy juing ngoz ruiux kuex, ngaz kuex kokez vtueq nuimshiq rulc vdvmz nuex kokez taungx.