DUNGWVNC 29:38 - ASII LAKDAP Bible (BSI)

³⁸ “Pattup pat-sa na saüli arawii wiishishi skuse ka anai nai ranaiqtek berong-wacha kiijaq honglu talaq.

Hawa Naga Bible 2001

³⁸ “Shomrawx htauk kvyuq wvraungx nuiyq tek tvkhvlc muq maq wawc shiz khelbuenx vnueyc nueyc maq shomc kuy rax.

DUNGWVNC 29:38 Referencias Cruzadas

RAPHA HIQWA LAK 22:7

Isak raq nguto, “Iwe lei!” Apaiq raq treto, “Ise lei, jawa?” Isak raq waito, “Iwe lei, ümjaq niika wathiqtu nai chintei ka asi. Shatmaq honglu na taakechang skuranse ha ümbano?”

1 KAÜWA WERAÜ 16:40

Tsangshiq riika ranaptek nai rajitek na honglu takuq wantlo. Raüta wiipumtam maq berong-wacha na chaq wantlo. Arka Tatiwe raq Israilnok ma Tri kuq wantaq kra phan phan klowantlo.

2 KAÜWA WERAÜ 13:11

Ranaptek kiimaq rajitek na tsangshiq raq homseng honglu nai nyamse honglu wiipumtam maq wa na chaqtlii chang kra takuqtlo. Tsangshiq raq winsii honglu thun kra chamrii asii kra thaq alu kuqtlo. Kiimaq rajitek tsangshiq raq lem thun kra tiinyai chaq raüta chaq lem tochang kham kiijaq totlo. Naishiq riika Tatiwe raq jamlai aming wa kuqtaq kra phan phan li klo tiikai. Shatmaq namshiq apaiq ka miimbaiq lan.

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 29:7

Tsangshiq raq Shomjam kilü thun ka shaqbaiqto. Raüta lem thun ka wiita tiimat baiqto. Kiimaq homseng honglu min chaq mak she thaq baiqto. Kiimaq Israilnok Shiikeawe ma wa na wiipumtam maq chaqtlii nyamse honglu thun min takuq mak she thaq baiqto.

2 KAÜWA WERAÜ 31:3

Hokhamwe Hejekia raq apaiq nyamse phong wa ranaptek nai rajitek na wiipumtam maq wa na chaqtlii honglu thun kra miitu, kiimaq Niitiitsak ranaiq honglu thun miitu, kiimaq Jinye Dong Poi na phaqsea miitu, kiimaq Tatiwe Thungtri na chongtlaq krai mren laihin poi akhing na phaqsi tlaq kra miitu nyamse thun ka kuqto.

2 KAÜWA WERAÜ 8:13

Apaiq raq wa na wiipumtam maq chaqtlii honglu thun ka Mosheq Thung tri na waiqtaq kra phan phan asii ranaiq tek na: Niitiitsak ranaiq na, Jinye Dong Poi thun na, kiimaq rawiitek na laktsam poi jonghea - Pi Maq Shohü Winsii Phaq Poi, Tsamwi Poi, kiimaq Lamjap Tiip Poi akhing na klotlo.

EJRA 3:3

Munglu asiwa Israilnok mungmaiqse thun ümchu wa tsangmung na jang wan nongtiitibi ka, tsangmung na maiq mung hinti sitlaq kriima ahai ka asi. Li jiimin tsangshiq raq Shiikeawe shomnoq chang berong-wacha kra man na, aphaji na hai wantaq kra jamkhüchü ba kiijaq riikhaqli hali tiihea haiwanto. Kra tiihea hai raütiishetiq, tsangshiq raq ranap na wa maq chaq raüta honglu kuq tlaq kra nai raji na atra nyamse honglu takuq tlaq kra, akhing khaq khaq niishe takuq wanto.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

DUNGWVNC 40:29

Raüta kiijaq kra kilamchong kheathum chantaq khaki na honglu thun chaq chang berong-wacha kriishe tiihong thüto. Raüta kriijaq apaiq raq wiipumtam-chaqtlii honglu kra takuqto kiimaq rai-awong honglu kra kuqto. Arka Tatiwe raq aming kuqtaq kra phan phan kloto.

EJEKIEL 46:13

Tatiwe raq nguto, “Ranaptek wiishi skuse nyeajokjok jamlai ami atsi min ahü ka Tatiwe ma wiipumtam chaqtlii honglu ke chang. Ara honglu ka ranaiqtek kechang.

EJEKIEL 46:15

Skuse, bunwong wongwin, kiimaq oliptsai honglu ka Tatiwe ma wranaptek pattup pat-sa kuq wan ruq riichang.”

DANIEL 12:11

“Ranaiqtek honglu kewan kra tangtabaiq wan jai maq, kriika, Riikhiq Phiiptsi Chang Sumla Kaü shong wantaq kra ranaiq akhing nang nga ngutlo, kra ranaiq maq phawan raüta, ranaiq 1,290 ranaiq na saüli miraq.

DANIEL 9:21

Ngi ka akha achu jaü rea na, rase Gebriel, kongkhu lak na riishammak maq chhikang kra rase ka ra wa biwansaq raüta, i phana thiimkito. Kra akhing ka raji honglu kewan akhing bala riito.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

LEWI 3:5

Ramwebi raq arthun ngamrea arka chaqtlii-honglu thun krai adam na berong-wacha kiijaq michaq. Ara phaqsea-honglu khiimtsang ka Tatiwe ma tsan tiiheali.

LEWI 6:9

apaiq raq Aron nai asetiim ma chaqtlii-honglu thun kra miitu arthun thungtri raütu ara kuqlaq nguta chongto. Chaqtlii-honglu ka rawa minru berong-wacha niili thüchang. Kiimaq wa ka rawa minru chaq ruqli chaq chang.

LEWI 9:17

Apaiq raq wong-honglu kriishe kuqto. Kiimaq kiiwa bunwong win ka jaqkhon shi ajaq na lamto. Raüta berong-wacha na chaqto. (Arka ranaiqtek chaqtlii-honglu kuqtlaq kriithaq na kuqtlo.)

WEAWEA 29:6

Arthun arka, tri na chongtlaq kra phan phan jipi jinye ranaiq na chaqtlii-honglu kuqtlaq kiimaq, kriirai wong-honglu kuqtlaq, kiimaq akhingtek na chaqtlii-honglu kuqtlaq kiimaq kriirai wong-honglu kuqtlaq, kiimaq spiqtai-honglu kuqtlaq, kriithun kriithaq na kuqtlo. Ara phaqsea-honglu thun ara khiimtsang ka Tatiwe ma tsan tiiheali miraq.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

Hebrews 7:27

Apaiq ka nanok ahinti ramwebi sitlaq kiikha ka riimak. Apaiq riika nanok ramwebi ahinti raq ikha, wranaiqshe, apha na maiqmii ngarai tiisii miitu kongkhu, Shiikeawe ma honglu takuq raütiq, nokwe ngarai tiisii miitu she, honglu takuq tlaq ikha, honglu take wan ngo min raa mak. Apaiq raq akhum ka Shiikeawe ma honglu na lakshi takuqto, kriili she. Kra takuqtaq kriika, pattup pat-sa miitu she takuqto.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.