DUNGWVNC 29:37 - ASII LAKDAP Bible (BSI)

³⁷ Riita ara jaqsham ka ramiishi na saüli klolaq. Kra raüla berong-wacha ka thep siirai she miraq. Kiimaq maiq ashi raq, lo, riimakla hupsam phanshi ra raq lo berong-wacha na than raüla, kra asii ningkun heng raq jamlai phan riiwa kra thantlaq kriika athen mirki.

Hawa Naga Bible 2001

³⁷ Wvraungx nuiyq tek raungx mvshix tup tvhungx shuinz. Shomrawx kuex vsawc waq muex yaungx wvnc vtueq, kvruex yuq kvheq kvtungc jix nuiyc kvtungc tec yaq hup vsvmx yvmx yuq muinz, kvruex vsawc luimc vkawc ningkhvnc nuex vthuiuz vsac rvhumc tuex.

DUNGWVNC 29:37 Referencias Cruzadas

2 KAÜWA WERAÜ 7:9

Tsangshiq raq berong-wacha kiinong kewan poi ka ramiishi kloto. Raüta Lamjap Tiip poi klo ka ramiishi hali kloto. Atiisup wan ranaiq na tsangshiq raq poi tiisup wan kra kloto.

DUNGWVNC 40:10

Kra jai miishe, berong-wacha nai kra miirii hupsam thun ka asii ramkham tel maq nyat laüta kiinong kuqlaq. Raüla kriika wiita siirairai she miraq.

EJEKIEL 43:20

Laüta ümniiraq kra ngam tiijai wa wiijam lam laüta, berong-wacha tapshok blai na arong blai kiijaq minei haü. Kiimaq berong-wacha ahea wea thong na minyat haü. Kiimaq akii tro thun na minyat haü. Akha ngam tiijai maq nei laüta berong-wacha kra asii miishe mitiija haü. Kiimaq asii hupsam miishe mikiinong kuq haü.

EJEKIEL 43:25

Arka ümniiraq ranaiqtek ra miishi na saüli, chhechhi ashi, minsaü pongwe ashi, kiimaq skuse arese ashi ka ngarai miitu honglu na mitaakuq haü. Arthun wiita ka nyeajokjok hea adü na jamlai kojo min ahü riichang.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

LEWI 16:16

Apaiq raq akha ram ram jaqsham klo wan raüta, Asii Pinthum Khok kra Israilnok mungmaiqse sheshi tlaq kriiwa kiimaq tsangshiq ngarai kriiwa mitiisii wan. Apaiq akha ara Tombutiip arka tiisii chang ratlo, jamkhano ngukla kra Tiip ka mungmaiqse sichang piitiip mong ba na sitlo. Kra ningkhan kra hiq ba ka apii ashe.

LEWI 6:11

Kra raütiishe apaiq raq adü wa khea ka klai chang. Raüta apaiq raq kra wabun ka piitiip phai na asii hiq ba kiina lamho raüta raübaiq kai chang.

LEWI 8:11

Kiimaq apaiq raq tel ka wiijam lamto. Raüta berong-wacha nai kiijaq lang chang hupsam thun thaq na, kiimaq jaq he chang sorija pin kra, kiimaq kra jichong kiijaq, tel maq jang miishi batto. Arka arthun ara Tatiwe ma kiinongke miitu ram tiibok.

HAGAI 2:12

Bom shiiton, maiq weshi raq honglu asii ngamrea kiiwa apaiq raq adü na samtlaq samtongjong ni kiijaq thopho raüta, apaiq raq asamtong kiimaq winsii thaq na, spiqtai thaq na, olip tai thaq na, riimakla, laihin aphaq seachang thaq na tiithan raü jaq, kra aphaq seachang ka asii miishe shea mijaki?” Kra bom ka ramwebi ma wai kiita, tsangshiq raq, “Siimak,” nguta treto.

Matthew 23:17

Makchuk anginok le! Ümriiti wa akhek, reng hupsam nguta siwan tlaq kra. Chaq tiisiiti Shomjam sitlaq kra sha reng, sha chaq kriiwa reng?

Matthew 23:19

Namshiq ka makchuk pinthum! Alu akuq kra sha akhek, sha alu tiisii chang asii aluchiim kriiwa akhek?