DUNGWVNC 29:18 - ASII LAKDAP Bible (BSI)

¹⁸ Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

Hawa Naga Bible 2001

¹⁸ Khelbuenx wvpumz tuimx kuex shomrawx htauk nuex wvr maq jauk shomc kuy rax. Vruex kuex Yehowa muex jauk vtueq shomc kuy rvtueq, vkhoc vhomc vtumc maq shomc kuy kuex ngaz rueq raungc raq shaungx.

DUNGWVNC 29:18 Referencias Cruzadas

RAPHA HIQWA LAK 22:13

Kiijiishe Abraham raq apaiq tro na liito. Riikiita skure se nyiimtam rum na arong maq akanrai kra chhito. Kiimaq apaiq ka kiraüta lapkito. Raütiishe ase rii na kra honglu na wiipumtam-chaqtlii takuqto.

RAPHA HIQWA LAK 22:2

Shiikeawe raq nguto, “Ümse ka shea wanlaq. Ümse sekhuq laq laq se Isak kra, ümniiraq pinthum lungwiitlaü kra. Laüta Moria wang kiina walaq. Kiijaq Ngi raq hiqlam ashi ümniima mitiichhikuq kang. Kiijaq apaiq ka Ngi ma honglu na takuq laq.”

RAPHA HIQWA LAK 22:7

Isak raq nguto, “Iwe lei!” Apaiq raq treto, “Ise lei, jawa?” Isak raq waito, “Iwe lei, ümjaq niika wathiqtu nai chintei ka asi. Shatmaq honglu na taakechang skuranse ha ümbano?”

RAPHA HIQWA LAK 8:20

Nowaq raq berong-wacha ashi Tatiwe miitu haito. Raüta apaiq raq asii sii phan nyamse nai wushi kong kriiwa kaüshi shi lamto. Raüta wiipumtam-chaqtlii honglu na berong-wacha kiijaq chaqto.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

1 HOKHVMX 18:38

Krai mren Tatiwe raq klang miitaq walütu ka ra wa tiisatto. Raüta kra honglu ngam thun ka wiita khiimphaqto, pe phong thun kra, kiimaq longkaü thun kriimin wiita khüm phaqto. Kiimaq hiq kriimin wiita shinriiq khiimphaqto. Kiimaq berong-wacha tro na nala wa kham kriimin wiita shinriiq trü baiqto.

1 HOKHVMX 3:4

Akhing ashi na apaiq ka Gibeon chela na honglu takekai kito. Jamkhano ngukla kriijaq berong-wacha sitlaq kriika tarü thaq na amang ajong pinthum riito. Apaiq raq kiijaq man na chaq-tlii honglu ka pahea takuq wanto.

Tvtsvmc 50:8

Ngi raq namshiq ka ngi ma honglu thun kuqtlan kha niika sonmang kiimaq namshiq raq ngi ma chaqtlii-honglu wranaiqshe kuqtlan kra miitu son mang.

DUNGWVNC 29:17

Kiimaq sku pongse ngam ka apan alan setiim chumlaq. Kiimaq among wa atsan among thun, apukji thun, awühokpe wiinai thun kra kham maq helaq. Laüta arthun ka ngam khupo nai angam thun kriithaq na phonglaq.

DUNGWVNC 29:25

Kra laütiishe kriithun ka tsangshiq jaq wiishe ümniiraq jaülaq. Laüta berong-wacha na chaqtlii-honglu kuqtaq kriithaq na phong laüta Ngi ma phaqsea-honglu na kuqlaq. Ara honglu khiimtsang ka Ngi ma tsan tiiheali miraq.

ISAIA 1:11

Apaiq raq ngutlo, “Ümniiraq arthun honglu takuq tlaü arka Ngi raq rariq rattlo ngutiisha tiima tlaü? Ümniiraq shamhea shamjü skusekong ka honglu na takuq lata wa na ngampü chaqtlaü kra Ngi ma raamak she. Hongto she. Ngi ka minsaü pongwetiim nai skusekong kiimaq chhechhi kong taalaüta atiijai raükuq tlaü kra chhilata itsütsa she sikito.

JEREMIA 6:20

Tsangshiq raq Sheba mung wa homseng lam wan raüta honglu na chaqtlaq kra ngi ma jamlai liip wa? Riimakla pongmung luhea wa süsetapan homhea phan lam wan raüta honglu na chaqtlaq kra ngi ma jamlai liip wa? Tsangshiq raq ngi ma honglu kuq wantlaq kra ngi raq tao mang. Kiimaq tsangshiq raq ngi ma nyamse honglu takuq wan tlaq kra miitu min ngi ka shümü mang.

LEWI 1:17

Apaiq raq wushi maa ka arakong wiinai maq sham raüta, arakongnai ka panbaiq mak miili panthit angam ka chai baiq chang. Raüta wiipumtam maq berong-wacha na chaq chang. Ara phaqsea-honglu khiimtsang ka Tatiwe ma tsan tiiheali.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

Mark 12:33

Kiimaq maiqse raq Shiikeawe ka tsan nai khutsai wiita kuq raüta, kiimaq ningkun wiita kuq raüta lungwii lili riichang dea. Kiimaq apaiq raq maiqmii jamthoti ka maiqmii khum lungwii tlaq kiikhiisii hali lungwii chang dea. Ara aming anai lang wan ka Shiikeawe ma nyamse nai laihin honglu kuq tiikai kriithaq na athii atsin pinthum.”

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

1 SAMUEL 7:9

Krai mren, Samuel raq arese skuse ashi tato. Raüta Tatiwe ma chaqtlii-honglu kuqto. Raütiishe apaiq raq Tatiwe jaq wa Israilnok khrum kuqlaq nguta achu jaüto. Kiimaq Tatiwe riimin apaiq achu jaü ka trekuqto.