DUNGWVNC 29:18 - Hawa Naga Bible 2001

¹⁸ Khelbuenx wvpumz tuimx kuex shomrawx htauk nuex wvr maq jauk shomc kuy rax. Vruex kuex Yehowa muex jauk vtueq shomc kuy rvtueq, vkhoc vhomc vtumc maq shomc kuy kuex ngaz rueq raungc raq shaungx.

ASII LAKDAP Bible (BSI)

¹⁸ Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

DUNGWVNC 29:18 Referencias Cruzadas

RAPHA HIQWA LAK 22:13

Abraham rueq kvroz lawc koq tueq, rumz ruix nuex vrungx maq kvrx thuiyc yaq khelbuenx pung vshiz kuex khiz tueq. Piq kaz vtueq khelbuenx pung waz kuex het wvnc vtueq, vsaz pumhttungx wvr maq jauk shomc kuq tueq.

RAPHA HIQWA LAK 22:2

Tishox rueq, “Mnoz rueq pinhtumc lungwawx vshuiux msaz Esak kuex shvlx wvnc vtueq Moria mungx nuex waung kuiuz. Ngaz rueq tvkhic phaungx kanx htauk kvmaq piq kuex shomc nawk kuy juing muex tvyaungc vtueq ngaz muex shomc kuq koq,” ngoz tueq jungx tueq.

RAPHA HIQWA LAK 22:7

Esak rueq, “Iwaz lay!” ngoz tueq gvl tueq. Piq rueq, “Yvmx lac isaz?” ngoz tueq tvralc tueq. Esak rueq, “Iwaz kox nuex wvr muinz vhttax, janx muinz vhttax, shomc nawk kuy juing khelbuenx saz kuex m-yuq lac tax?” ngoz tueq wiz tueq.

RAPHA HIQWA LAK 8:20

Noa rueq Yehowa muex shomc kuy juing shomrawx kuex tvhungx vtueq; vsawc ngvmx saz nuiyc wushawx phvnx ruip saz htenc wawc kuiux phuq lvmz vtueq, shomrawx htauk nuex wvpumz tuimx jauk shomc kuq tueq.

RAPHA HIQWA LAK 8:21

Yehowa rueq vhomc vtumc thuingc kuex raungc raq yaq rvtueq, “Ngaz rueq miq honc vyaungc ningkhvnc nuex yix maq mkaq muinz ghaq muex tuemc kuq shaungx rvmuq; miq kuex nosaz maq phuex honc vyaungc vbac kuex ngaz rueq tuiuz yaq. Ngaz rueq vtvraungx yungsuiuz yawxsaz htenc kuex majuiuc lauk vkhoc mkaq muinz laukshiz tvbac gay yek shaungx rvmuq.

1 HOKHVMX 18:38

Yehowa rueq wvr tvkaz koq tueq, shomc nawk juing muinz, janx nuiyc lung htenc muinz khamc gay ruiux ghaq kalc rueq ghaq warc mungx wawc yuix kvtauk tvruic gay tueq.

1 HOKHVMX 3:4

Piq rueq laukshiz Gibeon ghaq nuex kaz vtueq shomc nawk kuy juing shomc kuq tueq, yvmx khoc lac ngoz ruiux lec kvruex ghaq nuex muingc yunghvlc shomrawx vshiz httax yaq. Kungkhux nuex kvruex baung kvyuq wvr maq jauk shomc kuy juing hingshiz kuex piq rueq shomc kuq wvnc tueq.

Tvtsvmc 50:8

Mnoz rueq shomc nawk kuy nuiyc wvr maq jauk shomc kuy kuex mkaq muinz shuimc vshuiux ningkhvnc nuex ngaz rueq mnoz muex httonx phaungx rvmuq.

DUNGWVNC 29:17

Khelbuenx kuex tvhtaq tvruk jumx shuiuz; vpuk vyiz nuiyc vhuk htenc kuex yuix maq hoal ruiux, khux poz nuiyc vngvmx htenc kvruex htauk kvyuq tvdaungc shuiuz.

DUNGWVNC 29:25

Kvruex yimaq tsuinghez yauk wawc lvmz vtueq, ngaz muex phuiuz vsvy shomc kuq yaq ikhoc, shomrawx htauk wawc wvr maq jauk shomc kuy juing htauk kvyuq mjauk shueq. Ngaz rueq vkhoc vshomc kuq wawc vhomc vtumc kuex raungc raq vshaungx.

ISAIA 1:11

Vpiq rueq, “Mnoz rueq ngaz muex shomc nawk kuy shomc kuq vphux lotlaz kuex ngaz rueq raungc raq yaq ngoz tueq haz tvmaung vshuinx? Shomc nawk kuy juing ikhoc mnoz rueq wvr maq jauk vshuiux khelbuenx pung htenc nuiyc vpuiz waq ngvmx saz htenc htauk nuex jvnc vtueq ngaz rueq lvp vshaungx. Ngaz rueq khelbuenx pung htenc, khelbuenx htenc nuiyc khelkhix htenc tvguiy kuex raungc raq mauk.

JEREMIA 6:20

Tsuingshiq rueq ngvy tvkoc Sheba mungx wawc vwvnc vhomc vtumc phvnx nuiyc lvmx luz mungx wawc vwvnc wvyshuiuz tvhomc juing htenc kuex ngaz rueq yvmx ngoz tueq lac raungc raq shaungx? Tsuingshiq rueq shomc kuq yaq kuex ngaz rueq lvp mauk, tsuingshiq rueq shomc nawk kuq yaq htenc kuex raungc raq mauk.

LEWI 1:17

Piq rueq wushawx raungkungx kvmaq shuimx vtueq vshauk pumz kuex gauk rax, yuq muinz vraungx htenc kuex jvt gay mvy muq, kvkhoc raz tueq wvpumz tuimx maq shomrawx htauk nuex juiuz gay rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 1:9

Vpuk vyiz nuiyc vhuk htenc kuex yuix maq hoalc rax. Kvruex yimaq yauk shuimc aungx yaq shomc waz rueq shomc nawk kuy juing lotlaz kuex shomrawx nuex tvdaungc vtueq, wvr maq jauk shomc kuy rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 4:31

Kvruex yimaq luz rvyaungc shomc kuy juing wawc vpuiz lvmz shix ikhoc, khelkhix kuiux puiz lotlaz kuex lvmz vtueq shomrawx htauk nuex wvr maq jauk shomc kuy rax, kvkhoc shomc kuq yaq vhomc vtumc kuex Yehowa rueq raungc raq yaq. Ekvkhoc maq shomc waz rueq kez miqsaz washiz mvrax tvkoc nuex shomc nawk kuy ningkhvnc nuex, kvruex waz mvrax kuex dawc kuq shuex.

LEWI 9:24

Vhuingc rvhek laz Yehowa rueq wvr tvkaz vtueq, shomrawx htauk wawc wvr maq jauk shomc kuy juing nuiyc vpuiz phuinz phux htenc kuex tvkhamc gay tueq. Kvkaq miq htenc rueq kvruex khiz vtueq tsuinghez vguyc vsez maq ghaq nuex bumx ruiux nawk wuez tueq.

Mark 12:33

Kvmaq mthuinz mmungx lotlaz maq, nhonc mtharc lotlaz maq, mhungc mlaungc lotlaz maq, piq muex lungwawx rax, miqmac phic vphaungx jix kuex miqmac shauk vgvnz rulc rv-ngvlc lungwawx rax, ngoz tueq nvr shec tueq, vruex kuex Tishox muex nyvmx saz maq shomc kuq yaq nuiyc vganc shomc nawk kuq yaq htauk nuex muinz vkhek pinhtumc rvtueq,” ngoz tueq piq muex jungx tueq.

Ephesians 5:2

Christu rueq naungshiq kuex lungwawx vtueq, naungshiq tvkoc vpiq shauk pumz kuex Tishox rueq raungc raq yaq vhomc vtumc shomc nawk kuy juing tvyaungc vtueq shomc kuq gay tueq ikhoc, nuimshiq muinz lungwawc thuinz rueq shunshvlx yaq mungx nuex khuemx wuez kuinz.

Philippians 4:18

Nuimshiq rueq vtvgurc kuq wvnc yauk noalc hup vsvmx phvnx ruip saz lvp tauk kuex vruex yuq tvtsuingc taq shec tauk, kvruex yauk noalc hup vsvmx kuex Epaphoditu rueq lvmc kuy wvnc ningkhvnc nuex ngaz muex rax yaq htenc kuex lvp wvnc tauk. Kvruex kuex Tishox muex shomc kuy vhomc vtumc ikhoc muinz, Tishox rueq raungc raq yaq shomc nawk kuy juing ikhoc muinz rvtueq.

1 SAMUEL 7:9

Samuel rueq khelbuenx saz vshiz kuex thvt ruiux Yehowa muex shomc nawk juing tvyaungc vtueq wvpumz tuimx jauk shomc kuq tueq. Kvruex yimaq piq rueq Yehowa kox wawc Israel miqsaz muex romc kuy tvkoc vjux thoz tueq, Yehowa rueq piq vjux thoz bomc kuex tvralc kuq tueq.