DUNGWVNC 29:1 - ASII LAKDAP Bible (BSI)

¹ Tatiwe raq Mosheq ma nguto, “Ümniiraq Aron nai asetiim ka akha kiinong kuq laüta Ngi shiikumpan miitu ramwebi ma mishong haü. Minsaü pongwe ashi alai lamhü kiimaq sku pongse arese nai anai akhum nyeajokjok ami atsi jam min ahü kra lam wan laq.

Hawa Naga Bible 2001

¹ “Ngvy yauk shuimc jix shomc waz hez muex yaungc tvkoc Arun nuiyc vsaz hez kuex vkhoc lekuq shuiuz. Vmac vtsac vguez manx roalc pung vshiz rac khelbuenx pung vnueyc kuex lvmz laq loq.

DUNGWVNC 29:1 Referencias Cruzadas

2 KAÜWA WERAÜ 13:9

Namshiq raq Aron saüse phan Tatiwe ramwebi kiimin jobaiq lan she. Kiimaq namshiq Lewinok kiimin jobaiq lan she. Tsangshiq lai miitu namshiq raq pong mungti thun raq jamkho shongtlaq kiikha ramwebi she shonglan. Juwa namshiq phana minsaü pongwe heraüta lo riimak la sku kaümiishi heraüta namshiq phana ramwe ma tiishong wa watlo. Raüla ju li saüwa raü min namshiq raq apaiq ka namshiq phra kaütiim ngutlan kra ramwe ma shongtlan.

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

DUNGWVNC 20:11

Ratrok na saüli Ngi, Tatiwe raq, mangjong hiq ara, ra ara, kiimaq khamjong chum kra kiimaq arthun na siti phanrap sitlaq kra phansang kang. Shatmaq ramiishi ngo ranaiq na Ngi ka niitiitsak ahai riikang. Kra ningkhan na, Ngi, Tatiwe raq Asii Niitiitsak Ranaiq ka shiiman kuq kang. Lata kra ranaiq ka asii tiijakang.

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 28:3

Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq.

DUNGWVNC 28:41

Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.

DUNGWVNC 29:21

Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.

EJEKIEL 43:23

Ümtiikiiwa ümniiraq kra jaqsham kriishe milot haü, minsaü pongse are se ashi kiimaq skuse se arese ashi kra lam laq. Kriika anai wiita khum ka nyeajokjok, adü na jamlai kojo min ahü kra milamho haü.

LEWI 14:11

Raüta ramwe raq maiqwe nai honglu hupsam thun ka Tatiwe asi Tombutiip kilamchong kiina milam wan.

LEWI 16:3

Apaiq ka apaiq raq minsaü pongwe ashi ka ngarai-honglu miitu kiimaq skure pongse ashi ka chaqtlii-honglu miitu kra lam wan jaitiq, Asii Pinthum Khok na nyapwa mimai.”

LEWI 22:20

Kiimaq namshiq raq nyamse ka akhum na ami atsi asi kriila takuq hanla, Tatiwe raq kra honglu ka taomak miraq.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 6:13

Berong wacha wa ka wranaiqshe tiinyai chaq wan ruq li riichang. Ümtiikiimin tiimatbaiq raamak.

LEWI 6:6

Apaiq raq ramwe jaq na apaiq thiitham-honglu ka Tatiwe ma sku pongwe riimakla chhechhi akhum nyeajokjok jamlai ami atsi ahü kra kewan chang. Kra thii ka mung raq lang tlaq thii riikhaq li maq kewa chang.

LEWI 7:35

Ara ngamrea ba thun ahata Tatiwe ma phaqsea honglu akuq kiiwa lam raüta Aron nai asetiim ka ramwebi ma shongtaq ranaiq akhing na tsangshiq rii nguta athiiq wan.

LEWI 8:1

Tatiwe raq Mosheq ma nguto,

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.