DUNGWVNC 28:43 - ASII LAKDAP Bible (BSI)

⁴³ Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.

Hawa Naga Bible 2001

⁴³ Arun nuiyc vsahez kuex ngaz httax taungx Tap kvyuq tsuinghez kaz tuex nuex, rvmuq ngoz ruiux Vsawc Baung nuex shomc waz yauk shuimc tvkoc shomrawx hep nuex kvnvp tuex nuex, yvlc svy tvkhic vtueq thueyc juing rvhumc muq tvkoc mkaq muinz vruex msvmx shueq. Vruex kuex Arun nuiyc piq suiuz vsaz hez tvkoc pattup tvrac muex yaungc juing rvtueq.

DUNGWVNC 28:43 Referencias Cruzadas

DUNGWVNC 20:26

Kiimaq Ngi miitu berong-wacha ka hiqkhu maq düwa raüta shomnoq chang ka naq klo rongkiq. Kra riihanla, namshiq ka kiijaq düwantlan akhing na raiqhü ma mijahan.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 30:21

Tsangshiq raq tsangshiq jaq nai hok ka heraa dongdii. Kra raütiq tsangshiq ka tsaimak miraq. Ara tri arka tsangshiq nai tsangsaütiim raq pattup pat-sa lang wan chang.”

EJEKIEL 44:17

Ümtiikiiwa tsangshiq ka Shomjam mong na nyap wan chang wang mongti kilamchong kiijaq nyap wantlaq, tsangshiq raq raihi-nairai khea miirii kra sam chang. Tsangshiq raq Shomjam wang mongti kiijaq ramwe jaqsham tlaq akhing na nai Shomjam wa jaqshamtlaq akhing na, tsangshiq khum na miirii ka unirai maq ataq khea sam maimak.

LEWI 16:13

Raüta apaiq raq kiijaq Tatiwe man na homseng honglu kra wa na michaq. Kiimaq kra homseng honglu wakhuk kriiraq Tongshong Tek pang chang kra wiita mipang baiq wan. Krai mren apaiq raq kra chhimak miraq kiimaq apaiq ka tsai mak miraq.

LEWI 17:7

Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.

LEWI 22:15

Ramwe raq asii honglu ngamrea thun kra tiisheshi maimak,

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

LEWI 3:17

Israilnok phongwa ju riimin ngampü ka phaq maimak. Riimakla ngam tiijai kiimin phaqsea mai mak. Ara tri ka Israilnok raq ümriiba niili shong nga raümin pattup pat-sa lang wan ruq riichang.

LEWI 5:1

Arthun ngarai klo raüla ngarai honglu kechang miraq. Maiq weshi ra ka rung na hakhi kewa miitu tiihea raüjaq, apaiq raq jamlai wa chhitaq kra chong mak, riimakla ani maq taitaq kra hakhi kuq mak raüla, kra kha miitu apaiq ka chamchao raa dongdii.

LEWI 5:17

Kiimahali, maiq ashi ra raq, sapmak lam maq Tatiwe aming thun kiiwa aming poshi ra kriila jin raüla, apaiq ka ashutwe she miraq. Krai mren apaiq ka atsa chang miraq. Kiimaq apaiq riika dok rashe.

WEAWEA 15:15

Pattup pat-sa miitu, namshiq ma kiimaq pong mungti namshiq rai sidamtlaqti ma, thungtri ka raütu ka ashili. Namshiqnok nai tsangshiqnok ka Tatiwe maklii na adam siili.

WEAWEA 18:22

Israilnok maiq phan ahinti raq Tombutiip tho na awa maimak she. Kiimaq akha tsangshiq raq klo raüla, tsangshiq ka mo ho raüta atsai miraq.

WEAWEA 18:32

Ümniiraq ahea pinthumti ka Tatiwe ma kuq laü jiika, ümniiraq ara phaqsiq haü min, ümniika tiishut mak she. Shatmaq Israilnok raq akuq asii ngamrea kongphiq thun kiiwa ahea pinthum ba kra Tatiwe ma kongkhu honglu na mikuq haüshaq wiiwii, ümniiraq phaqsiq laüta tiishe baiq maimak. Ümniiraq kra tiishe shi haüla, ümniika tiitsailaq mitsatbaiq.”

WEAWEA 18:8

Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

WEAWEA 9:13

Shatmaq juwa akhum ka asii taü maq kiimaq apaiq ka wanhiq khum lam na riimak, shatmaq apaiq raq Tiichhiiwan Poi ka lang mak raüla, kriiwe ka isengi nguta wea dam maimak she. Jamkhano ngukla apaiq raq kra akhing ranaiq na Ngi ma honglu kuqwa mak riito. Apaiq raq ngarai tangtaq kra miitu apaiq ka chamchao raa dongdii she.