DUNGWVNC 27:9 - ASII LAKDAP Bible (BSI)

⁹ “Ngi asi Tombutiip kra tro na keathung kra rukchang ka müsaisai raihi-nairai maq ataq kheathum thun klotaq. Shemai nü siim keathung na rukchang kheathum thun ka alu nü na 44 mitar riichang.

Hawa Naga Bible 2001

⁹ “Ngvy httaz juing Tap kuex vjuinc juing khvymvnz vnyel maq tuk taq shuinz. Ghaqyaz kox kuex vloayc meter 44 luz yaq kvmaq tuk shuinz,

DUNGWVNC 27:9 Referencias Cruzadas

1 HOKHVMX 6:36

Kiimaq Shomjam jam mong khok mong khetuk kriika liiptsam maq ahai riito. Long maq tiiptsam kriithaq kiijaq liipshi ka maisak pe tipi pen maq haito.

1 HOKHVMX 8:64

Kra ranaiq niisii hali, apaiq raq wangmong rinkea thung, kiimaq Shomjam rinkea thung kriimin ramkham maq tiibok raüta, Tatiwe ma kiinong kuqto. Kra lot raütiishe apaiq raq kiijaq wiipumtam maq wa na chaqtlii chang honglu thun kra, kiimaq rai awong honglu thun kra, kiimaq rintii-honglu ataakuq thun kiiwa ngampü thun kriishe honglu na kuqto. Apaiq akha kuqtaq arka miikingam maq atiiq berong-wacha kriika arthun honglu ara take miitu ka aran se kha maq, honglu thun ka akha takuq wanto.

2 KAÜWA WERAÜ 33:5

Shomjam rinkea ba nai ri na apaiq raq raiqsaiq phong kra shomnoq miitu berong-wacha apawiq haito.

2 KAÜWA WERAÜ 4:9

Kiimaq tsangshiq raq wangmong rinkea nai kinphai rinkea thung kiimin ramwebi miitu kloto. Kiimaq kra wangmong nü siim rinkea nai kinphai nü siim rinkea liipan na kilamchong thun sitlaq kriika miiki maq siisaq job loto.

Tvtsvmc 100:4

Nyap ronglaq Shomjam kilü thun maq kechutum lam maq, tiitsamkam lam maq khok mong thun na waronglaq. Apaiq ma kechutum rong laq lanta apaiq ka tiitsam ronglaq.

Tvtsvmc 84:10

Üm Shomjam na ranaiqshi haisea ka, ahin na wiihingshi sitiikai thaq na min apeo; ngi i Shiikeawe jam kilamchong na chap lungwiitiikang abi maiqkong jam thun na si nam ma.

Tvtsvmc 92:13

Tsangshiq ka Tatiwe jam na achhi pero ikha, nashiq Shiikeawe Shomjam na aheawiq jonglutlaq ikha,

DUNGWVNC 27:10

Kriika miiki maq alo kham roqnai ka miiki maq alo khamjichong bu roqnai thaq na tiinga chang. Kriika kampho maq alo khaiqsetiim nai kampho kiisetiim tiihongtaq kriimaq tiikha chan chang.

DUNGWVNC 35:17

Tombutiip rukchang kheathum thun kra, kra tukchang khamchong thun kra kiimaq khamchong tiinga chang ahokpe thun kra; kra keathung mong na walam kilamchong na chantlaq kheathum kra;

DUNGWVNC 36:17

Kra raütiishe tsangshiq raq kra kheathum kaü ashi atiisup wanti siim kriijaq awakom ka roq biingi tiikop chhangto. Kiimaq kheathum kaü nai ngojati siim kra jiimin kiikhiisii hali, awakom ka roq biingi hali tiikap chhangto.

DUNGWVNC 39:40

Tombutiip keathung tro na ruk chang kheathum thun kra kiimaq kra khamchong thun nai khamchong tiichap chang hokphi diim thun kra; keathung ruk kilamchong na chanchang kheathum thun kra kiimaq atiikha chan chang raü thun kra; Tombutiip tiikha chan chang khaiq thun kra; kiimaq Tombutiip mong na langchang hupsam thun kra;

DUNGWVNC 40:33

Kiimaq Mosheq raq Tombutiip tro keathung nai berong-wacha tro ka kheathum chan raüta ruk thüto. Raüta kra keathung ruk kilamchong ba ka kheathum chan raüta shaqto. Akha apaiq raq phanrap jaqsham ka kunli tlotto.

DUNGWVNC 40:8

Kiimaq Tombutiip keathung tro ka kheathum maq ruklaq. Laüta anyap wa chang kilamchong na kheathum ka chanlaq.

EJEKIEL 40:14

Kiimaq kra wuseno khok kriimiika wang mong Shomjam rinkea keathung kiiniishe donghoto. Apaiq raq kra khok ka shinto. Kriika ajong nü na mitar roqshi riito.

EJEKIEL 40:17

Kra maiqwe raq ngi ka kilamchong lam maq sheaho raüta rinkea thung kiijiishe shea wanto. Kra wangmong rinkea thung ruk mong nü na siim tro na ruk khechong kiijaq tiinap tlü na ahai khok thun ka khok roqtsam asi. Kra khok thun rinkea nü nü ka longpen maq ahai maiqkhum chang lam asi.

EJEKIEL 40:20

Kra jai miishe kra maiqwe raq, shekhu nü kilamchong lam kinphai nü maq riita rinkea thung nü na walam kra shinto.

EJEKIEL 40:23

Ara shekhu nü siim kilamchong jin wan jai she ka wang mong rinkea thung na walam kriishe riito. Arka shedong nü kilamchong lam jamkho kiikhiisii riito. Kra maiqwe raq ara kilamchong wiinai heawea wa lam ka shinto. Kriika alu nü na mitar roq biingi.

EJEKIEL 40:28

Kra maiqwe raq ngi ka shemai nü siim kilamchong maq wang mong keathung kiina shea wanto. Apaiq raq kilamchong lam ka shinto. Riikiita ruk phai nü wa kilamchong thun lam ka ümtin wa kiitin khan riito.

EJEKIEL 40:32

Kriiwe raq ngi ka shedong nü kilamchong lam kiimaq sheaho raüta wang mong rinkea thung kiiniishe sheahoto. Raüta apaiq raq lam ka shinto. Kra lam ka kilam ahin thun jamkho kiikha ajong alu na adam sii riito.

EJEKIEL 40:44

Kra jai miishe apaiq raq ngi ka wang mong rinkea thung kiiniishe shea wanto. Kra wang mong rinkea thung khok na anyap wan chang lam ka anai. Ashi ka shemai nü na tiinyi raü shekhu nü kilamchong tho na tiinap saq ahai. Kiimaq khok ashiti ka shekhu nü kilamchong kra nü na tiinyi raü shemai nü kilamchong tho na tiinap saq ahai riito.

EJEKIEL 42:3

Ara jam siimko nü ka Shomjam siim nü kiina tiinyi raü riito. Arka Shomjam keathung nü wa hiq ka ajong nü na mitar roqshi hamtlo. Kiimaq siimko nü kriika kinphai nü ruk keathung lamjong nü kiina tiinyi raü riito. Ara jam arka thongtsam na ahai. Rathongti ka hiqthongti jam kriima phanshi jainong linlin na tiisot wan wan raüta haito.

WEAWEA 3:26

kiimaq tombutiip keathung tro na chan chang khea thum thun kra, kiimaq berong-wacha tro na chan chang kheathum thun kra, kiimaq keathung kilam chong thun na chan chang kheathum thun kra liiti riito. Kiimaq tsangshiq ka arthun hupsam ara shiililii jaqsham wanti arang hotibi riito.

WEAWEA 4:26

Tombutiip nai berong-wacha tuk chang kheathum thun kra nai kra tiikha chan chang raüthun kra, kiimaq keathum kilamchong na chan chang khea thum thun kra, kiimaq tombutiip chan wantlaq akhing na langchang hupsam atiipha kha chang amii akhiiq hupsam thun sitlaq kra piwan ratlo. Tsangshiq raq arthun jaqsham sitlaq kra sham wan ratlo.

WEAWEA 4:32

kiimaq khamchong thun kra, khamchong hokpe diim thun kra, khaiq thun kra, kiimaq Tombutiip keathung tro na chan chang raü thun kra, kiimaq kriithun kra hai wan na lang chang hupsam ümchuwa sitlaq kra howan arang ka tsangshiq ma kuqto. Maiq loweatek ma hupsam howan chang ka khakkhaq laqqkhaq pheakeje kuqto.