DUNGWVNC 27:9 - Hawa Naga Bible 2001

⁹ “Ngvy httaz juing Tap kuex vjuinc juing khvymvnz vnyel maq tuk taq shuinz. Ghaqyaz kox kuex vloayc meter 44 luz yaq kvmaq tuk shuinz,

ASII LAKDAP Bible (BSI)

⁹ “Ngi asi Tombutiip kra tro na keathung kra rukchang ka müsaisai raihi-nairai maq ataq kheathum thun klotaq. Shemai nü siim keathung na rukchang kheathum thun ka alu nü na 44 mitar riichang.

DUNGWVNC 27:9 Referencias Cruzadas

1 HOKHVMX 6:36

Shomc Yuimx kvlc wawc vmungx kox wangx muinz tvhungx guirx vtueq guirc yoalx lung htvp thuimx tvwoalc taq shuex ruip rawx ruenx pulx tvnz vshiz shiz tvwoalc taq wvnc tueq khoalx tuk kuex tvroz tuk tueq.

1 HOKHVMX 8:64

Kvruex raungnuiyq dvyx piq rueq Shomc Yuimx kvlc wawc wangx kholak kuex lekuq vtueq, kvruex baung kvyuq wvr maq jauk shomc kuy, vruiy vwungx maq shomc kuy nuiyc lux rvyaungc shomc kuy juing htenc tvkoc nyvmx saz puiz htenc kuex shomc nawk kuq tueq. Piq rueq shuimx wvnc tueq yauk shuimc ningkhvnc nuex shomc kuy juing lotlaz kuex shomc kuy tvkoc nvyrvyx shomrawx kuex ruinc hvlc rvtueq.

2 KAÜWA WERAÜ 33:5

Piq rueq Shomc Yuimx wangx vnueyc nuex ruiysuiyq htenc nawk palx tvkoc shomrawx htenc guirx tueq.

2 KAÜWA WERAÜ 4:9

Tsuinghez rueq shomc waz bix tvkoc vmungx kox wangx vshiz nuiyc vtsec kox wangx tauk tvhungx tueq. Wangx kaluix htenc nuiyc wangx hvlwvl wawc kaluix htenc kuex nvyrvyx maq puingc taq shec tueq.

Tvtsvmc 100:4

Shomc yuimx kaluix htenc nuex kejux tvyez thuinz maq nyuip wuez kuinz, tvtsvmc shix yaq lvmx maq vpiq yuimx wangx nuex kvnvp nyuip wvnc wuez kuinz. Vpiq muex kejux vyungx ngoz shuinz, vpiq muex tvtsvmc wuez shuinz.

Tvtsvmc 84:10

Mshomc Yuimx nuex nuiyqshiz httax vtix kuex vbez nuex raungnuiyq hingshiz httax tix htauk nuex muinz vhvlx pinhtumc rvtueq; Layx bac waz yuimx nuex httax taungx htauk nuex Tishox yuimx kaluix daungx nuex jvp kuex jvnc vtueq roc vshaungx.

Tvtsvmc 92:13

Kvruex htenc kuex Yehowa yuimx nuex khic taq vtueq, naungshiq Tishox Shomc Yuimx nuex wuiljuit wuiljaungx pulx htenc rulc rv-ngvlc yaq,

DUNGWVNC 27:10

vjuinc juing kuex bvt tvkoc htung roknueyc, yakop roknueyc kuex nvyrvyx maq tvhungx ruiux, vbvt juing nuiyc rawpawz htenc kuex kuimphox maq tvhungx shuinz.

DUNGWVNC 35:17

Tap wangx tuk juing nuiyc htung htenc, vyaz nuex yop juing htenc, wangx kaluix puc tuk juing;

DUNGWVNC 36:17

Tsuinghez rueq vphaungc vtvjuy wawc vtvsuip phux httoarx nuex kamz rok bv-ngac, vganc vshiz httoar nuex kamz rok bv-ngac kuex tvkop wuez tueq.

DUNGWVNC 39:40

Wangx tvkoc vjuinc juing, htung nuiyc vyaz kop htenc, wangx kaluix tvkoc juinc juing nuiyc ruiuz htenc; Tap tvkoc wuythvmc htenc; Tap mungx nuex shuimc lvmc juing nuex seng yaq hup vsvmx htenc lotlaz;

DUNGWVNC 40:33

Moshe rueq Tap nuiyc shomrawx tvroz htenc kuex ruk ruiux, wangx kaluix nuex juinc juing muinz tvhungx tueq. Kvkhoc raz tueq piq rueq yauk shuimc lotlaz tvlot tueq.

DUNGWVNC 40:8

Vtvroz kuex ruk vtueq, wangx kaluix nuex vjuinc juing kuex pauk tvhungx shuiuz.

EJEKIEL 40:14

Vtvsuip khok kuex vmungx kox wangx rulc rvjuy yaq. Kvruex khok kuex piq rueq htaz koq tueq meter rokshiz yungx yaq kuex khiz tueq.

EJEKIEL 40:17

Kvruex miq waz kvraq ngaz kuex palx kaluix lvmx maq yuz phic wangx mungx kvyuq shvlx laq phuex. Kvruex yuq yuz phic kox khoalx tuk rulc htvlx rvhumc vguirx shec khok rok thuimx httax yaq,

EJEKIEL 40:20

Kvruex yimaq miq waz kvraq yuz phic kox wangx nuex dung kaz yaq ghaqkhux kox wawc palx kaluix lvmx kuex htaz tueq.

EJEKIEL 40:23

Ghaqkhux kox palx kaluix lvmx maq vmungx wangx kuex yanz wvnc koq yuq, shaldungc kox wawc ikhoc vmungx wangx nuex tvlvt phot httuiuc lot yaq palx kaluix lvmx httax yaq. Miq waz kvraq palx kaluix lvmx vnueyc hvl kuex htaz koq tueq, kvruex kuex meter 50 luz yaq.

EJEKIEL 40:28

Miq waz kvraq ghaqyaz kox palx kaluix lvmx kvmaq vmungx kox wangx mungx kvyuq ngaz kuex shvlx wvnc phuex. Piq rueq palx kaluix lvmx kuex htaz koq tueq, kvruex kuex yuz phic kox khoalx tuk wawc palx kaluix htenc rulc rv-ngvlc dvyx rvtueq.

EJEKIEL 40:32

Miq waz kvraq shaldungc palx kaluix lvmx kvmaq vmungx kox wangx mungx nuex ngaz kuex shvlx phuex. Piq rueq palx kaluix lvmx kuex htaz koq tueq, vganc htenc rulc rv-ngvlc dvyx rvtueq.

EJEKIEL 40:44

Kvruex yimaq ngaz kuex wangx mungx kox nuex shvlx wvnc phuex. Kvruex wangx mungx kvyuq khok daz shec yoalx vnueyc httax yaq, vshiz kuex ghaqyaz kox nuex tvmuiz ruiux, ghaqkhux kox palx kaluix lvmx hep nuex httax yaq, vganc vshiz kuex ghaqkhux kox nuex tvmuiz ruiux ghaqyaz palx kaluix lvmx hep nuex httax yaq.

EJEKIEL 42:3

Samx kox kuex Shomc Yuimx rulc htvlx rvhumc tvmuiz ruiux vyungc kox meter 10 rvhvl yaq baung rvtueq, samx kox kuex yuz phic kox wangx lung vphawc shec kox nuex tvmuiz yaq. Kvruex yuimx kuex htvp thuimx guirx tueq, raungx htvp kuex ghaq htvp mac vruinx lanc rvtueq.

WEAWEA 3:26

Tap nuiyc shomrawx tvroz nuex tuk juinc juing htenc nuiyc wangx kaluix nuex juinc juing kuex lawc mawc httuiyq httvmx tvkoc khvmc tvy rax. Tsuinghez rueq kvruex hup svmx htenc kuex lawc mawc httuiyq httvmx wuez yaq.

WEAWEA 4:26

Tap nuiyc shomrawx tvroz nuex juinc juing khvymvnz htenc nuiyc ruiuz htenc, wangx kaluix nuex juinc juing khvymvnz htenc kvruex muinz, hup svmx htenc kvruex tvhungx ruiux yuq shuimc juing svmx vkhak lotlaz kuex gurc pic tvkoc rvtueq. Tsuinghez rueq hup vsvmx htenc nuex seng vtueq shuimc kay juing phvnx htenc kuex khvmc tvy shec rax.

WEAWEA 4:32

Tap tvroz wawc htung htenc, gaq kox nuex sap juing htenc, wuythvmc htenc nuiyc ruiuz htenc kvmuinz, hup svmx htenc kvruex tvhungx htaungx ruiux yuq shuimc juing hup vsvmx lotlaz kvmuinz gurc pic rax. Miq pumz tek vtueq miqmac muex aungx yaq hup svmx kuex gurc pic rax.