DUNGWVNC 27:3 - ASII LAKDAP Bible (BSI)

³ Kiimaq wabun akhap arapwiq thun kra thiichang winpin thun kra hailaq kiimaq atsoq baiq chang belcha thun, nüchhong winpin thun, khaiq thun, kiimaq wapin thun kra tiihonglaq. Arthun hupsam arka miiki maq klochang.

Hawa Naga Bible 2001

³ Tvp nuiyc vpuiz tix jungc juing tuik, phawc tsawk, pankhuix, khuiyq, wvr diq jungc juing tuik htenc kuex tvhungx shuinz. Kvruex marrarc lotlaz kuex nvyrvyx maq tvhungx taq shuinz.

DUNGWVNC 27:3 Referencias Cruzadas

1 HOKHVMX 7:40

Huram raq tak thun, belcha thun, kiimaq sorija winpin thun tiiqto. Apaiq Hokhamwe Solomon jaqsham Tatiwe Shomjam miitu ka kunkun klo lotto. Apaiq raq atiiq huk asam thun ka arthun ara: Toqpum kham anai Toqpum kham thun khupo na nüchhong winpin ikha akhuphok wiinai Toqpum kham wiinai khuphok na triiwat wantlii awat waiq sairaü tum thun Toqpum kham wiinai khuphok na miirii awat raüta awaiqthü pomegrenet petsi ka shiblai. Lenshi na petsi ka shishi raüta, lennai niika shiblai. Leng ka roqshi Jaqhechang nüchhong winpin roqshi Khamtum kaü kra Khamtum kaü tiingachang minsaüpong wetiim roqshi ri anai Tak thun, belcha thun, kiimaq nüchhong winpin thun Arthun hupsam arka Shomjam na lang ma Huram raq Hokhamwe Solomon miitu klo kuqto. Arthun arka aheawiq chenje miiki ngam maq siisaq kloto.

1 HOKHVMX 7:50

Kiimaq kok thun, kiimaq lem tiimat mebaiq chang lakkong setiim, nüchhong winpin thun, homseng honglu kechang winpin setiim thun, kiimaq wachan tsoqbaiq chang chhichhii phu winpin thun kra. Kiimaq Asii Thaq Na Asii khok na wachang kilüchong jaq phum tiinga chang atop thun kra, kiimaq Shomjam ruk wa kinphai na kaichang kilüchong thun jaq phum tiipha khachang atop thun kra. Arthun hupsam arka chaq maq siisaq alo.

2 HOKHVMX 25:14

Kiimaq tsangshiq raq belcha thun kra, berong-wacha hebaiq na langchang honglu wabun thiichang hupsam thun kra, kiimaq lem thun kra shiikumpan chang hupsam thun kra, honglu na ataa ngam tiijai chung chang sorija pin thun kra, homseng honglu chaqchang sorija pin thun kra, kiimaq Shomjam noqku akhing na langchang miiki ngam maq atiiq laihin hupsam thun kra wiita howanto.

2 HOKHVMX 25:15

Tsangshiq raq chaq maq alo nai kampho maq alo hupsam thun ngusaq kra wiita hutjok, berong-wacha wa wachan wiiwa tsoq chang khiq win setiim kra, nai winpin setiim kriimin nongnong maq wiita tsuq wanto.

1 KAÜWA WERAÜ 28:17

Kiimaq apaiq raq chaq ka shuk lakkong thun, sorija pin thun, tsabum thun tiiq ma chiisan chaq ka ümchu thiichang wa miraq, kiimaq winpin thun tiiq ma chaq nai kampho ka ümchu thüchang wa miraq kra chongkuqto

2 KAÜWA WERAÜ 4:11

Kiimaq Huram riika takkapo setiim, atsoq baiq chang belcha thun, kiimaq sorija pin thun min loto. Apaiq raq Hokhamwe Solomon ma Shomjam na lang chang hup asam thun miklo kuqha nguta kiqkham kuqtaq thun kriika kunli thum thum klo kuqto. Kriika arthun ara: Toqpum kham anai Toqpum kham khupo wiinai na nüchhong winpin ikha khuphok anai Toqpum kham khupo wiinai na miiki ngam maq alo sairaü setiim riiwat riiwat raüta tiimiikhiiq loto. Miiki ngam maq alo pomegrenet petsi shiblai ka kra toqpum kham khupo wiinai na len nai na riithong riithong lo raüta tiimiikhiiqto, leng setiim roqshi besin winpin roqshi khamtum kaü kra khamtum kaü tiingachang minsaü pongwetiim roqshi ri anai kra takka posetiim, belcha thun, kiimaq lakkong shuk thun kra kloto. Phanrap sham akai na taksma pinthumwe Huram raq arthun hup asam ara awongsii miiki ngam maq Hokhamwe Solomon raq Tatiwe Shomjam na lang ma klolaq nguta apaiq ma jamkho aming kuqtaq kra phan phan kloto.

DUNGWVNC 24:6

Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

DUNGWVNC 27:19

Ara Tombutiip na lang chang hupsam thun kra kiimaq Tombutiip tro na aruk tiikha chan chang tson thun kiimaq keathung tro ruk chang kheathum thun kra tiikha chan chang hupsam thun kriika miiki maq alo siisaq riichang.

DUNGWVNC 27:2

Kiimaq akhupo nü na shokblai wiita na arong blai hailaq. Ara rongblai armin berong-wacha krai panshi wiili haichang. Kiimaq kra berong-wacha tlotli akii thun kriika miiki maq pangbaiq chang.

DUNGWVNC 27:4

Kiimaq miiki maq atheawiq jinchiiq ka tiiqlaq. Laüta kra shokblai ri na api chang awa kom kra tiihonglaq.

DUNGWVNC 38:3

Kiimaq apaiq raq berong-wacha krai lang chang hupsam thun kriimin kloto. Kriithun ka arthun ara: winpin thun, belcha thun, nüchhong winpin thun, khaiq thun, kiimaq wa tso chang winpin thun kra kloto. Arthun hupsam ka miiki maq siisaq kloto.

LEWI 16:12

apaiq raq wa-tso chang winpin na wachan anyai alai kra berong-wacha kiiwa mitso. Kiimaq homseng honglu win ka jaqkhon maq jaqkhonnai kra milam. Raüta kriithun ka Asii Pinthum Khok kiijaq milam wan.

WEAWEA 4:14

Raüta tsangshiq raq arthaq na berong-wacha na lang chang hupsam thun: watso chang pinthun kra, khaiq thun kra, watso baiq chang belcha thun kra, kiimaq lairap hechang pin thun kra, wiita kriithaq na mithü. Kra raütiishe tsangshiq raq nintata ngamkhü diim miishe mipang. Kra raütiishe api chang pepum wiinai kriishe akom mong na mirei.