DUNGWVNC 27:2 - ASII LAKDAP Bible (BSI)

² Kiimaq akhupo nü na shokblai wiita na arong blai hailaq. Ara rongblai armin berong-wacha krai panshi wiili haichang. Kiimaq kra berong-wacha tlotli akii thun kriika miiki maq pangbaiq chang.

Hawa Naga Bible 2001

² Vshuk bvlic kvyuq vrungx ikhoc tvhungx shuinz. Kvruex vrungx kuex shomrawx rulc ngvmx shiz maq dvyx tvhungx ruiux, wvpumz tuimx nuex nvyrvyx penc maq yop shuiuz.

DUNGWVNC 27:2 Referencias Cruzadas

1 HOKHVMX 1:50

Adonija ka Solomon ma ahaisea kha maq, Tatiwe asi Tombutiip mong na nyapwato raüta berong-wacha siim kiijaq ajaq maq riiwiiq tlü raütiishe ngakito.

1 HOKHVMX 2:28

Kra tsütsa ka Joab raq taito. (Apaiq ka Adonija rai pong damti riito. Shatmaq Absalom rai ka pongmak dea riito.) Kriikha niishe apaiq ka Tatiwe asi Tombutiip mong niishe tiipaü juto. Raüta berong-wacha rongthun kiijaq ajaq maq riiwiiqki tlii raütiishe ngakito.

1 HOKHVMX 8:64

Kra ranaiq niisii hali, apaiq raq wangmong rinkea thung, kiimaq Shomjam rinkea thung kriimin ramkham maq tiibok raüta, Tatiwe ma kiinong kuqto. Kra lot raütiishe apaiq raq kiijaq wiipumtam maq wa na chaqtlii chang honglu thun kra, kiimaq rai awong honglu thun kra, kiimaq rintii-honglu ataakuq thun kiiwa ngampü thun kriishe honglu na kuqto. Apaiq akha kuqtaq arka miikingam maq atiiq berong-wacha kriika arthun honglu ara take miitu ka aran se kha maq, honglu thun ka akha takuq wanto.

2 HOKHVMX 16:14

Kiimaq miiki ngam maq atiiq berong-wacha Tatiwe ma akiinong kuq kriika anye berong-wacha nai Shomjam khok liipan na riito. Kra ningkhan Ahaj raq miiki ngam berongwachati kriika anyeti berong-wacha kriima shekhu nü siim na thüto.

2 KAÜWA WERAÜ 4:1

Hokhamwe Solomon raq miiki maq berong-wacha ashi loto. Kriika ajong nai alu nü na mitar tiikaü tiikaü siisaq trotam na tapshok ikha. Adü lu nü niika mitar blai ri mitar thiq.

Tvtsvmc 118:27

Tati ka Shiikeawe, apaiq ka naishiq ma thep. Namshiq jaq na pekü thun sham lanta, poi ka phaho ronglaq, lanta berong-wacha tro na khum ronglaq.

DUNGWVNC 27:3

Kiimaq wabun akhap arapwiq thun kra thiichang winpin thun kra hailaq kiimaq atsoq baiq chang belcha thun, nüchhong winpin thun, khaiq thun, kiimaq wapin thun kra tiihonglaq. Arthun hupsam arka miiki maq klochang.

DUNGWVNC 29:12

Kiimaq minsaü pongwe tiijai wiijam ka lamlaq laüta ümjaq shi maq berong-wacha rong thun kiijaq neilaq. Kra laütiishe ngam tiijai abi tiichongtlaq thun ka berong-wacha takiq jichong kiijaq raübaiqlaq.

DUNGWVNC 38:30

Riita armiika apaiq raq Tatiwe asi Tombutiip na wachang kilamchong kham thun hokphi diim thun kra, miiki maq aklo berong-wacha kra berong-wacha mong na jinchiiq kaü thun kra, kiimaq berong-wacha miirii laihin hupsam thun tlotli kra kloto.

EJEKIEL 43:15

Ara atiisup rathongti, honglu na akuq thun kra wa na chaq chang ba kriimin adii lu niika mitarnai riito. Berong wacha akhupo thung wa tapshok na arong ikha tiitsong raqraq blai kriika akhupo wiithung kra nam ma diilu lin.

LEWI 16:18

kra lotjai apaiq ka berong-wacha kiijaq kiraüta chaqtlii-honglu kra kekai ratlo. Raüta berong-wacha kra tiisii ratlo. Raüta apaiq raq minsaü pongwe tiijai kiiwa wiijam, kiimaq chhechhi tiijai kiiwa wiijam ka lam wan raüta, berong-wacha shokblai na arongblai kiijaq ngam tiijai maq nei ratlo.

LEWI 4:18

Apaiq raq ngam tiijai wiijam ka Tombutiip mong na homseng honglu kechang berong-wacha siimblai ri wiita na arong blai kiijaq minei. Raüta kiiwa abung tiichongtlaq ngam tiijai ka honglu kechang Tombutiip kinphai na berong-wacha jichong kiijaq miraübaiq.

LEWI 4:25

Ramwe raq ajaqshi ka ngam tiijai kiijaq mitsam. Raüta berong-wacha siimblai ri na arong blai kiijaq minei. Raüta kiiwa chantlaq abung ngam tiijai ka berong-wacha jichong kiijaq minyuk.

LEWI 4:7

Kra raütiishe apaiq raq ngam tiijai wiijam ka lam raüta Tombutiip mong na homseng honglu berong-wacha arong blai kiijaq minei. Raüta ngam tiijai abung ümchuwa tiichongtlaq kriika Tombutiip rinkea na honglu chaq chang berong-wacha jichong kiijaq minyuk baiq.

LEWI 8:15

Mosheq raq kriika ataa riito. Raüta ngam tiijai wiijam ka lamto. Raüta ajaq shi ka ngam tiijai na tsam raüta berong-wacha shokblai na arongblai kiijaq neito. Arka Tatiwe ma kiinongke miitu nyatto. Kra raütiishe apaiq raq ngam tiijai abung tiichongtlaq kriika berong-wacha jichong na nyukto. Akha klo raüta apaiq raq arthun ka Tatiwe ma kiinong kuqto kiimaq tiisiito.

JEKERIA 9:15

Tati Ningkun Ajong Pinthumwe raq asengi, mitiiwong kuq. Krai mren tsangshiq raq tsangjaqti, wiita she mitiithen khatbaiq. Tsangshiq ka rekhat lam maq chechokti ikha, migitrang. Raüta tsangshiq jaqtinok tiijai miraü, Rewe ajiip tiijai berong-wacha ama, nüchhongwin wa araü ikha.

WEAWEA 3:31

Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.