Biblia Todo Logo
La Biblia Online
- Anuncios -




DUNGWVNC 27:21 - ASII LAKDAP Bible (BSI)

21 Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

Ver Capítulo Copiar

Hawa Naga Bible 2001

21 Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

Ver Capítulo Copiar




DUNGWVNC 27:21
44 Referencias Cruzadas  

Raüta apaiq raq rawüli ka “Ranaiq” nguta mangto. Kiimaq ranyaq nyang ka “Rawa” nguta mangto. Raji ka lea wanto. Kiimaq ra she wü wanto, kriika apha ranaiq riito.


Apaiq raq kra alam kaü ka “Ra” nguta mangto. Raji ka lea wanto kiimaq ra she wü wanto, kriika ranaiq nai ngoja she riito.


Ranaptek kiimaq rajitek na tsangshiq raq homseng honglu nai nyamse honglu wiipumtam maq wa na chaqtlii chang kra takuqtlo. Tsangshiq raq winsii honglu thun kra chamrii asii kra thaq alu kuqtlo. Kiimaq rajitek tsangshiq raq lem thun kra tiinyai chaq raüta chaq lem tochang kham kiijaq totlo. Naishiq riika Tatiwe raq jamlai aming wa kuqtaq kra phan phan li klo tiikai. Shatmaq namshiq apaiq ka miimbaiq lan.


Warong ra, Tatiwe tiitsam rong i, tlotli ajaqshisetiim lei, tlotli apaiq Shomjam na rawa jaqshamtibi lei.


Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”


Tatiwe raq Mosheq ma aming kuqtaq kra phan phan, Aron raq kra tsabum chii manna thütaq kriika Tongshong Tek kaü khaki na tothüto. Raüta kiijaq aheawiq saiqsam thüto.


Laütiishe Ngi raq aming thun waiqthüje longpen wiinai mikuq kang kriishe tek mong kiijaq thülaq.


Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.


Kiimaq ümtiikiiwa isenginok raq rintii-honglu kuqtlaqtek na, ara awühokpe ngam nai akhuk ngam arka ramwe rii ngamrea pong na raithü raa nguta Ngi raq pattup pat-sa klaimak phan tri miishe shatthü tiikang.


Arka pattup pat-sa na saüli ara wiipumtam-chaqtlii honglu arka imakki na Ngi asi Tombutiip kilamchong na kuq wan ruq riichang. Arba arjaq Ngi raq isenginok rai riihumki lili mirha. Kiimaq ümniirai mirbomha.


Ngi raq Tombutiip nai berong-wacha ka asii ma mitiijaha. Kiimaq Ngi raq Aron nai asetiim ka Ngi shiikumpan miitu ramwe ma pong na atsea lata mithüha.


Tsangshiq raq tsangshiq jaq nai hok ka heraa dongdii. Kra raütiq tsangshiq ka tsaimak miraq. Ara tri arka tsangshiq nai tsangsaütiim raq pattup pat-sa lang wan chang.”


Arwa phanshi lam laüta awin müsaisai ma tiija buklaq. Laüta arka Ngi asi Tombutiip mong na lam wanlaq. Laüta Tongshong Tek khaki kiijaq wanlaq. Ara homseng arka chiisan asii pinthum nguta langlaq.


Kiimaq apaiq raq raji ko na lem tiinyaitlaq akhing niimin akhiisii homseng honglu kra chaqho lili riichang. Ara homseng honglu ke arka pattup pat-sa atsaq kai maiq mak kuq wan ruqli riichang.


Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.


“Ümnaq nai ümsenai ka che nyang lanta riimakla chetho nyang lanta ngi asi Tombutiip mong na nyap wa maimak. Kra riihan jiila namshiq ka atsai mirhan. Ara thungtri ka ümsaü ümsetiim pat niimin lang wan ruq riichang.


Riita ara thungtri thun arka pattup lang wan ruqli riichang. Ara khuliiq tsaichhin jaqsham arka wiishi na lakshi klo wan lili riichang. Arka Israilnok mungmaiqse ka tsangshiq ngarai thun kiiwa tiisii wan miitu jaqsham. Riita Tatiwe raq jamkho aming kuqtaq kra phan phan Mosheq raq arthun jaqsham ka klo wanto.


Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.


Namshiq ara honglu ka Shiikeawe ma mikuq wa han shaq wiiwii, tsam nye ajut han kriiwa, asang maq jiimin, wa na kolanta jiimin, riimakla winsii ma kolanta jiimin, nü na naq thii rongkiq. Ara thungtri arka namsaü namsetiim pat niimin pattup lang wan ruqli lang wan ratlo.


Kra ranaiq namshiq phong wa jurmin maiqmii joli jaqsham ka shamkai maimak. Shatmaq adam na riitam lanta noqku na shomnoq ronglaq. Namsaü namsetiim raq pattup miitu tsangshiq ka ümriiba na shong nga raü min ara poi ka klo wanruq ratlo.


arthun aming ka Israilnok ma kuqlaq nguta: Chiisan olip tai ahea pinthum phan ka Tombutiip na lemsetiim kiijaq tiinyai miitu lam wan ronglaq. Kiijaq lemsetiim ka tlü wan ruq tiiniishat maq shiikum pan chang.


Rajitek na Aron raq lemsetiim ka tiinyai chaqlili miraq. Raüta anap ranap na saüli lüshat riichang. Ara lemsetiim ka Tatiwe asi Tombutiip na Asii Pinthum Khok na Tongshong Tek sitlaq kra raituk chang khea chan tlaq kriimaq kinphai khokti na totlo. Ara thungtri ka pattup pat-sa lang wan ruq riichang.


Kra winsii thun ka Aron nai asaü asetiim riishe. Kiimaq tsangshiq raq winsii ka asii ba maq ngaraüta phaq chang. Jamkhano ngukla arka pinthum asii phaqsea Tatiwe ma akuq ramwebi rii.


Israilnok phongwa ju riimin ngampü ka phaq maimak. Riimakla ngam tiijai kiimin phaqsea mai mak. Ara tri ka Israilnok raq ümriiba niili shong nga raümin pattup pat-sa lang wan ruq riichang.


apaiq raq ajaq maq nyamse khupo na shamchang, raütiishe Tombutiip rinkea na tachang. Raüta ramwebi raq ngam tiijai ka berong-wacha siimblai ri na miwan.


Kra raütiishe apaiq raq bunwong wongwin kiiwa jaqkhon shi ajaq na mitso. Kiimaq tel kri milam. Raüta kriithaq na homseng honglu kriishe mithii. Raütiishe apaiq raq Tatiwe ma berong-wacha na tlotli akuq rii na ngamrea ikha mikuq. Ara khiimtsang ka Tatiwe ma tsan tiiheali miraq.


Kra ranaiq akhing na Tatiwe raq Israilnok ma honglu na akuq kiiwa ara ngamrea ba arka ramwebi ma kuq ronglaq nguta aming kuqto. Ara thungtri ka Israilnok raq maiq pat ümchuwa siwantlaq kiijaq lang wan ruqli lang wan ratlo.


Ramwebi jaqsham ka riikhaqli maq nokmaiqse ma Shiikeawe tiisap wan shrinke wan kra riito. Nokmaiqse tsangshiq phana kitlaq kriika, ngi tiima tsantsii kra sapkai miitu kitlo. Jamkhano ngukla tsangshiq ka Tati Ningkun Ajong Pinthumwe kiimwebi.


Ümchaü armiiphat sanha Tombutiip liikoti ka Lewinok lam lam li she miraq. Kiimaq Tombutiip miitu sham akai kunli ka tsangshiq riili she arang miho. Ara thungtri arka pattup miitu she. Ümsaü ümsetiim riimin arthun tri ara lang raüta jaqsham chang. Israil mung na Lewinok miitu tachong hupsam ka ahü miraq.


Asii Khok nai berong-wacha na jaqsham chang sitlaq kriika ümnaq nai ümsetiim riili dongdii jaq ka sham chang. Kra riihan jiitiq Israilnok khuthaq na itsankhiq walü ka nyai nong mak she miraq.


Namshiq raq ara thungtri ka pattup pat-sa lang wan ratlo. Jurwa arewe khum na phumram kham maq bat kuqtlaq, kriiwe riimin, apaiq düwa akhu akhea thun kra kham maq heraatlo. Kiimaq jurwa kra kham ka ajaq maq shamtlaq, kriiwe kiimin raji na saüli apaiq khum ka ashe apii misi.


Ara thungtri arka namshiq miitu kiimaq namsaü namsetiim miitu. Namshiq ka ümriiba niili sihan jiimin, ara tri arka lang wan ruq riichang.


Laütiishe Israilnok mungmaiqse tlotli ka adam na triitam laq. Kiimaq Lewinok ka Ngi asi Tombutiip khaki na tiichap laq.


Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”


“Miirii ka sam lanta nai lemtem ka tlü shatmaq, kheshat khewan ronglaq.


Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.


Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.


Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.


“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.


Samuel ka asii khok, Tongshong Tek thü chang na akon riito. Ranap ra miwü shaq na, lem kiimin lüshatli riito.


Dawit raq arka tri miishe thüto. Krai mren, kra akhing miiphat she, Israil mung ara tri arka jaqkhon tiipha raüta lang wanto.


Síguenos en:

Anuncios


Anuncios


¡Síguenos en WhatsApp! Síguenos