DUNGWVNC 27:21 - Hawa Naga Bible 2001

²¹ Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

ASII LAKDAP Bible (BSI)

²¹ Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 27:21 Referencias Cruzadas

RAPHA HIQWA LAK 1:5

vwuic kuex vnuiyq ngoz ruiux, vnyauk kuex vwvrx ngoz tueq muingc tueq. Raungyac kuex lvy wvnc vtueq raungnvp shex httuiuc tueq, kvruex kuex vphaungc raungnuiyq rvtueq.

RAPHA HIQWA LAK 1:8

Vpiq rueq khvrwuirx wuingc kv-ngoc “Raungx” ngoz tueq muingc tueq. Raungyac kuex lvy wvnc vtueq raungnvp shex httuiuc tueq, kvruex kuex raungnuiyq nueyc rvtueq.

2 KAÜWA WERAÜ 13:11

Tsuingshiq rueq wvraungx nvp wvraungx yac vhomc vtumc phvnx nuiyc nyvmx saz kuex vpumz maq jauk vtueq shomc nawk kuq wuez yaq. Tsuinghez rueq htungx vlayx rulc rv-ngvlc vsawc humpanx htauk nuex wanx kuex shomc kuq vtueq, wvraungx yac tek kuimshawx wvrkok tochuing htauk wawc wvrkok htenc kuex tvluic wuez yaq. Yehowa rueq nvr tueq rulc rv-ngvlc nuiyshiq rueq shuimx vshix, yuq muinz nuimshiq rueq vpiq kuex tvdux gay vshuinx.

Tvtsvmc 134:1

Vpiq Shomc Yuimx mungx nuex raungwvrx nuex yauk shuimc jix nvrc waz bix lotlaz lex, kaz luit, Yehowa muex tvtsvmc wuez ix.

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 16:34

Yehowa rueq Moshe muex nvr tueq kvkhoc Arun rueq tuik kvruex Bomkhvrc Jep khaungkac nuex taq tueq.

DUNGWVNC 25:16

Kvruex yimaq ngaz rueq mnoz muex kuq phaungx, vnvrc tvrac bomc htenc vwuiyq shec lungdvmx nueyc kuex jep kvyuq htawc taq shuiuz.

DUNGWVNC 28:43

Arun nuiyc vsahez kuex ngaz httax taungx Tap kvyuq tsuinghez kaz tuex nuex, rvmuq ngoz ruiux Vsawc Baung nuex shomc waz yauk shuimc tvkoc shomrawx hep nuex kvnvp tuex nuex, yvlc svy tvkhic vtueq thueyc juing rvhumc muq tvkoc mkaq muinz vruex msvmx shueq. Vruex kuex Arun nuiyc piq suiuz vsaz hez tvkoc pattup tvrac muex yaungc juing rvtueq.

DUNGWVNC 29:28

Ngvy miqsaz rueq lux rvyaungc shomc kuq ruiux yuq, ngvmx kvwawc vkhuiuq nuiyc vwex kuex shomc waz bix mvnjuz rvtueq, kvruex kuex kvlayc kay juing vguez vhtvp htaz taq rvtueq. Vruex kuex miq htenc rueq Ngaz, Yehowa muex yauk noalc kuy rvtueq.

DUNGWVNC 29:42

Vruex jauk vtueq shomc kuy kuex ngaz httax taungx Tap kaluix daungx ngvy khaungkac nuex pattup shomc kuq shuinx rvtueq. Ngvy miqsaz htenc rulc ngaz rvhumc taungx baung kvyuq mnoz rulc rvbomc taungx.

DUNGWVNC 29:44

Ngaz rueq Tap nuiyc shomrawx kuex tvsawc nawc ruiux, Arun nac sahez kuex ngvy yauk shuimc tvkoc shomc waz muex thvl taq shaungx.

DUNGWVNC 30:21

Tsuingshiq yauk vyaz kuex hoal ruiux yuq jix tsuingshiq kuex thueyc muq. Bomkhvrc vruex kuex tsuingshiq nuiyc tsuingshiq suiuz vsaz hez rueq mkaq muinz phvnc juing rvtueq,” ngoz tueq jungx tueq.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 30:8

Piq rueq raungyac kox nuex wvrkok htenc tvluic shuex nuex raungnvp nuex shuimx yaq ikhoc shuimx yaq. Vkhoc vhomc vtumc phvnx shomc kuy yauk shuimc kuex pattup shuimx kaz wuez shuinx.

DUNGWVNC 40:3

Kvruex yuq Tvrac Rokshiz httax yaq Bomkhvrc Jep kuex htawc taq ruiux, max kox kvyuq vjuinc juing khvymvnz maq tuk shuiuz.

LEWI 10:9

“Mnoz nuiyc msahez kuex vthueyc rvhumc muit tvkoc svpiq tix, rvmuq ngoz ruiux joal vtsvmz nuingx vtueq Ngaz httax yaq Tap mungx nuex nyuip mvy muq. Vruex tvrac kuex nuimshiq suiuz vsaz hez lotlaz rueq phvnc rax tuex.

LEWI 16:34

Vruex tvrac htenc kuex pattup phvnc lvmx rvtueq, Israel miqsaz htenc tsuingshiq yaq tueq mvrax lotlaz kvsawc nawc tvkoc wawc shiz nuex laukshiz tvhungx rax tuex. Kvkhoc rvtueq Moshe kuex Yehowa rueq nvr tueq rulc rv-ngvlc shuimx kaz tueq.

LEWI 17:7

Israel miqsaz htenc rueq yaruix nuex tsuingshiq nyvmx saz htenc kuex thvt vtueq khelkhix htaungc htenc muex shomc nawk wvnc tueq kvkhoc maq Yehowa nuex tvmtuing vguez yaungx tuinx rvmuq. Vruex tvrac kuex Israel miqsaz htenc rueq pattup phvnc tvy juing rvtueq.

LEWI 23:14

Tishox muex kungkhux max shomc kuq nuex tsvmz nyalx kuex vhttuingx maq, vkoarc raz tueq, rvmuq ngoz ruiux wanx tvhungx vtueq muinz svy mvy muq. Vruex tvrac kuex nuimshiq suiuz vsaz lotlaz rueq pattup phvnc rax.

LEWI 23:21

Kvruex raungnuiyq nuimshiq rueq wvraungx nuiyq shuimx shuinx yauk shuimc kuex nauk shuimx kaz, yuq muinz nawk palx tvkoc rvtuimx wuez kuinz. Nuimshiq suiuz vsaz kuex mruex baung nuex dvyx httax ngaungc ruiux muinz, tvrac vruex pattup phvnc rax.

LEWI 24:2

Tap mungx wawc wvr htung kuex mkaq muinz luic hvt tvkoc vhvlx pinhtumc olip puiz rvkhauk laz kuex mnoz kox nuex lvmc lvy tvkoc jungx shuiuz.

LEWI 24:3

Arun rueq tap mungx wawc Vsawc Pinhtumc Baung nuex httax yaq Bomkhvrc Jep max wawc khvymvnz vjuinx yix kox nuex wvr htung kuex wvraungx yac tvluic rax, kvruex wvr htung kuex Yehowa khaungkac nuex raungyac maq raungnvp nuex httuiuc laz tvluic rax. Kvruex tvrac htenc kuex nuimshiq rueq mkaq muinz phvnc juing rvtueq.

LEWI 24:9

Vruex wanx htenc kuex Arun nuiyc piq suiuz vsaz hez rueq phuiuz svy tvkoc rvtueq, tsuinghez rueq vsawc baung maq phuiuz svy rax, yvmx khoc lac ngoz ruiux lec shomc waz bix tvkoc Yehowa muex vshomc kuq wanx kuex vsawc pinhtumc rvtueq.

LEWI 3:17

Israel miqsaz rueq vpuiz, rvmuq ngoz ruiux tvguiy kuex phuiuz svy mvy muq; tvrac vruex kuex Israel miqsaz tsuingshiq m-yuq dvyx httax httax lotlaz rueq mkaq muinz phvnc juing rvtueq.

LEWI 3:8

vyauk kuex khelbuenx khux poz nuex tvdaungc ruiux, Tap kvlc kvyuq mthvt shueq. Shomc waz bix rueq tvguiy kuex lvmz vtueq shomrawx samx bvlic kvyuq mbuit shueq,

LEWI 6:15

Kvruex yimaq vruiy vwungx lotlaz maq shomc kuy tvraung nuex shomc waz rueq wungwanx yaukkhunc shiz, vpuiz tix raungluingx nuex vhomc vtumc kuex lvmz vtueq, shomrawx htauk nuex wvr maq jauk ruiux Yehowa muex shomc kuy rax. Kvkhoc shomc kuy homc tumc kuex Yehowa rueq raungc raq yaq.

LEWI 7:36

Kvruex raungnuiyq shomc kuq shuex wawc vkhoz vhtaq kuex tsuinghez muex kuy tvkoc Yehowa rueq Israel miqsaz htenc muex nvr tueq. Israel miqsaz htenc rueq vkhoc nvr tueq tvrac htenc kuex mkaq muinz phvnc juing rvtueq.

MALAKI 2:7

Tishox tsuingrux phaqjic tvluingc jungphvnc kuy tvkoc kuex shomc waz bix rueq shuimc juing rvtueq. Tsuingshiq kuex Tvphaungc Tvsuip Yehowa kamx waz hez ningkhvnc nuex miq htenc rueq ngvy thuinroc lvmx tuiuz lot tvkoc tsuingshiq kox nuex kay juing rvtueq.

WEAWEA 18:23

Majuiuc vmaq phaungc vtueq Lewi miqsaz rueq dvyx Tap kuex httuiyq httvmx ruiux, kvyuq seng yaq shuimc vkay httax yaq htenc kuex khauk gurc pic wuez rax. Tvrac vruex kuex msuiuz msaz pat vjat rueq phvnc rax. Lewi miqsaz rueq Israel mungtan wawc hup vsvmx kuex guimz muq,

WEAWEA 18:5

Msaz nuimhez rueq dvyx Vsawc Baung nuiyc shomrawx nuex seng yaq yauk shuimc kuex gurc pic rax, kvkhoc ngoz ruiux jix ngaz kuex yix maq laukshiz Israel miqsaz muex khaq mauk shex.

WEAWEA 19:21

Nuimshiq rueq tvrac vruex yix pat vjat nuex httuiuc laz phvnc rax. Kvsawc nawc lvmz nuex seng yaq yuix kuex buit kuy jix waz rueq muinz miqmac khoz vkhvy htenc kuex huy rax; yuix kvruex shuimc gay jix waz kuex raungyac kox nuex httuiuc laz sawc muq shauk dvyx httax tuex.

WEAWEA 35:29

Nuimshiq kuex m-yuq dvyx httax ruiux muinz, tvrac htenc vruex mkaq muinz pat vjat nuex httuiuc laz phvnc rax.

WEAWEA 8:9

Kvruex yimaq Israel miqsaz lotlaz kuex tvtuimx ruiux, Lewi miqsaz htenc kuex ngaz httax yaq Tap khaungkac nuex jvp rax.

Matthew 4:16

Raungnyauk mungx nuex httaz jix miqsaz htenc rueq, Raungwuic yunghvlc khiz lvp shuex. Wulumx mungx nuiyc kvruex raungnyauk khung nuex httax wuez yaq jix htenc htauk nuex raungwuic lez dung wvnc tuex,” ngoz tueq jungx tueq.

Luke 12:35

“Nuimshiq rueq tvyoalc yoalx yaungc muex kheshuit kuex shuit vtueq wvrkok kuex tvluic wuez shuinz,

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

2 Corinthians 4:6

Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.

2 Peter 1:19

Kvkhoc rvtueq nuiyshiq kuex shvmmax bix rueq jungc tvtay wvnc tueq bomjungc kuex thuinz nuex rvkhauk laz lvp wvnc tix. Nuimshiq rueq kvruex kvjaz kuex vhvlx waq tsvp kvp wuez shuinz, yvmx khoc lac ngoz ruiux lec kvruex kuex nuimshiq thuinz vmungx nuex lez wvnc vtueq raungnvp ruiywuic poz dungc wvnc nuex httuiuc laz, raungnyauk baung nuex lez yaq wvrkok ikhoc rvtueq.

Revelation 2:1

“Ephesu phungc wawc raungkamx waz kox nuex vkhoc wuiyq shuiuz: “Vruex kuex yaukkeq kox yauk nuex ruiysuiyq poz mvshix shuimx vtueq, kuimshawx wvrkok mvshix hvlwvl nuex khuemx shamx yaq waz kox wawc bomjungc rvtueq.

1 SAMUEL 3:3

Samuel kuex Bomkhvrc Jep httax yaq vsawc baung nuex kvtsoalx yaq. Kvkaq raungx max wuix shauk wvrkok luic yaq doc nuex,

1 SAMUEL 30:25

Mvnnuex maq majuiuc nuex httuiuc laz Israel mungx nuex phvnc tvkoc Dawid rueq vphvnc juing tvrac kuex tvhungx taq tueq.