DUNGWVNC 26:33 - ASII LAKDAP Bible (BSI)

³³ Kra kheathum ka Tombutiip wukhu na alen alen na khaiq thun tiihongje kriijaq bat hi hi batthülaq. Kiimaq kra khetuk chang kheathum tiichan tlaq kra jai niishe Tongshong Tek, among na longpen wiinai tiithiishat kra tothülaq. Ara khetuk chang kheathum ariiraq Asii Khok kra Asii Pinthum Khok kriiwa pong na mirai baiq.

Hawa Naga Bible 2001

³³ Vjuinc juing khvymvnz bvt lot yix maq, khvymvnz vjuinx taq maq vmungx kox kvyuq, lungdvmx vnueyc vhtawc shec Bomkhvrc Jep kuex taq shuinz. Vjuinc juing khvymvnz kuex Vsawc Baung nuiyc Vsawc Pinhtumc Baung kuex tvrv-hvl tvy rvtueq.

DUNGWVNC 26:33 Referencias Cruzadas

1 HOKHVMX 6:16

Shomjam jamcha nü khok kiiniika tap mong nyang na Asii Thaq Na Asii Khok kra haito. Kra khok ka alu nü na mitar tiikaü riito. Kiimaq khok ka maisak pe pen kilüpen ikha ahai kriimaq wiithung maq riita ra na chüjung kiijaq saüli khok kra tuk rai baiqto.

1 HOKHVMX 8:10

Kra akhing na ramwebi raq Shomjam mong kiiwa kinphai niishe dongho kiita, tiihanghiiq miili phumda kaü raq mong wan saqli she mong wanto.

1 HOKHVMX 8:6

Kra raütiishe ramwebi raq Tongshong Tek kaü kra Shomjam mong niishe piwanto. Raüta Asii Thaq Niimin Asii Khok mong niishe cherubim kaünai takiq kiijiishe thüto.

2 KAÜWA WERAÜ 3:8

Tap mong pinthum khokti ka Asii Pinthum Khok ngutlo. Kra khok ka alu nü na mitar tiikaü kiimaq ajong nü niimin mitar tiikaü riito. Kriika Shomjam ajong nü na ümtin wa kriili riito. Kra Asii Thaq Niimin Asii khok kra khetuk thun kra lo miitu chaq ka metrikton roqnai pat wato.

DUNGWVNC 25:16

Laütiishe Ngi raq aming thun waiqthüje longpen wiinai mikuq kang kriishe tek mong kiijaq thülaq.

DUNGWVNC 26:32

Laüta kra kheathum ka akasia pe kham blai chaq maq alo kiimaq khaiqsetiim atiihongwi she chaq khamjichong bu blai thaq na tiingaje kiijaq bat hihi chan thülaq.

DUNGWVNC 27:10

Kriika miiki maq alo kham roqnai ka miiki maq alo khamjichong bu roqnai thaq na tiinga chang. Kriika kampho maq alo khaiqsetiim nai kampho kiisetiim tiihongtaq kriimaq tiikha chan chang.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 36:36

Raüta tsangshiq raq ara kheathum ara chanchang kham ka blai akasia pe maq haito. Raüta ara kham blai ka chaq maq loto. Raüta kham blai kiijaq chaq maq atiiq khaiq thun kra tiikop hihiq tiihongto. Kiimaq tsangshiq raq ara kham thun ara tiinga hihi shongchang ajichong diim ka kampho maq blai kloto.

DUNGWVNC 40:21

Raütiishe apaiq raq tek ka Tombutiip mong niishe thüto. Raüta atuk chang kheathum kriishe chanto. Akha klo raüta apaiq raq Tongshong Tek ka Tatiwe raq aming kuqtaq kra phan phan khetuk maq rai thüto.

DUNGWVNC 40:3

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

EJEKIEL 41:4

Raüta apaiq raq khok kriishe shinto. Raüta kra khok ka tapshok ikha trotam na mitar roqshi shi riito. Riita arka khok mong pinthumti kriimin leawan lot jaishetiq riito. Kra lot raütiishe apaiq raq ngi ma nguto, “Ahata Asii Thaq Niimin Asii Pinthum Khok,” nguta chongto.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.