DUNGWVNC 25:20 - ASII LAKDAP Bible (BSI)

²⁰ Kra cherubim kaünai ka tek hap chang thaq na riilii riilii kha riikhok na nyi raq raq riichang. Kiimaq tsangnai rakong wiinai tiipii raq raq kra riika tek hap kra hamli pang chang.

Hawa Naga Bible 2001

²⁰ Kherubim nueyc rueq tvparc yaq vraungx htenc kvraq jep guip kuex mshuip shueq, tsuingnueyc kuex htvlx rvhumc raz tueq, jep guip kvruex yuq mlawc wuez shueq.

DUNGWVNC 25:20 Referencias Cruzadas

RAPHA HIQWA LAK 28:12

Apaiq raq ama maq hiqkhuphi diim ka hiq maq riita ramungtan na saüli chhito. Kiimaq kra hiqkhu phi niika rasetiim kong ka asat kaiti kiitin khan. Ranü na düwanti kiitinkhan akiti aki awati awa chhito.

1 HOKHVMX 6:23

Kiimaq kra tapmong nyang siqlaitap khok mong niika olip pe pen maq cherubim kaünai hai raüta, Asii Thaq Na Asii khok kiijaq thüto. Kra cherubim rakong wiinai ka adü lu na 4.4 mitar riito.

1 HOKHVMX 6:27

Kra kaü wiinai ka Asii Thaq Na Asii khok kiijaq lenshi na riikong riikong thüto. Krai mren tsangnai rakong atiipii raqraq kra ratsii ba kra tiithan chang ba kriika khok mong tingting ba tiithi na tiithan raqraq riito. Kiimaq hali tsangnai rakong siimko nü wiinai rakongtsii kriika siimko nairi wa khechong kiijaq tiithan raq raq riito.

1 HOKHVMX 8:7

Kra cherubim rakong kaünai ri raq tiipiitlaq kriiraq tek kaü kra pangtlo kiimaq tekkaü pichang klata atiihong kriimin hamli pangtlo.

1 KAÜWA WERAÜ 28:18

Kiimaq honglu homseng chaq chang berong-wacha kra tiiq ma chiisan chaq ka ümchu thüchang wa kra, kiimaq Tatiwe Tongshong Tek khuthaq na cherubim ngachang kumrang leng kra loma chaq ka ümchu wa miraa kriithun ka chongkuqto.

2 KAÜWA WERAÜ 3:10

Kiimaq hokhamwe raq ajaqshamtibi ma cherubim anai ka jin ngam maq tiiq rong laq nguta aming kuqto. Raüta chaq maq akhuthaq na lolanta cherubim ka Asii Thaq Niimin Asii khok na thü rong laq nguta thaüto.

DUNGWVNC 25:18

Kiimaq chaq tiiphin tiiq laüta cherubim kaünai klolaq.

DUNGWVNC 25:19

Tek hap chang siimko nai ri na kaü shi shi hailaq. Kriika tek hap chang krai adam na tiikoptlii maq hai chang.

EJEKIEL 1:20

Kra ngamkaütiim ka tsangshiq raq aroro kiina akaiho nguli kihotlo. Kiimaq kra ajikom kaütiim riimin ngamkaütiim khumtlaq kra phan phan khumtlo. Jamkhano ngukla ngamkaütiim raq ajikom thun kra raptlo.

EJEKIEL 28:14

Ngi raq ümnaq kheti kinsongti phiiptsi chang rase ashi shongkang. Ümniika ngi sichang asii pum na silaü. Laüta achhai anyii jem longseng phong maq ahai lam na khumlaü.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

1 Corinthians 11:10

Riita ara chongtiikai arkha maq, jechak ka awese wokhong na sitlo nguta tiichhi wan miitu nai rasetiim miitu, jechak raq akhu ka aphop riichang.

1 Corinthians 4:9

Ngi raq tiima kla, Shiikeawe raq apaiq kiimwebi ka ara mangjong hiq na, anun pinthum maiqsetiim ma tiija tlo. Naishiq arka matwe tsawe, phowebi raq atsea baiq n chang nguta thiikho na atiidea baiq wanwi, mangjong hiq wa mungmaiqse makki na kiimaq rasetiim makki na, ataa baiq chang she nguta, shumraü kharü maq kha raüta, chiihong chiiha hit rot tlaq ikha sitiikai.

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.

Colossians 2:10

Kiimaq namshiq ma asii rilung ka, Jesuq Khristo rai pumshi hanshi maq sitlan, kra lümaq kunli ama, athap raüta apheake wishe. Apaiq kli, phanrap winji ümtinkhan wa sitlaq kriithaq na ajong pinthum. Kiimaq arang hoti winji ümtinkhan wa sitlaq kra thun thaq na, apaiq ka ajong thaq niimin ajong pinthum.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 9:5

Kra Tek thaq niishe ka wrakong phan, achhai anyii khushü ngao cherubim sumla kaü nai asi. Kra sumla kaünai sitlaq kriika, Shiikeawe ka kiijaq asi dea nguta hakhi tiichhike miitu sitlo. Sumla kaünai rakong maq tiinyam pang tlaq ba tek kriika, Shiikeawe raq maiqse ngarai diike chang mangchan ngacho nguta ngutlo. Shatmaq ümchaü nashiq raq arthun ara wiita tiitho tiipha chongke akhing ka riimak she.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.