DUNGWVNC 24:12 - ASII LAKDAP Bible (BSI)

¹² Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

Hawa Naga Bible 2001

¹² Yehowa rueq Moshe muex ngoc, “Ngaz httax vtaungx kanx vyuq waung loq, miq htenc muex tvhonc tvtharc kuy tvkoc ngaz rueq lungdvmx vnueyc nuex tvrac htenc vwuiyq shec kuex mnoz muex kuq phaungx,” ngoz tueq jungx tueq.

DUNGWVNC 24:12 Referencias Cruzadas

1 HOKHVMX 19:11

“Ümniika arwa dongho laq, Laüta ikhaki na ara pum kaü khupo kiina chapwakiq,” nguta Tatiwe raq apaiq ma nguto. Raütiishe Tatiwe ka apaiq tho maq lea wanto. Raüta rahai rathaiq henghea tiiwato. Kra rahai raq kin thun ka tiikho miiliiq tiikho baiqto. Raüta kra raqkam thun kiiwa longraq thun kra wiita babaiqto. Shatmaq Tatiwe ka kra rahai watlaq kiijiika ahü. Raüta rahai ka asang she riiwanto. Kra jai miishe hiqjong mu jonghea she muto. Shatmaq Tatiwe ka kra hiqjong murai tlaq kiijiimin ahü riito.

EJRA 7:10

Ejra raq arilung ka, Tatiwe Thungtri kra sidi phat wan lam na, kiimaq kra Thungtri na rilung na lamphan miitu sung atsii chongkuqtlaq thun ka apaiq maiqmii rilung na lang wanto. Kiimaq kra Shiikeawe thungtri na maiqse rilung na jamkha lang wan chang wa chongtlaq, kra Israilnok ma danhonke wan lam na, kiinong kuq wan raüta tiisung wanto.

NEHEMIA 9:13

Ramungtan maq Sinai pum na satki laü. Laüta ümsengi ma Thungtri ahea, kiimaq sung atsii ahea chongphan kuq laü.

NEHEMIA 9:14

Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

Tvtsvmc 19:12

Jurmin maiqmii shutphit thun ka chhimak; ngi tiichhiilaq, Tatiwe lei, sap mang shutphit thun wa!

DUNGWVNC 19:3

Kiimaq Mosheq ka Shiikeawe rai riihumwa pumkhu thaq na wa wanto. Tatiwe raq pum maq apaiq ka heato. Kiimaq apaiq ma Jakob saüse phan Israilnok ma akha chongkuqlaq nguta chongto:

DUNGWVNC 24:15

Kiimaq Mosheq ka Sinai Pum khu thaq na wawanto. Kiimaq phumda raq pum ka pangbaiqto.

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 24:2

Ngi tho niika ümnaq laqlaq se li miwa haü. Maiq ahinti ka jumin wa maimak. Kiimaq mungmaiqse ka ara pum na düwa maimak.”

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

DUNGWVNC 32:1

Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

DUNGWVNC 34:1

Tatiwe raq Mosheq ma nguto “Apha lak wa kiikha longpen anai hailaq. Raüla Ngi raq apha lak awaiqha bomtsi longpen wiinai ümniiraq tiibun baiq laü kra bomtsi hali miwaiq nongha.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

Matthew 5:19

Arkha maq, jurwa Thungtri aming raütu thun kiiwa, bomno bomni se jin wan tlaq, kiimaq nanok miimin kiikhiisii hali ralangse ka jin wan mimai nguta tlang kuq wan tlaq, kriiti ka Shiikeawe sengi liipan na aran pinthum miraq. Shatmaq, jurwa Thungtri raütu ka lang wan tlaq, kiimaq nanok ahinti miimin kiikhiisii hali tlang kuq wan tlaq, kriiti ka Shiikeawe sengi liipan na ajong pinthum miraq.

2 Corinthians 3:3

Namshiq ka Jesuq Khristo raq awaiq lak, naishiq lümaq atiiho sitlan. Riita, ara lak arka laktai maq awaiq ka riimak. Shatmaq, atra Sitiwe Shiikeawe Asii Wenyi maq awaiq. Arka longdam thaq na awaiq ka riimak. Maiqse mongjii na awaiq.

2 Corinthians 3:7

Maiqse ma awaiq raüta akuq Thungtri ka longpen na waiq raüta kuqto. Kiimaq kra Thungtri kewan akhing ranaiq na, Shiikeawe ngao ka kai chhainyii liliimto. Mosheq theaphi kiimin kra ngao chhainyii raq pinthum chhairai wanto. Kra chhainyii raitaq kriika alose miituli chhaito. Li jiimin, Israilnok raq, Mosheq theaphi na tiqtiq ka liikham mak riito. Shiikeawe khushü ngao ngutlaq kriika, maiqse ma atsai kilü diketi Thungtri kewan akhing ranaiq na santla, kiitinkhan heng chhainyii liliim wantaq. Ikhiijiika, Asii Wenyi riishe jaqsham tlaq akhing ranaiq niika, Shiikeawe khushü ngao chhainyii liliim kriika nashiq nü maq achong lot mai she sitlo!

TRI CHONGKE 4:14

Tatiwe raq ngi ma thungtri thun ka tlotli namshiq ma shrinkuq laq nguta chongto. Kra thungtri ka namshiq raq ümchaü khat wan tlan, lanta hiq ka jiiwan tlan kiijaq sitlan akhing na lang wan chang nguta chongto.

TRI CHONGKE 5:22

“Arthun aming ara namshiq tarü ma pum na thunglan akhing Tatiwe raq namshiq ma kuqto. Ümtiikiiwa apaiq raq abomtsi ka tiiheng raüta walütu mong maq kiimaq phumda theahea mong maq ara bomtaq, apaiq raq arthun aming raütu arli kuqto kiimaq laihin aming ka kuqmak dea. Kra raütiishe apaiq raq arthun ka longpen anai na waiqto raüta kra ngi ma kuqto.

TRI CHONGKE 5:31

Shatmaq, Mosheq lei, ümniika, arjaq Ngi rai li si liishaq. Kiimaq Ngi raq ümniima Ngi thungtri raütu thun nai aming raütu thun ka wiita ümniima mikuq kang. Arthun ka mungmaiqse ma shrin kuqlaq. Krai mren Ngi raq tsangshiq ma hiqshong kuq tiikang kiijaq tsangshiq raq arthun aming ara lang raüta misilaq.’

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.