DUNGWVNC 24:12 - Hawa Naga Bible 2001

¹² Yehowa rueq Moshe muex ngoc, “Ngaz httax vtaungx kanx vyuq waung loq, miq htenc muex tvhonc tvtharc kuy tvkoc ngaz rueq lungdvmx vnueyc nuex tvrac htenc vwuiyq shec kuex mnoz muex kuq phaungx,” ngoz tueq jungx tueq.

ASII LAKDAP Bible (BSI)

¹² Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

DUNGWVNC 24:12 Referencias Cruzadas

1 HOKHVMX 19:11

Yehowa rueq piq muex ngoc, “Dung kaz vtueq kankhux htauk ngvy khaungkac nuex jvp kuiuz,” ngoz tueq jungx tueq. Kvruex yimaq Yehowa kuex lvy wvnc vtueq ghaqluimx htenc kuex tvkhoz tvbunx gay ruiux, lung rauk htenc tvbunx gay yaq raunghtiq raungguil kuex tvkaz tueq, yuq muinz Yehowa kuex raungguil nuex lomx yaq rvmuq. Raungguil thauk kay yix gaqyung mux tueq, yuq muinz Yehowa kuex gaqyung mux nuex lomx yaq rvmuq.

EJRA 7:10

Ezra rueq Yehowa Tvrac kuex tvluing kuq ruiux kvruex phvnx vtueq, Israel miqsaz htenc muex kvruex tvrac htenc nuiyc vphvnc juing jungphvnc kuy bomc htenc kuex tvluing kuy muex piq rullungx kuex lekuq tueq.

NEHEMIA 9:13

Mnoz kuex raungx mungtan maq Sinai Kanx nuex svt kaz ruiux; mmiqsaz htenc rulc mnoz rvbomc vtueq, tsuingshiq muex vhvlx tvrac htenc nuiyc vlvmx kuex tvluing kuq toq.

NEHEMIA 9:14

Mnoz rueq tsuingshiq muex mnoz Vguilc Raungnuiyq kuex vsawc ngoc tvkoc jungx kuq ruiux, mtvrac htenc kuex mnvrc waz Moshe maq raz tueq kuq toq.

Tvtsvmc 19:12

Miqmac vyaq vrax lvmx kuex uraq muinz khiz muq; Yehowa lex, vhttuiyq vpuiuc vruez mvrax kvwawc ngaz kuex tvdung wvnc koq!

DUNGWVNC 19:3

Moshe kuex Tishox rulc rvhumc tvkoc kanx nuex duiz wvnc tueq. Kankhux maq Yehowa rueq piq kuex gvl vtueq, Yaku suiuz vsaz Israel miqsaz htenc muex jungc kuy tvkoc jungx tueq kuex:

DUNGWVNC 24:15

Moshe kuex Sinai kanx nuex duiz waung koq tueq, phuemx rueq puingc wvnc tueq.

DUNGWVNC 24:18

Moshe kuex phuemx rueq puingc yaq kankhux kvyuq duiz waung tueq. Piq kuex kvruex yuq vnuiyq 40, vwvrx 40 httax tueq.

DUNGWVNC 24:2

Mnoz dvyx ngvy hep nuex woz loq, vganc jix htenc kuex ngvy hep nuex nauk m-waung ngueq. Mungx miqsaz htenc kuex kanx nuex duic waungc mvy muq,” ngoz tueq jungx tueq.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 32:1

Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 34:1

Yehowa rueq Moshe muex ngoc, “Vphaungc wawc lungdvmx nueyc ikhoc lungdvmx vnueyc kuex tvhungx shuiuz, mnoz rueq tvbunx gay toq vphaungc wawc lungdvmx nueyc nuex wuiyq tauk luik thuey htenc kuex lungdvmx nueyc vyuq ngaz rueq wuiyq shaungx.

JEREMIA 31:33

Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.

Matthew 5:19

Kvkhoc rvtueq, ukhaq yuq muinz vnvrc bomc htenc vwawc vruinx pinhtumc bomc poz kuex phvnx muq maq tvlvlc gay ruiux, miq vganc muex kuex kvkhoc phvnc tvkoc tvluing kuq ruiux kuex, raungx Mungtan nuex vruinx pinhtumc waz muex yaungx tuex. Yuq muinz Tvrac kuex phvnx tvhungx vtueq vganc jix muex muinz kvrulc rv-ngvlc shuimc tvkoc tvluingc laungc kuy jix waz kuex raungx Mungtan nuex vyungx muex yaungx tuex.

2 Corinthians 3:3

Kvruex luik kuex Christu vpiq rueq wuiyq vtueq nuiyshiq muex tvgurc kuq phuex kuex raungraung kvkhic yaq. Kvruex luik kuex luik tix maq vwuiyq rvmuq, vtvraungx httax yaq Tishox Siyac maq vwuiyq luik rvtueq, kvruex luik kuex lungdvmx htauk nuex vwuiyq muinz rvmuq, thuinz vmungx nuex vwuiyq kuq rvtueq.

2 Corinthians 3:7

Lungdvmx htauk nuex wuiyq shec tueq Tvrac kuex kuq tueq nuex Tishox ngauz vngax phelez dung tueq, kvruex ngauz vngax phelez yaq kuex Moshe htvlx phawc wawc jausuc suc maq thuik wvnc ruiux muinz, pinhtumc phelez ruq dvyx ningkhvnc nuex Israel miqsaz htenc rueq piq kuex tiq lawc lot muq. Vthueyc vmvy tvyaungc yaq Tvrac muex kvkhoc ngauz vngax kuq shec tueq ngoz ruiux kuex,

TRI CHONGKE 4:14

Nuimshiq kaz vtueq lvp wvnc shuinx mungtan maq nuimshiq rueq phvnc juing tvrac kuex ngaz rueq nuimshiq muex tvluingc jungphvnc kuy tvkoc Yehowa rueq ngaz muex jungx phuex.

TRI CHONGKE 5:22

“Yehowa rueq kanx hep nuex rvtuimx kaz tuit nuimshiq htenc muex tvrac htenc vruex kuq kv-phuinx. Yehowa rueq wvr nuiyc nyauk hvlc phuemx daungx mungx maq thuic bomc yunghvlc maq tvrac htenc vruex jungx kuq kv-phuinx, laukshiz hulawx jungx yek muq shex. Kvruex yimaq vpiq rueq tvrac htenc kuex lungdvmx vnueyc nuex wuiyq vtueq ngaz muex kuq phuex.

TRI CHONGKE 5:31

Yuq muinz mnoz kuex ngaz rulc lawx httax kuiuz, ngaz rueq kuq phaungx mungtan kvmaq nuimshiq rueq phvnc tvkoc ngvy tvrac htenc nuiyc ngaz rueq nvr phaungx htenc kuex tsuingshiq muex tvluing jungx kuq shuiuz,’ ngoz tueq jungx phuex.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.