DUNGWVNC 23:6 - ASII LAKDAP Bible (BSI)

⁶ “Miitsan maiqse rung na chaptlaq akhing na, akha ka riikhaqli phokuqlaq. Naq tiishaüjikiq.

Hawa Naga Bible 2001

⁶ “Htemc saz waz kuex rungx nuex khac phoc rvhumc ruiux yuq, tvrac vlvmz kuex nauk khawx gay kaz.

DUNGWVNC 23:6 Referencias Cruzadas

2 KAÜWA WERAÜ 19:7

Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”

YOBA 31:13

Ümtiikiiwa ijaqshi setiim phong wa ashi ra raq iman na tiibottaq raüla, ngi raq apaiq mra kra aheawiq maq tai lata mren chhaq maq liikuq tiikang.

TAKSU LAK 18:5

Ajiqwe ka alam ma tiija, alamwe ka ajiq ma tiija, kriika ashut khapho daja.

TAKSU LAK 22:22

Rung na chaptlaü akhing na, ümtang haü ngo maq, miitsan maiqse ka nanshanshan naq riikiq. Tsangshiq ka ümkoq ümphaq, kra chhilaüta naqnan shankiq.

TAKSU LAK 31:5

Tsangshiq raq che nyang raüla, thung tri sham alaq riibaiqtlo, raüta se ano rongraa tlaqti ma, liikuq mak riitlo.

THARC TVLUINGC 5:8

Atsujaq jaqshamti ajong alabi raq miitsan miijanti ka nanshan rea chhihaü jiila, naq wang thang kiq. Kiimaq tsangshiq raq lap chang ka kuq mak chhi haüla, naq wangkiq. Siihiip weshi ka apaiq ma ajongwe raq tiiwong kuqtlo. Kiimaq tsangnai wiita ka tuwe jongbi raq tiiwong kuqtlo.

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

JEREMIA 5:28

Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.

JEREMIA 6:28

Tsangshiq ka wiita kunli nilan kong wanshakshak ikiqkhiiti siisaq. Miiki ngam ikha siisaq. Tsangshiq tsantsii ka jinbu ikha tsindang dang siisaq. Tsangshiq tarü ka anam akam kong siisaq. Ashut kiimungti tonglong. Barap binrii na khumshkhum maq shapshaü miqshii tiikonti siisaq.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

LEWI 19:15

“Namshiq raq ümtiikiiwa khü akha phokuq tlan, tingting kiimaq teng teng maq pho ronglaq. Miitsan maiqse rai lop dam min maimak kiimaq chiithe maiqse miimin haisong raamak.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

TRI CHONGKE 27:19

“‘Jurwa pong mungti wan shawetiim, jechisetiim, kiimaq manti-nyungre raq alap chang wa kuq mak haihiitlaq, kriiti ma Shiikeawe manson minilaq.’ “Kiimaq mung maiqse kunli raq mitre ‘Amen!’

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.