DUNGWVNC 22:27 - ASII LAKDAP Bible (BSI)

²⁷ Jamkhano ngukla rawa na samchang khea ka apaiq jaq na kriili. Kra ahü miika rawa na jamlai wa misam? Apaiq ka jamlai sam raüto mikon. Ümtiikiiwa apaiq ka ijaq wa khrum jaü mihoq, raüla Ngi raq apaiq achu jaü ka mitreha. Jamkhano ngukla Ngi ka mangchan hea we.

Hawa Naga Bible 2001

²⁷ yvmx khoc lac ngoz ruiux lec piq rueq svmc juing vruex vshiz lauk lauk dvyx wuez rvtvnx, kvkhoc ngoz ruiux piq kuex yvmx khoc lac kvtsoalx lot tvnx? Kvkaq ngaz rueq romc kuy tvkoc piq rueq thoz ruiux yuq, ngaz rueq piq muex tay kuq shaungx, yvmx khoc lac ngoz ruiux lec ngaz kuex menjenc thuinz vhttax waz rvtauk.

DUNGWVNC 22:27 Referencias Cruzadas

2 SAMUEL 16:5

Hokhamwe Dawit ka Bahurim chela niishe saühoto. Kiijiishe Saul tahii phan wa maiq weshi Gera se, Shimei ka apaiq phana riihumkai kito. Raüta apaiq ka Dawit rai riihumri li she, manson kiqsü she riiqkhiq maq sonsiq wanto.

1 HOKHVMX 2:8

“Riita arthaq niimin Gera se Shimei, Benjamin wang na Bahurim chela na sitiwe ka asi. Apaiq raq ngi ka Mahanaim chela na wawan kang akhing na riiqkhiq maq phaq raüta ratum hiqta sonto. Shatmaq kra jaimaq ngi raq apaiq ka Jordan rai kii na riihum lata ngi raq apaiq ka tiitsatbaiq mang nguta Tatiwe mang na ikiq khamkuq kang.

1 HOKHVMX 2:9

Shatmaq ümniiraq apaiq ka mo tiihomaü maq naq tiihangkiq. Apaiq ka jamkhii riichang wa kriika ümniiraq asap haü. Krai mren ümniiraq apaiq ka naq tiihangkiq maq tseabaiq ratlo.”

2 KAÜWA WERAÜ 30:9

Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”

Tvtsvmc 34:6

Ümkoq ümphaqti raq apaiq mang chongtlo, kiimaq apaiq raq tsangshiq bom tretlo; apaiq raq tsangshiq ka chamchao litkot wiita wa tiichhii kuqtlo.

Tvtsvmc 72:12

Apaiq raq miitsan maiqse awokhong na wati kra khup wongkuqtlo, kiimaq litkot chamchaoti kiimaq amang aleti thun kra tiichhiikuqtlo.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

DUNGWVNC 22:23

Ümniiraq haihü haüla, Ngi, Tatiwe raq tsangshiq raq khrum jaü hoqtlaq kra mitreha.

DUNGWVNC 34:6

Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

THARC TVLUINGC 10:20

Hokhamwe ka naqsai rankiq, maiq raq taimak atsise maq jiimin, Kiimaq chiithe maiqse ka naqsai rankiq, ümtap mong maq jiimin, jursap wushi raq abi lam maq motai miraq, raüta tsangshiq ma mochong rea miraq.

ISAIA 19:20

Kriithun ka Ajong Pinthum Tatiwe ka Ejip mung na sitlo nguta sap chang miithiishong miraq. Krai mren kiijaq siti mungmaiqse ma litkot chamchao asaü ranaiq na, tsangshiq raq Tatiwe ni pha raüta achu jaü raüla, apaiq raq maiq ashi ra tsangshiq tiichhiiketi mitiiki.

TRI CHONGKE 24:10

“Ümtiikiiwa ümniiraq maiq weshi ra ma hupsam phanshi ra tiinam kuqtlaü, apaiq raq kongphiq khathü la na apaiq khea kuqtlaq kra jaükai nguta ümniika apaiq jam na tap mong na naq wa kiq.