DUNGWVNC 22:14 - ASII LAKDAP Bible (BSI)

¹⁴ “Kiimaq maiq weshi ra raq, nanok maiq weshi ra jaq wa, jam nyamse ka anam arki rümtlaq, kriiwa nyamse ka atiibuktiiq raüta asho riiki raüla, riimakla atatiwe ka tamiishon atsai riiki raüla, anamtiwe raq athamke ratlo.

Hawa Naga Bible 2001

¹⁴ “Miq washiz rueq vganc miq washiz kox wawc nyvmx saz kuiux shiz shap vtueq, vtaungjix rueq khiz muq nuex vmac vtsac rvkaz tueq, rvmuq ngoz ruiux vthueyc rvkaz tueq ngoz ruiux kuex vshap jix waz rueq htuimc kuy rax.

DUNGWVNC 22:14 Referencias Cruzadas

NEHEMIA 5:4

Kiimaq, maiq wiijamti riika, “Naishiq ha hokhamwe ma wak phunta, kiimaq spiqro phunta thun kewan chang kampho ahü kha maq, kampho nam laita, maiqtijong howan kai. Laita kra kampho maq phunta kuq wan kai.

Tvtsvmc 37:21

Abiwe raq kampho namtlo shatmaq ümtiikiimin thamkuq mak she, shatmaq kechu maiqse riika jaq achii maq phongtsoktsok kongphiq kuqtlo.

DUNGWVNC 21:34

apaiq raq kra nyamse dea wantaq kriika athamke chang. Apaiq raq kra tham ka atatiwe ma kechang. Raüta ngam maa kriika apaiq rii she miraq.

DUNGWVNC 22:11

Kra kha nyantlaq we ka noqku jam na wa ratlo. Raüta kiijaq arewe nyamse ka apaiq raq huk-ho mak dea nguta atiitum ratlo. Kiimaq kra nyamse ka huk-ho mak dea jiika, kra mokitaq kriika atatiwe sumli she miraq. Krai mren arewe raq apaiq ma athamke ka raamak.

DUNGWVNC 22:13

Kiimaq kra nyamse ka asea riila kaq raüla, nyamse riimtiwe raq achho kra lam wan raüta saqse tiichhike ratlo. Kra ngu raüla, asea raq kaqtaq kha na, apaiq raq athamke ka raamak.

DUNGWVNC 22:15

Shatmaq kra bikitlaq akhing na atatiwe ka asi raüla, anamkaitiwe riika athamke raamak. Kra nyamse ka ningchang na anamki jiila, jaq kra sumtaq kra tham ka jaqsham maq laptlaq kli she miraq.

LEWI 24:18

Kiimaq jurwa maiq hupsam nyamse ka tiitsailaq tsat baiqtlaq, kriiwe raq kra nyamse ka asongke ratlo. Tri ka tsitsü ka tsitsü maq songke chang.

Matthew 5:42

Kiimaq ashi ra raq namjaq wa phanshi ra jaü kiiphan la, kuq ronglaq. Kiimaq ashi ra raq namjaq wa phanshi ra nam haü jiila kra tiinam kuq wan ronglaq.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

TRI CHONGKE 15:2

Arka akha klowan ratlo. Maiq loweatek raq maiqmii Jehudinok ma kampho tiinam kuqtaqti tarü raq kra thiitham raüpot akha thü kra adiibaiq ratlo. Apaiq raq thiitham kampho ka jaükai maimak she. Tatiwe apaiq raq kra kha ka thumto she nguta atoqtan kun she.