DUNGWVNC 21:2 - ASII LAKDAP Bible (BSI)

² Ümniiraq Hibru phan wa di la ri haüla, apaiq raq ümniima wiitrok jaq mishamkuq. Wiimiishi saüto angu na apaiq ka ümwokhong wa dokdahü miilishe apaiq ka wase she miraq. Raüta apaiq ka miwawan.

Hawa Naga Bible 2001

² mnoz rueq Hebre miq washiz kuex dax muex ruiyx ruiux yuq, mnoz tvkoc wawc tvruk dax muex yaungc rax. Wawc mvshix httuiuc ruiux yuq piq kuex vhtawz vrawz kuy guez maq tvkay gay rax.

DUNGWVNC 21:2 Referencias Cruzadas

RAPHA HIQWA LAK 27:28

Shiikeawe raq ümniima ramungtan wa bang ka mitrok kuqlaq. Raüta ümwak ram thun ka hiqpo hiq win mitiija laq! Raüta bunwong nai spiqtai ka chamtraq mirlaq!

RAPHA HIQWA LAK 27:36

Esau raq nguto, “Apaiq raq ngi ka ümchaü lak ariiraq jangnai she laotlo. Apaiq mang ka Jakob ngutlaq kra tiidada ahata. Apaiq raq ngi rii chhikhuwe arang ka lamhoto. Kiimaq ümchaü hali apaiq raq ngi rii achu shiiman kra lamhoto. Riita ümniiraq ngi rii achu shiiman ka tiichong maü dongdii she shea?”

2 HOKHVMX 4:1

Shammibi phong wa weshi tsaikito. Tsangnyung manti-nyung ka Elisha phana wato. Raüta akha nguto, “Shiilangwe lei, ijamtiwe ka tsaikito! Ümniiriimin asaphaü apaiq ka Shiikeawe ma haisong tsantsii thütiwe. Shatmaq ümchaü ka maiq weshi ijamtiwe raq apaiq ma thiitham kechang kampho anam asi kriiwe ka ngi phana wato. Raüta apaiq raq isenai maiqwese nai ka ijamtiwe thiitham kha na di ma tiija ma sheawa wato.”

NEHEMIA 5:8

Latiishe, welabi ma, “Naishiq welabi raq Jehudinok phunai notiim, tsangshiq thüm alit tsi ma, maiq ümchu riiwa maiqmii khum ka pongmung maiqsetiim jaqkhon na, di ma tiisha wantaq, kriiti ka, naishiq raq atangtang dokda wan kai. Ümchaü namshiq riishea, maiqmii Jehudinok phan riilantiitiq, namphu namnotiim, Jehudinok kra namdisetiim ma tiija lanta rüm wan tlan!” nguta tsangshiq ka son kang. Kiimaq tsangshiq phukhu welabi ka poshi min bommak kaiqshak li riito.

DUNGWVNC 12:44

Shatmaq namshiq raq ari arhan dise ka atho hanjeti raq phaqsea dam ka mimai.

DUNGWVNC 21:3

Apaiq ka ümdise ma jawantaq akhing na achak lamhü jiila, apaiq ka wase ma donghotlaq akhing na apaiq raq achak ka apaiq rai shea wan lot mak miraq. Shatmaq ümtiikiiwa apaiq ka ümdise ma jawantaq akhing na achak asi riitaq jiika, apaiq raq achak ka apaiq rai shea wan dam mimai.

DUNGWVNC 21:7

“Kiimaq maiq weshi ra raq ase jechakse ka maiq ma di miila shabaiq raüla, kriinyung ka maiqwe dise tiidongbaiqtlaq kiikha wase ma tiidong baiq ka raamak she.

LEWI 25:54

Kiimaq apaiq ka arthun chongkai tri lamlu thun armaq tiida wan lot mak she riiki raüla, apaiq nai asetiim thun ka jai na thongshi Atiijang Wan Rawii akhing saü wan tlaq kra lak niishe wase ma tiidong baiq raa dongdii she.

Matthew 18:25

Kra ajong we jaq na hokham we ma thiitham kechang kampho ka ahü riito. Kriikha maq, hokham we raq, khahoti we ka thiitham kha na, achak ase wiijam tam, awak ajam wiita hutjok di ma shabaiq ra tlo ngutiishe aming kuqto.

1 Corinthians 6:20

Apaiq raq namshiq khum ka athii tsinhea maq riwanto. Krai mren, namshiq khum ka Shiikeawe khushü tiijong miituli she lang rong laq.

TRI CHONGKE 15:1

Mosheq raq Jehudinok ma nguto, “Rawii wiimiishi she thumto angutek na ümjaq wa kampho namtibi thiitham thun raüpot akha thü haü thun kra wiita adü she riibaiqlaq.

TRI CHONGKE 15:18

Ümniiraq ümtiikiiwa ümdise ka ümwokhong wa tiiwa baiq tlaü, kra akhing na apaiq ma ümtsan tiikhiq raa mak. Jamkhano ngukla apaiq raq wiitrok ümniima ranaiqshi ningchang maq wa khoko jaq maq ümjaq ka shamkuqto. Ümniiraq akha klo haüla, Tatiwe üm Shiikeawe raq ümniiraq ümchuwa minshiiq tlaü kiijaq achu shiiman mikuq.

TRI CHONGKE 31:10

Apaiq raq tsangshiq ma akha aming kuqto, “Rawii miishi thum jai na, ümtiikiiwa thiitham raüpot thun ka diibaiq wan apaitum rawii, ara thungtri lakdap ara, Jolitiip Jap Poi na nokwe raq taili chang tiihong laüta phat laq.