DUNGWVNC 2:10 - ASII LAKDAP Bible (BSI)

¹⁰ Kra jai miishe nonose ka jong wan raüta, alashe na, kriinyung raq no ka hokham nyung se ma kuq kito kiimaq apaiq raq no ka ase ma dunghiqto. Kriinyung raq nguto, “Ngi raq apaiq ka khamchum mong wa dowan kang. Kriikha maq apaiq ka Mosheq nguta mang tiikang.”

Hawa Naga Bible 2001

¹⁰ Yix maq nox kvruex yez kuy mvy yaq tanc shex pez wvnc koq tueq, vnyuiuz rueq nox kvruex hokhvmx saz muex lekuq tueq. Piq rueq nox kvruex vsaz muex tvyaungc vtueq Moshe ngoz tueq muingc tueq, kvruex kuex, “Ngaz rueq nox kuex yuix wawc tvdung lvp tauk,” ngoc rvtueq.

DUNGWVNC 2:10 Referencias Cruzadas

RAPHA HIQWA LAK 16:11

Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she.

RAPHA HIQWA LAK 4:25

Atam nai tsang-nyung raq ase weshi hali humto. Krii-nyung raq nguto, “Shiikeawe raq ngi ma maiqwese ashi kuqto, Kain raq tsattaq Abel pumsong ma,” Kra ningkhan anyung raq apaiq ka Seth nguta mangto.

RAPHA HIQWA LAK 48:5

Kiimaq Jakob raq triilü wantlii akha nguto, “Joseph lei, ümse nai wenai, ngi ka ara Ejip mung na mikiha shaq na ahum haü ka ngi rii. Ephraim nai Manase ka ise nai Reuben nai Simeon kiikha ise nai sii.

2 SAMUEL 22:17

Tatiwe ka, ramungtan wa satkito. Raüta ngi ka ajaq maq kamhoto; raüta ngi ka makse raq khon mak, khamchum tsaühea mong wa, ra na dopot riito.

DUNGWVNC 2:9

Kiijiishe hokham junriise raq jechak nyung kiima nguto, “Ara nonose ara boq wan laq. Laüta ngi miitu tiijong boqkuq laq. Ngi raq ümniima jaq maq mikuq kang.” Krai mren apaiq raq noshii ka boq wanto. Raüta tiichhan chhito.

Matthew 1:21

Apaiq raq ase ka maiqwe se michii. Kiimaq ümniiraq no ka Jesuq nguta mimang haü. Apaiq raq anok abin wiita tsangshiq ngarai mong wa michhii kuq wan.”

Galatians 4:5

Apaiq ka Thungtri kharü mong na siti, maiqse angu thun kra da kai nguta kito. Apaiq raq, nashiq daa wan taq krai mren, ümchaü sanha, nashiq ka Shiikeawe setiim miishe jawan kai.

Hebrews 11:24

Kiimahali, kamtsantsii maq, Mosheq raq apaiq ka norii we she jonglu tlaq akhing na, apaiq ka hokham we se, jechakse kra nyungse ka riimak nguta akhii riiwanto.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.

1 SAMUEL 1:20

Krai mren, apaiq ka wiihan she riito. Kiimaq ase maiqwe se chiito. Apaiq raq ase ka Samuel nguta mangto. Kra liichum ka, “Ngi raq apaiq ka Tatiwe jaq wa ajaüha.”