DUNGWVNC 17:13 - ASII LAKDAP Bible (BSI)

¹³ Akha klo raüta Joshua raq Amalakaiqnok ka tiisiirai khatto.

Hawa Naga Bible 2001

¹³ Kvkhoc ningkhvnc nuex Yoshua rueq Amalek miqsaz taungx gay tueq.

DUNGWVNC 17:13 Referencias Cruzadas

DUNGWVNC 17:12

Ümtiikiiwa Mosheq jaq phum ka athea she riiwantaq, Aron nai Hur raq apaiq tiinga miitu longkaü ashi dokuq wato. Raüta tsangnai ka apaiq ma siimko naita na chap raüta, ajaq phum wiinai ka ra na doshat tiime mak maq, rashe tiinyapli kamshat thüda kuqto.

DUNGWVNC 17:14

Kiijiishe Tatiwe raq Mosheq ma nguto, “Ara re riikhat tang lan manphan raüpot ka ahea wiq waiq thülaq. Krai mren arka tsan na tiitsangshat mithülaq. Joshua ma chonglaq Ngi raq Amalakaiqnok ka miqchup mitiithen baiqha.”

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

JOSHUA 10:28

Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.

JOSHUA 10:32

Tatiwe raq Israilnok ma ranaiq nai riikhat jai niishe, Lakhish chela ka tiitang kuqto. Tsangshiq raq Libna chelati tiimiqchup thumthum jiipbaiqtaq kiikhiisii hali, Lakhish chelati kiimin maiq ashi min tiichong mak thumthum jiipbaiqto.

JOSHUA 10:37

Raüta chela ka jiito. Tsangshiq raq hokhamwe ka tsatto, kiimaq chela wa maiqse angu ka tiimiqchup tsatbaiqto. Kiimaq kra chela maq ajeje na siti chela thun kriimin wiita khatto. Raüta maiqse angu ka tiimiqchup jiipbaiqto. Joshua raq Hebron chela kiimin Eglon chela kiikhiisii, tiimiqchup jiipbaiqto. Maiq ka weshi min atra tiichong mak jiipbaiqto.

JOSHUA 10:42

Joshua raq arthun hokhambi ka klang maq lakshi wa niili khat raüta tangto, raüta tsangshiq chela thun nai tsang mung thun ka jiiwanto. Jamkhano ngukla Tatiwe, Israilnok Shiikeawe raq tsangshiq miitu re ka khat kuqto.

JOSHUA 11:12

Tatiwe jaqshise Mosheq raq aming kuq thütaq kra phanphan, Joshua raq ara chela thun ka khat raüta jiiwanto. Kiimaq kiiwa hokhambi nai tsang sengi ka tiimiqchup jiipbaiqto.