DUNGWVNC 16:31 - ASII LAKDAP Bible (BSI)

³¹ Israilnok raq kra aphaq sea chang dung ka manna nguta ngutlo. Kriika petsi aranse phan among wa arai ka lüdiidii sitlaq ikha riito. Kiimaq aphaq ma sum ka ngiq ngu rai ashot biskut sum ikha riito.

Hawa Naga Bible 2001

³¹ Israel miqsaz rueq kvruex phuiuz vsvy kv-ngoc manna wanx ngoz tueq muingc tueq. Wanx kvruex kuex pvnchic lix ikhoc raz tueq vluiz rvtueq, nyaq ngurx maq vtvhungx wanx ikhoc sumx yaq.

DUNGWVNC 16:31 Referencias Cruzadas

DUNGWVNC 16:14

Kiimaq ümtiikiiwa bang kham ka rashe kii riishe süwan kiita, kumtsaiphii ram na piriirii setiim kiimaq phintsiip tsiip setiim ka kumtsaiphii hiq na tiiphong raq raq she chhito. Kriika nintata nyiiriitsi setiim ikha.

DUNGWVNC 16:15

Israilnok raq kra chhi raüta, tsangshiq raq kriika jamlai wa sapmak riito. Kiimaq tsangshiq liipan na, “Arka jamlai wiinya?” nguta riiwaito. Kiimaq Mosheq raq tsangshiq ma chongkuqto, “Ahata Tatiwe raq namshiq ma akuq aphaq sea chang dung.

DUNGWVNC 16:30

Krai mren mungmaiqse raq ramiishi ranaiq na jamlai phan jaq min sham mak haito.

DUNGWVNC 16:32

Mosheq raq nguto, “Tatiwe raq nashiq ma aming kuqto, rawiichii pat na nasetiim ma tiichhike miitu manna wiijam ka aheawiq saiqsam ronglaq nguta aming tatto. Krai mren tsangshiq raq nashiq ka Tatiwe raq Ejip mung wa tsuq wantaq akhing na kumtsaiphii rumnyangkhi mung maq jamlai wa phaqsiq wan kai kra dung ka tsangshiq riimin michhi.”

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

TRI CHONGKE 8:16

Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.

TRI CHONGKE 8:3

Apaiq raq namshiq ka songtsi ramtsi tiichamchaoto. Raütiishe apaiq raq namshiq ka manna maq dung wanto. Kra dung ka namtitiim pat na nai namshiq riimin man na phaqsiq wan man riilan. Apaiq raq namshiq ma manna maq dung wantaq arka, maiqse ka atra si miitu dung lam lamse phaqsi raütli sichang riimak, shatmaq Tatiwe raq phanrap bomtsi chongtlaq kra phaqsiq raüta sichang nguta shrinke miitu riito.