DUNGWVNC 13:21 - ASII LAKDAP Bible (BSI)

²¹ Ranaiq bala niika Tatiwe ka phum kham kaü ma ja raüta tsangshiq khaki na lamshea wawantlo. Raüta tsangshiq ma lam ka tiichhi kuq raüta, shea wantlo, kiimaq rawa niika walütu khamchong ma ja raüta, tsangshiq ma sinkhu na wawan tlo raüta tsangshiq ma wa tiinii kuq wan raüta shea wantlo. Krai mren tsangshiq ka ranaiq rawa wawan ruqli laü wanto.

Hawa Naga Bible 2001

²¹ Yehowa rueq raungnuiyq nuex tsuingshiq muex lvmx shvlc kuy tvkoc phuemx tul nuiyc raungwvrx nuex vwuic tvlez kuy tvkoc wvr tul maq, raungnuiyq raungwvrx tsuingshiq muex lvmx shvlx kuq tueq.

DUNGWVNC 13:21 Referencias Cruzadas

NEHEMIA 9:12

Tsangshiq ka ranaiq na phumkham maq, shun shea wan laü. Kiimaq rawa na tsangshiq ka, waniitu maq shea wan laü.

NEHEMIA 9:19

Shatmaq ümniiraq tsangshiq ka, rumnyangkhi kumtsaiphii na, miimbaiq thü maü dea. Jamkhano ngukla, tsangshiq miitu ümniiraq, tiihang wan mangchan ka, jonghea thü wan tlaü. Tsangshiq ma ranaiq na lam sheaketi phumkham, kiimaq rawa na sheaketi wakham ka, lambaiq maü riilaü.

Tvtsvmc 105:39

Shiikeawe raq asengi ka phumda maq pangto kiimaq rawa na waniitu tiinü raüta walüli maq sheawanto.

Tvtsvmc 68:7

O Shiikeawe lei, ümtiikiiwa ümsenginok shea wan laü, ümniiraq kumtsaiphii mung maq shea laüta laü wan laü akhing na;

Tvtsvmc 77:20

Ümniiraq ümsenginok ka sku rümti raq shunshea tlaq ikha shea wan laü, Mosheq nai Aron wokhong maq shea wan laü.

Tvtsvmc 78:14

Apaiq raq tsangshiq ka ranaiq na phumda khamchong maq shunshea wanto kiimaq rawa minru walütu kaü maq shea wanto.

Tvtsvmc 99:7

Apaiq raq tsangshiq ma phumda toqpum kham maq bomto; tsangshiq raq apaiq tri raütu nai apaiq aming thun ka langto.

DUNGWVNC 10:10

Kiijiishe hokhamwe raq nguto, “Ngi raq Tatiwe mang chong lata tiitum tiikang, ngi raq namshiq ma jechakre nai nosere thun ka ümtiikiimin tiisheaho mang! Arka ra na tiiwe raü she ahata. Namshiq ka iwokhong wa adongho she dan tlan. Lanta pongwela shongho she dan tlan.

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 32:1

Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

ASHICHONG 3:6

Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

WEAWEA 10:34

Tsangshiq ka piitiip ashi maq riita piitiip ashi na laü wantlaq na, Tatiwe phumda kaü ka ranaiq na tsangshiq khuthaq na sitlo.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

TRI CHONGKE 1:33

Apaiq riika wranaiqshe namshiq ma sinkhu na wawan lili raüta, namshiq ma lamjap piitiip tei wan chang hiq ba ka tiihong kuq wan lili riito. Namshiq ma lamshea wan, apaiq ka namshiq ma sinkhu na, rawa niika waniitu ma ja raüta wawantlo, kiimaq ranaiq niika phumda kham ma ja raüta wawan lili riitlo.

TRI CHONGKE 31:8

Tatiwe apaiq raq ümniika mishea wan. Kiimaq apaiq ka ümniirai miraq. Apaiq raq ümniika tiishaü mak miraq. Kiimaq miim baiq mak miraq. Kra ningkhan ümtsaiji naq trankiq. Kiimaq naqhaikiq.”