DUNGWVNC 12:8 - ASII LAKDAP Bible (BSI)

⁸ Raüta kra rawa ngam ka wa na shechang, raüta rum wa sangjaq akhap wiq phan nai pi maq shohü winsii alum krai phaq chang.

Hawa Naga Bible 2001

⁸ Kvruex raungyac ngvmx kuex wvr nuex shuz vtueq wisiz lomx muq wansawx nuiyc namx yauk vkhuip rulc raz tueq mphauk shueq.

DUNGWVNC 12:8 Referencias Cruzadas

2 KAÜWA WERAÜ 35:13

Lewinok raq Tiichhii Wan Poi miitu honglu ataa ngam thun kra thung tri na chongtlaq kra phan phan wa na tiija shutto, kiimaq asii honglu ngam rea thun ka hamliitak thun na, tak jong mokhii kaütiim na, kiimaq pinchiim tak thun na lumto. Raüta ngam ka jaqlo thitthit mungmaiqse ma pheakuqto.

Tvtsvmc 22:14

Iningkun ka ahüshe, hiq na kham araübaiq ikha wiikito. Irok irii thun ka asiilii siisaq she; itsan ka simi kii ikha jokito.

DUNGWVNC 12:9

Kra ngam ka asang maq nai kham maq lum lantiika naq phaq rongkiq. Shatmaq wiipumtam, akhupo, kiimaq ahok pe thun, kiimaq atsan among thun kiimin nong nong chumhü miili wa na shu lanta phaq ronglaq.

DUNGWVNC 13:3

Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.

DUNGWVNC 13:7

Ra miishi na saüli namshiq raq winsii ka pi maq shoje ka nü na thü maimak. Nam mung na pida ngutiika apun min thü raamak. Riimakla pi maq shoje winsii ka apun min thü maimak.

DUNGWVNC 23:18

“Ümniiraq Ngi ma nyamse honglu takuq tlaü na winsii ka pi maq shoje wa honglu na kewan raamak. Ara poi atsam akhing na nyamse honglu na ataakuq kiiwa ngampü ka anap ranap na saüli thü raamak.

DUNGWVNC 34:25

“Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 16:12

Kra tiitsang chongkuq kiita shetiq, ajaqshisetiim raq apaiq raq tsangshiq ma pithob maq shiiton chongtaq kriika Phorisinok nai Sadusinok traho bom chong kra nangnga ngutlo ngutiishe takto. Apaiq raq tsangshiq ka winsii sho chang pithob kriima honkam bom ka riimak nguta sapto.

Matthew 26:26

Tsangshiq ka phaqsea rea na, Jesuq raq winsii phushi ajaq na tsunto. Raüta kechutum achu jaüto. Raüta kra tiiphanto. Kiimaq kra ajaqshisetiim ma kuqto, “Ara jaü ronglaq, lanta phaq ronglaq,” nguta apaiq raq nguto. “Arka i ngamphu.”

Galatians 5:9

Maiq bom tiihap hong akha asi jo. “Tsam wankhüshi kra sho miika, pi ka dashi se kli mihong rai,” nguta chong tlo.

TRI CHONGKE 16:7

Ngam ka kham maq lum laq. Laüta Tatiwe shomnoq chang hiq ba kiijaq phaq laq, kiimaq anap ranap niishe ka ümjam niishe jang wanlaq.

1 Thessalonians 1:6

Namshiq ka naishiq pumsongti. Namshiq ka Shiikeawe puk na nyap wan lan kha maq, pinthum rojaq chamchao min, riihum wan lan. Shatmaq, Asii Wenyi raq achongkuq, asii bomtsi tsütsa ka chojong chise maq lang wan lan.