DUNGWVNC 12:6 - ASII LAKDAP Bible (BSI)

⁶ Kra raütiishe kra jipi wa jikham rablai ngo raji niishe, Israilnok mungmaiqse tlotli raq kra nyamse ka tachang.

Hawa Naga Bible 2001

⁶ Kvruex yimaq raungx rokshiz rac raungx bvlic raungyac nuex Israel miqsaz lotlaz rueq kvruex nyvmx saz htenc kuex thvy wuez rax.

DUNGWVNC 12:6 Referencias Cruzadas

2 KAÜWA WERAÜ 35:1

Hokhamwe Josia raq Tatiwe shreng raüta Tiichhiiwan Poi ka Jerusalem maq kloto. Rawii pha wan jipilü na raroqshi ri rablai ranaiq na poi miitu nyamse thun ka tato.

EJRA 6:19

Munglu wansha asiwati, jang wantaq kriiraq, rawii wiishe siwan jai miishe, kra rawii apha wan jipi lü na, jikham raroqshi ri rablai ranaiq na Tiichhiiwan Poi kloto.

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 12:17

Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.

DUNGWVNC 12:18

Rawii phawan jipi lüwa raroqshi ri rablai raji maq pha wan lanta, raroqnai ri ranaiq shi raji na saüli, namshiq raq pi ma shoje winsii ka akhiismin nü na thü maimak.

DUNGWVNC 12:47

Israilnok phan kunli raq ara poi ara lang ratlo.

DUNGWVNC 16:1

Israilnok mung tlotli ka Elim hiq maq tiido wanto. Raüta tsangshiq ka Ejip mung maq laü wan li maq jipi lünai she angu na kra lü wa ra roqshi ri rabiingi ranaiq niishe tsangshiq ka Sin kumtsaiphii binjü niishe saühoto. Kra wang ka Elim hiq nai Simai hiq liipan na riito.

DUNGWVNC 16:12

“Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 19:1

Israilnok ka Rephidim wang wa tiido wanto. Raüta tsangshiq ka Ejip mung wa laü wan li maq jipi lütsam she angu na jiha ranaiqshi ranaiq na tsangshiq ka Sinai kumtsaiphii wang niishe saüto. Raüta kiijaq Sinai Pumji na tsangshiq piitiip ka teito.

DUNGWVNC 29:39

Skuse ashi ka ranap na takuqlaq. Kiimaq ashiti ka raji na takuqlaq.

DUNGWVNC 29:41

Kiimaq skuse anai ngojati ka raji na takuqlaq. Kriirai min ranap na honglu kuqlaü kiikhiisii hali bunwong win, olip tai, kiimaq spiqtai kiimin honglu na kuqlaq. Arka, Ngi, Tatiwe ma phaqsea honglu. Kiimaq ara khiimtsang ka Ngi ma tsan tiiheali.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

EJEKIEL 45:21

“Rawii phawan jipi lüwa jikham raroqshi ri rablai angu ranaiq, namshiq raq Tiichhiiwan Poi kra milang phaho han. Ramiishi na saüli maiq loweatek raq winsii ka pi maq shohü maq lum lanta miphaq han.

LEWI 23:5

Tiichhiiwan Poi ka Tatiwe shreng miitu langtlo. Arka apha wan jipi lü wa raroqshi ri rablai ranaiq na rashe nyap wan na klo phahotlo.

WEAWEA 28:16

Tatiwe shreng Tiichhiiwan Poi ka rawii phawan jipi lü na raroqshi ri rablai angu ranaiq na klo chang.

WEAWEA 28:18

Poi phaho ranaiq na namshiq ka noqku miitu adam riitam chang. Kiimaq laihin jaq naq sham rongkiq.

WEAWEA 9:11

namshiq raq kra poi ka jipi lünai she angu na raroqshi ri rablai raji ranaiq niika riimak, shatmaq jipi lüshi jai na kra poi ka klo wan mimai. Poi ka pi maq shohü winsii nai akhapwiq phan sangphii phaq lanta lang ronglaq.

Matthew 27:20

Kra liipan bala, ramwe jongbi nai welabi raq mungmaiqse ma Pilat jaq wa Barabas ka tiidongke ra. Kiimaq Jesuq ka atsea riibaiq ra, nguta jaü ronglaq nguta, raikao ka atat wishe riito.

Matthew 27:25

Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Mark 15:11

Shatmaq, ramwe jongbi raq, mungmaiqse ma, Jesuq la na Barabas kra tiidongke raa, nguta jaü ronglaq nguta, mungmaiqse ma raikao ka atatke kun she riito.

Mark 15:25

Tsangshiq raq apaiq pumsongkham na tübaiq wantaq akhing ka ranap nari tiikaü riito.

Mark 15:8

Kiitiikaq mungmaiqse ka Pilat jamkea na thung raüta, apaiq raq mungmaiqse ma rahin jaq akhing na, jamkho shumwi kong phong kriiwa, weshi tiidong kuq tlaq kiikhiisii hali, tiidongke nong raa nguta jaüto.

Luke 23:1

Krai mren, Rung welabi thun ka tsangshiq ngongthun kra lot raütiishe, tri raü ka shatje miishe, wiikongtam tiido rang riito. Raüta, Jesuq ka Pilat rung niishe sheahoto.

Luke 23:18

Kiijiishe, mungmaiqse ümchuwa thung tlaq kra raq, kiqshi maq, “Apaiq ka tsatbaiq tlo ronglaq! Barabas ka naishiq ma tiidong kuq laq!” nguta gitrangto.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

JOSHUA 5:10

Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.