DUNGWVNC 12:21 - ASII LAKDAP Bible (BSI)

²¹ Mosheq raq Israilnok welabi thun ka kunli adam na tiiheakito. Raüta tsangshiq ma akha nguto, “Namshiq loweatek raq skuse ashi riimakla chhechhise are se ka achhuq chhuq tsea ronglaq. Lanta ta ronglaq. Kra lanta namshiq takitek raq Tiichhii Wan Poi ka klo ronglaq.

Hawa Naga Bible 2001

²¹ Moshe rueq Israel walaungx bix lotlaz gvl vtueq jungx tueq kuex, “Nuimshiq yuimx kac tek maq Tvlvy Wvnc Moalx tvkoc, khelbuenx rvmuq ngoz ruiux khelkhix saz kuex thvl vtueq thvt wuez shuinz.

DUNGWVNC 12:21 Referencias Cruzadas

2 HOKHVMX 23:21

Hokhamwe Josia raq mungmaiqse ma tongshong lakdap na waiqtaq kra phan phan Tatiwe tsangshiq Shiikeawe shreng ma Tiichhiiwan Poi ka lang wan ratlo nguta aming kuqto.

EJRA 6:20

Kra akhing na ramwebi kunli, kiimaq Lewinok kunli raq, tsangshiq maiqmii khum kra ramkham maq riihe raüta, tsangshiq khum na ashe ashi nguta jam min ahü siirairai she tiisiito. Krai mren, Lewinok raq jam nyamse Tiichhiiwan Poi na phaq wan chang thun kra, Israilnok munglu wansha asiwa wa ümchuwa, Jerusalem na jang wantaq kriima khuliiq kewan miitu, kiimaq ramwebi tlotli miitu, kiimaq tsangshiq Lewinok phan maiqse kra miitu, jam nyamse thun kra honglu na takuq wanto.

DUNGWVNC 12:11

Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

DUNGWVNC 12:3

Israilnok mungmaiqse kunli ma tsii ka akha chongkuq ronglaq: Ümchaü jipi lüwa jiha raroqshi ranaiq na maiqwere takitek raq skuse are se riimakla chhechhi are se ka apaiq jamkun miitu tsea raüta thü chang.

DUNGWVNC 17:5

Kiijiishe Tatiwe raq Mosheq ma nguto, “Ümniirai Israilnok welabi ka wiijam sheaholaq. Laüta ümniika mungmaiqse khaki na kongkhu walilaq. Ümniiraq Nail rai buk chang nyeakii ka ümjaq na shamho laüta walaq.

DUNGWVNC 19:7

Krai mren Mosheq ka pum maq satkito. Raüta mungmaiqse welabi thun ka adam na triitam heato. Raüta tsangshiq ma Tatiwe raq apaiq ma aming kuqtaq thun kra wiita chongkuqto.

DUNGWVNC 3:16

Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.

WEAWEA 11:16

Tatiwe raq Mosheq ma nguto, “Mungmaiqse raq wela dea nguta shrengtlaqtibi wa maiq nyungwere roq miishi kra adam na triitamlaq. Laüta tsangshiq ka Ngi phana Ngi asi Tombutiip kiijaq shea wanlaq. Kiimaq tsangshiq ka kiijaq ümtho na michaplaq nguta chonglaq.

1 Corinthians 10:4

Kiimaq kamasham kham kok kiimin khapshi wa siili nyang wanto. Kriika tsangshiq rai kongshi maq khum wan damtaq kamasham longkaü kiiwa nyang wanto.

Hebrews 11:28

Kiimahali, Mosheq raq kamtsantsii maq, Tiichhii wan Poi ka pha wanto. Apaiq raq, kamtsantsii maq, poi na ataa sku tiijai ka Israilnok jamki tek, kilam da na nei miitu, aming kuqto. Kriika, Maiqtseati Rase raq, Israilnok jamkitek wa, maiqwe se chhikhu setiim ka tsatmak mitiichhii kuq laq nguta neito.

JOSHUA 5:10

Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.