DUNGWVNC 11:1 - ASII LAKDAP Bible (BSI)

¹ Kiijiishe Tatiwe raq Mosheq ma nguto, “Ngi raq Ejip mung hokhamwe nai asenginok ma imo jangshi li she mitiihoha. Kriijai miitiq apaiq raq namshiq ka mitiiwa. Tengteng, apaiq raq namshiq wiitarü ka arwa ajo mirbaiq.

Hawa Naga Bible 2001

¹ Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.

DUNGWVNC 11:1 Referencias Cruzadas

RAPHA HIQWA LAK 15:14

Shatmaq tsangshiq ka dikong ma tiijatinok mung ka Ngi raq mo mitiihoha. Kiimaq tsangshiq ka kra pong mung kiiwa ümtiikiiwa laü wantlaq, tsangshiq raq chaq nyung sengwe pahea howan raütiishe milaü wan.

YOBA 10:17

Ümniiraq ngi ngengsengti kiimwebi ka tiichap wan ruq riitlaü; ümtsan khiq ka ikhu thaq na nyiiwan ruq li nyiitlo; ümniiraq ngi longliiq wan miitu kha ka anye sürii wan ruq li riitlaü.

DUNGWVNC 12:29

Rawa wathung wakham na Tatiwe raq Ejip mung wa chhikhusetiim ka wiita tsat baiqto. Hokhamwe se hokham ma shong chang kriimaq phaho raüta longsha phaqtek mong na sitiwe shumwiwe se miitaq kun kun tsatbaiqto. Kiimaq nyamse chhikhu anyung thun kriimin wiita tsat baiqto.

DUNGWVNC 3:20

Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 6:1

Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

LEWI 26:21

“Kra taü miimin, namshiq raq ikiq ka khii wan ruqli riihan jiila, lanta i bom ka tai man tlea ruqli la tlea hanla, Ngi raq namshiq ma mo ka kriithaq niimin jang miishi achan she mitii saü nongha.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

Revelation 16:9

Tsangshiq ka wiita khiim baiqto. Kiimaq wakhiim tsi ma tsangshiq raq arthun thawa arang rümti we, Shiikeawe ma manson kiqsü, riikhiq maq phaqto. Shatmaq, tsangshiq ngarai lamphan wiika tsan klai mak dea riito. Kiimaq Shiikeawe jonglu ka shomra mak dea.

1 SAMUEL 6:4

“Apaiq ma jamlai kongphiq wa mitiiho wan rong i?” nguta nokwe raq waito. Tsangshiq raq treto, “Tsamtsi tha sumla chaq ngam maq biingi lo rong laq. Kiimaq chaq ngam maq juk sumla biingi, kriika Philistainnok hokhambi webiingi kra miitu achhuqchhuq riichang. Namshiq wiitarü khuthaq na nai hokhambi webiingi khuthaq na thabi tiiwataq kriika kra phanshi tha kli tiisaüto.