DUNGWVNC 1:7 - ASII LAKDAP Bible (BSI)

⁷ Shatmaq tsangshiq saü asetiim, Israilnok ka puwan raüta maiq ka pahea raham hiq ham she pu wanto. Kiimaq ningkun ajong aheng ahong ala siisaq Ejip mung ka tsangshiq nok riili mawanto.

Hawa Naga Bible 2001

⁷ yuq muinz Israel miqsaz tsuingshiq suiuz vsaz paunghvlc pux wvnc vtueq, Ejip mungx baung ruip saz nuex rv-nyanc httax wuez tueq.

DUNGWVNC 1:7 Referencias Cruzadas

RAPHA HIQWA LAK 1:20

Raütiishe Shiikeawe raq akha aming kuqto, “Jü ka phanrap phanrii atra phan riishe mima wanlaq, kiimaq rawang win ka peshap wushi riishe mima wanlaq.”

RAPHA HIQWA LAK 1:28

raüta tsangshiq ka shiimanto, kiimaq akha nguto, “Namsetiim pahea hum ronglaq, krai mren namsaü namsetiim ka hiq raikhü na barap binrii na mishonglaq, raüta hiq raikhü ka tsangshiq wokhong na mirümlaq. Ngi raq ümniika ngiq, wushi thun, kiimaq rum nyamse tlotli khuthaq na arang kuq tiikang.

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

RAPHA HIQWA LAK 13:16

Ngi raq ümsaü ümsetiim phong ka pahea pahea she mitiipuchi wanha. Tsangshiq ka jurmin weawon lot mak miraq. Kra nam miika hiqraikhü wa botkhulai kra weawon riiwe ka aje lin miraq!

RAPHA HIQWA LAK 15:5

Raüta Tatiwe raq apaiq ka kinphai na sheahoto. Raüta akha nguto, “Ra nü na liilaq. Laüta raiqsaiq diimtlaq kra awea riitlang liita; ümsaü ümsetiim phong ka kra raiqsaiq diimtlaq kiikha miraq.”

RAPHA HIQWA LAK 17:16

Ngi raq apaiq ka mishmanha. Kiimaq Ngi raq ümniima apaiq lümaq ümse maiqwese ashi mikuq kang. Ngi raq apaiq ka mishmanha. Kiimaq apaiq ka maiq phan pahea ma anyung jong she mija wan. Kiimaq apaiq lai ala phan kiiwa hokhambi she midong wan.”

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

RAPHA HIQWA LAK 26:22

Kiimaq apaiq ka kiiwa ahin niishe tiisot wanto. Raüta khappong ashi hali thu nongto. Kra miitu ka riitso mak she riito. Kra ningkhan apaiq raq kra khappong ka “Wase” ngutiishe mangto. Apaiq raq nguto, “Ümchaü kla Tatiwe raq nashiq ma armung na shong miitu wase miishe tiijato. Kiimaq nashiq ka arjaq rongboq she mishong wan rong i.”

RAPHA HIQWA LAK 26:4

Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü.

RAPHA HIQWA LAK 28:14

Tsangshiq ka hiq raikhü na botkhulai riiphongtlaq kiikha awea lot mai miraq. Tsangshiq raq tsangshiq hiq rai ka trotam na mitiijong wan. Kiimaq ümnaq lümaq nai ümsaü ümsetiim lümaq, Ngi raq maiq phan thun ka mishman kuqha.

RAPHA HIQWA LAK 35:11

Kiimaq Shiikeawe raq apaiq ma nguto, “Ngi Ka Ningkun Ajong Shiikeawe. Ümsetiim ka paheashe mipuchi wan laq. Ümlai ümla kiiwa maiq mung pahea she mipu wanlaq. Kiimaq ümniika hokhambi thun ma kaüwati mija wan haü.

RAPHA HIQWA LAK 46:3

“Ngi ka Shiikeawe, ümwe Shiikeawe,” nguta apaiq raq nguto. “Ümniika Ejip mung na laüho ma naq haikiq. Ngi raq ümsaü ümsetiim ka kiijaq maiq mung jonghea ashi ma mitiijaha.

RAPHA HIQWA LAK 47:27

Israilnok ka Ejip mung na Goshen wang na shongto. Raüta tsangshiq ka chiithe lüwa siisaq she jawanto. Kiimaq tsangsetiim ka pahea she puwanto.

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

RAPHA HIQWA LAK 48:4

Apaiq raq ngi ma akha nguto, ‘Ngi raq ümniima ümsetiim ka pahea mikuq kang. Krai mren ümsaü ümsetiim ka maiq phan pahea ma mipu wan. Ngi raq armung ara ümsaü ümsetiim ma pattup pat-sa tsangshiq tachong hupsam miitu mikuqha.’”

RAPHA HIQWA LAK 9:1

Shiikeawe raq Nowaq nai asetiim ka shiimanto. Raüta akha nguto, “Ümsetiim ka pahea mipulaq. Raüta ümlai ümla thun raq mangjong hiq ka hamli misilaq.

NEHEMIA 9:23

Tsangshiq saü asetiim phong ka, ra na raiqsaiq diimtlaq ikha, awea lot mai tiipu kuq wan laü. Kiimaq tsangshiq ma mung ashi kuq wan laü kra, Khat wan wan maq tiijü kuq wan laü. Kriika, ‘Namsaü namsetiim pat na mikuq kang,’ nguta tsangtitiim ma akhamkuq haü riito, kra phan phan kuq wan laü.

Tvtsvmc 105:24

Tati raq asenginok ka tere rü atang ma tiijato raüta tsangshiq ka tsangjaqtinok thaq na ahong alanok ma tiijato.

Tvtsvmc 107:38

Apaiq raq asenginok shiimanto, kiimaq tsangsetiim kong ka tere rüjong ma tiijato; apaiq raq tsangshiq nyamse kong tiijommak riito.

DUNGWVNC 1:12

Shatmaq Ejip mungti raq Israilnok ka jamkho shiiniim shawantlaq tsangshiq ka pahea puwan wan khoti riito. Raüta tsangshiq ka Ejip mung na pahea nyam wan wan khoti riito. Ejip mungti ka Israilnok ma ahai she riito.

DUNGWVNC 12:37

Israilnok ka Rameses chela maq hoksii maq Sukkoth hiq lam maq laü wanto. Tsangshiq ka maiqwere dongdii li 600,000 tin khan riito. Jechakre nai nosere thun kla weahü.

DUNGWVNC 5:5

Namshiqnok ka Ejip mungti thaq na pahea ra ma hiq ma she purai wan lan. Jamlai jiq ngukai, ümchaü ka jaq min shammai she sha ngutlan ngukai!”

EJEKIEL 16:7

Ngi raq ümniika pecham ashi aheawiq phintsaqtsaq hea ikha tiichhanchhi wan kang. Ümniika ahong ala she jonglu wan laü kiimaq jetu jong she jawan laü. Ümnyakpü thun ka aheawiq she jonglu wanto. Kiimaq ümkhu dap kiimin aheawiq she jonglu wanto. Shatmaq ümniika kheahü riilaü.

Acts 13:17

Israilnok Shiikeawe raq natitiim pat na, tsangshiq ka tsea tsiiq wanto. Raüta, tsangshiq ka Ejip mung na wansha we ma ja raüta shong wantaq pat na, maiq mung ajong ashi ma tiijonglu wanto. Raüta, Shiikeawe raq tsangshiq ka Ejip mung wa, ningkun ajong jaqkhong maq tiidong tsuq wanto.

TRI CHONGKE 10:22

Man na namtitiim ka Ejip mung na laühotaq akhing na, tsangshiq ka maiq roqmiishi laqlaqse li riito. Shatmaq ümchaü ka Tatiwe namshiq Shiikeawe raq, namshiq ka ra na raiqsaiq diimtlaq ikha awea lot mai she tiipu chikuq wanto.

TRI CHONGKE 26:5

Kiijiishe, ümniiraq Tatiwe man na ara bomtsi thun arshe ümnümaq mibliiq chong haü: ‘Iti ka Aram mungti wanmowe riito. Apaiq raq ajamti achak ase thun ka Ejip mung na tsuqho raüta sikito. Tsangshiq kiina laühotaq akhing na maiq ka atsap se li riito. Shatmaq tsangshiq ka maiq pahea she puwanto. Raüta ningkun jonghea maiq mung ashi she jawanto.