DANIEL 9:6 - ASII LAKDAP Bible (BSI)

⁶ Ümniiraq ümjaqshisetiim shammibi tiiki laüta, naihokhambi ma, nai mungtubi ma, naiti tipaitiim ma, kiimaq naimungti mungmaiqse tlotli ma, ümmang chong raüta tra tiihokuq wan laü. Kra naishiq raq lang wan mai dea riikai.

Hawa Naga Bible 2001

⁶ Nuiyshiq hokhvmx bix, guimz lawc jix bix, jix vwaz tamx nuiyc nuiyshiq phvnx kuex mmuingc jungx vtueq jungphvnx yaq mnvrc waz hez shvmmax bix kvjaz kuex nuiyshiq rueq tay miq rvtiq.

DANIEL 9:6 Referencias Cruzadas

2 HOKHVMX 18:12

Samaria thentaq kriika Israilnok raq Tatiwe, tsangshiq Shiikeawe bom taimak tlea kha na thento. Kiimaq tsangshiq raq Tatiwe raq tsangshiq rai tongshong raüpot kha wantaq thun kra jin wanto. Kiimaq Tatiwe jaqshise Mosheq raq akuqthü thungtri raütu thun kra wiita tlea wan kha na thento. Tsangshiq raq tri bom chong ka taimak riito. Kiimaq tsangshiq raq aming thun ka lang mak riito.

2 KAÜWA WERAÜ 33:10

Tatiwe raq Manase nai asenginok ma honkam wan tsü ka chongkuqto. Shatmaq tsangshiq ka lan laqlaq li sito.

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

NEHEMIA 9:32

“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!

NEHEMIA 9:34

Naititiim nai naihokhambi raq, naimung welabi raq kiimaq ramwebi raq, ümniiraq akuq haü Thungtri, lang mak dea riito. Tsangshiq raq ümnaq aming ka, tai wan mak dea riito, kiimaq ümniiraq honlam tsii, achongkuq haü, lang wan mak riito.

JEREMIA 26:5

Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 29:19

Tsangshiq ma akha chamchao sangrai ka misaüwan, jamkhano ngukla, tsangshiq raq, Ngi raq ishammibi thun tiikilata i tsütsa tiichongki kang thun kra taimak wiita tlea wanto. Tsangshiq raq taimak shipoq wanto.

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

DANIEL 9:10

O, Tatiwe naishiq Shiikeawe lei, ümniiraq naishiq ma, ümjaqshisetiim shammibi lümaq akuq haü thungtri ka lang wan ronglaq, lanta sirong laq nguta aming akuq haü kra lang wan mai dea riikai.

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.