DANIEL 9:23 - ASII LAKDAP Bible (BSI)

²³ Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

Hawa Naga Bible 2001

²³ Mnoz rueq Tishox kox wawc kvmenc jenc thoz toq maq phaungc vtueq, vpiq rueq mnoz muex tvralc kv-phux. Vpiq rueq mnoz lungwawx yaq, kvkhoc rvtueq tvralc bomc kuex ngaz rueq mnoz muex jungx kaz vphaungx. Majuiuc ngaz rueq romzyac tvkhic jalc jungx yaq nuex vhvlx waq tay tvtsuingc shuiuz.

DANIEL 9:23 Referencias Cruzadas

2 HOKHVMX 19:20

Kiijiishe Isaia raq Hokhamwe Hejekia ma hokhamwe achu jaü ka treto nguta

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

ASHICHONG 7:10

Ngi ka itawe rii, kiimaq apaiq raq ngi rorii,

EJEKIEL 14:14

Kiijaq kra maiq wetsam, Nowaq, Daniel kiimaq Job kra asi nguraü min, tsangshiq kechu riilung riika tsangshiq maiqmii khum lamlam kli mitiichhii wan lot.” Arka Ngi, Tati Rakaü Hiqwe raq ngutiikang.

EJEKIEL 24:16

“Maiqse lei, ümniiraq pinthum lungwiitlaü nyung ka Ngi raq jangshi buk latli milam wanha. Ümniika naq tiibottaqkiq, riimakla naqhoqkiq, riimakla makphai naqtrokkiq.

EJEKIEL 26:12

Ümjaqtinok raq ümtsiiq tum thun kra kiimaq piikii chang hupsam thun ka mitsuq wan. Tsangshiq raq ümchela kiitelong ruk thun kra mitiibunbaiq. Kiimaq ümjam thun athii tsinhea hupsam maq ahai haü thun ka wiita mitiibunbaiq. Tsangshiq raq long thun ka, pe thun ka kiimaq arun arbaiq hupsam phong ka khamjong chum na miphong baiq.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 10:19

Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

DANIEL 6:3

Krai mren, Daniel raq jaqlo liipan niili, akongti ngongwenai kiimaq wanghuptibi thaq na, ajaqsham ka pinthum athuk atsom sham raüta tiichhi kuqto. Apaiq ka anok thaq na pinthum asap atsin kra chhiraüta, hokhamwe raq apaiq ka amungtan hamli na ajong pinthum ngongwe ma shong wan miitu atsan na thapthi wanto.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Luke 1:28

Rase ka apaiq phana kiraüta chongto, “Ümniika hansang miishe silaq! Tatiwe ka ümniirai asi! Kiimaq apaiq raq ümniima shiiman jonghea kuqto she!”