DANIEL 7:1 - ASII LAKDAP Bible (BSI)

¹ Bebilon mung langti hokhamwe Belshajar raq hokham jaqsham wan apha rawii na, ngi raq rawa ma ashi makang. Kiimaq kra rawa ma riisham mak maq rawa na phanshi ra chhikang. Kra ngi raq lak na waiqthükang. Kra rawa ma maq jamlai wa chhikang kra awaiq riithükang. Kra waiqthükang raüpot ka

Hawa Naga Bible 2001

¹ Babelon hokhvmx Belshaza hoc nuex ngaungc vphaungc raungwawc, ngaz rueq raungwvrx maung maq romzyac kuex khiz tauk. Ngaz rueq raungwvrx maung kuex wuiyq tvtsuingc taq tauk,

DANIEL 7:1 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 46:2

Kiijaq Shiikeawe raq apaiq ma rawa na riisham makchhi maq riibomto. Raüta apaiq ka heato, “Jakob lei, Jakob lei!” “Ngi arjaq lii,” nguta apaiq raq treto.

YOBA 4:13

Rawa ma abi ama ikha ngi ka akon wa tiisamto.

ISAIA 30:8

Shiikeawe raq ngi ma maiqse ka apaiq maklii na jamkho sitlaq kra lakdam ashi na waiqthülaq nguta chongto. Krai mren pattup miitu tsangshiq ka ümtinkhan ngaraibu hotinok wa kra lakdam na sishat miraq nguta thaüto.

ISAIA 8:1

Tati raq ngi ma nguto, “Lakwaiq chang pen ajongwiq ashi kra lamlaq. Laüta kiijaq laktsi ajong jong wiq maq: ‘Jaqlo runlaq, thitthit teklaq,’ nguta waiqlaq.

JEREMIA 23:28

Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

JEREMIA 36:32

Krai mren she, ngi riimin lakwaiq chang damkom ka ashi lam nongkang. Lata icherewe Barukh ma kuqkang. Kiimaq apaiq riimin ngi raq jamkho tlü chongkuq kang, kra phanphan hali waiqthü nongto. Apha lakdam kom na ümchuwa riita kra wiita bomtsi poshi min tiikhea mak maq waiqto kiimaq kra niq riri siihali tsütsa bomtsi ngi raq apaiq ma jamkho chongkuq kang kra phanphan waiq thüto.

JEREMIA 36:4

Kra ningkhan she, ngi raq Neria se Barukh ka ngi phana heakang. Lata Tatiwe raq ngi ma jamlai bomtsi wa chongkuqtaq kra kunkun chong lata twaiq kang. Kiimaq Barukh riimin lakwaiq chang damkom ashi na wiita tlotli waiq thüto.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 2:1

Nebukadnejar ka hokham jawanli maq wiinai she angu na, apaiq raq rawa ma ashi mato. Kra ama raq apaiq ka kai tiichapato kiimaq akon min tsimak she riito.

DANIEL 2:26

Hokhamwe raq Daniel (apaiq ka Belteshajjar ngutiimin ngutlo) ma nguto, “Riita ümniiraq ngi raq jamlai wa makang kiimaq kra liichum ka michongkuq lot haü shea?”

DANIEL 4:13

“Ngi raq kra riisham makchhi kra shiwea sea bala niili, ngi raq rase ashi tsangrong tsangra ramungtan wa asatkai chhikang.

DANIEL 4:5

Shatmaq ngi raq rawa ma ashi akon lam maq maiqphiip maiqjiip makang. Kiimaq riisham mak maq pinthum akiinyii chang chhikang.

DANIEL 5:1

Rawashi Hokhamwe Belshajar raq phaqsea poi Jonghea kloto. Raüta kra phaqsea lomdamti aki miikiimbi hingshi tiiheato. Kiimaq tsangshiq wiitarü adam maq che nyangto.

DANIEL 5:22

“Shamtaq, ümniika ase kra taü miidea min, kiimaq krii thun mra pin wantaq kra sapshatshat taü miimin, ümtsii chhi laüta aran ma jamaü riitlaü.

DANIEL 5:30

Kra rawa akhing niili, Bebilon mung hokhamwe Belshajar ka re raq tsatbaiqto.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

DANIEL 7:15

Ngi raq riisham mak maq kriithun ka chhilata, ngi ka ihai sito. Kiimaq kai chapa kang.

DANIEL 7:7

Ngi raq ara liirat tiikang liipan na hali, ngamthaiq kaüblai ngoja kra dong wanto. Kra kaü ningkun ka jonghea, liibi, kiimaq maiqkii maiqnyii. Awi thun ka jinwi. Ajong min jonghea. Kriimaq atra phan nyamse ka tiibun miilak kaqphaq tlo. Kiimaq ahok maq nishishi tsatbaiqtlo. Apaiq ka ngamkaü ahin kiikhiika riimak. Akhu na arong roqshi asi.

DANIEL 8:1

Hokhamwe Belshajar raq munglang wanli maq wiitsam she angu na, ngi raq riisham mak maq thongnai ngoja shammi makchhi hali chhinong kang.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

HABAKUK 2:2

Kiijaq Tatiwe raq ibom treto, “Ara riisham bom chong, waiqlaq longpen na khangriri hea, tsasoqtiwe raq phatke wan miitu.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

2 Corinthians 12:1

Ngi riika jamkha riita jiimin tiishomra rai chang li she dongdii riishatshat. Tiishomra rai lata ngi ma jamlai liip rai chang riiwe kla ahüli jiimin, tiishomra rai chang ka sikito. Shatmaq, ümchaü riiwe tiina, ngi ma, riisham raq jamlai wa tiichhikuq taq, kiimaq ngi ma Tati Jesuq Khristo raq jamlai wa tiichhikuqtaq, kriishe chongkuq pha.

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.