Biblia Todo Logo
La Biblia Online
- Anuncios -




DANIEL 7:1 - Hawa Naga Bible 2001

1 Babelon hokhvmx Belshaza hoc nuex ngaungc vphaungc raungwawc, ngaz rueq raungwvrx maung maq romzyac kuex khiz tauk. Ngaz rueq raungwvrx maung kuex wuiyq tvtsuingc taq tauk,

Ver Capítulo Copiar

ASII LAKDAP Bible (BSI)

1 Bebilon mung langti hokhamwe Belshajar raq hokham jaqsham wan apha rawii na, ngi raq rawa ma ashi makang. Kiimaq kra rawa ma riisham mak maq rawa na phanshi ra chhikang. Kra ngi raq lak na waiqthükang. Kra rawa ma maq jamlai wa chhikang kra awaiq riithükang. Kra waiqthükang raüpot ka

Ver Capítulo Copiar




DANIEL 7:1
34 Referencias Cruzadas  

Kvruex yimaq Yehowa rueq romzyac tvkhic vtueq Abram muex ngoc, “Abram lex nauk hiz kaz. Ngaz rueq mnoz kuex vhiz juing wawc tvwungx wvnc vtueq yauk noalc yunghvlc kuq phaungx,” ngoz tueq jungx yaq kvjaz kuex tay tueq.


Raungwvrx nuex piq rueq khiz tueq romzyac tvkhic maq Tishox rueq, “Yaku, Yaku!” ngoz tueq gvl tueq. “Aayc ngaz vhttax luiz,” ngoz tueq tvralc tueq.


Kvruex kuex ngaz kvtsoalx nuex maung rueq htuing yaq ikhoc tvkuilc daz phuex.


Tishox rueq ngaz muex kvruex miq htenc kuex yvmx rulc lac rv-ngvlc yaq nguinx luik dvp vshiz nuex wuiyq tvy tvkoc jungx phuex, kvkaq kvruex kuex tsuingshiq mtanc layx vbac lac tvtsuingc tvy wvnc lvmz muex yaungx tuex.


Yehowa rueq ngaz muex, “Luik wuiyq juing lungdvmx yunghvlc vshiz lvmz vtueq luik thuey yunghvlc maq: ‘Yauk lox khvt, yauk lox maq nyvlc,’ ngoz tueq wuiyq shuiuz.


Maung maq khic jix shvmmax waz rueq maung dvyx mjungx shueq, yuq muinz ngvy bomjungc tay jix shvmmax waz rueq bomjungc kuex tvmtuing maq mjungx shueq. Tsvmkuiz nuiyc nyensaz tsvmz kuex yvmx khoc tvrv-ngvlc lac mvy tvnx?


Miq phvnx lotlaz rueq piq mungtan rul wvnc tuex vkhing nuex httuiuc laz piq muex muinz, vsaz muex muinz, vsuiuz muex muinz shuimx lvmz kuq shuex. Kvruex yimaq piq phvnx rueq luimc vkawc yunghvlc miqphvnx htenc nuiyc yunghvlc hokhvmx bix muex shuimx lvmz kuq shuex.


Kvruex yimaq ngaz rueq vganc luik tul vshiz kuex lvmz vtueq ngvy yauk shuimc jungx waz Baruk muex kuq tauk, ngaz rueq jungphvnx tauk phvnx ruip kuex piq rueq wuiyq taq tueq. Piq rueq vphaungc wawc luik tul nuex vwuiyq shec nuiyc ngaz rueq piq muex jungphvnx tauk bomjungc htenc kuex wuiyq shec tueq.


Kvkhoc rvtueq ngaz rueq Neria saz Baruk kuex gvl vtueq Yehowa rueq ngaz muex jungx phuex phvnx ruip kuex tvwuiyq tauk. Baruk rueq muinz kvruex lotlaz kuex luik tul vshiz nuex wuiyq taq tueq.


Wawc rok thuimx raungwawc yapix lex bvlic yac raungx bv-ngac raungnuiyq, Babelon mungx Kebar Ruilx hep nuex thuq wvnc tueq Yuda miqsaz htenc nuiyc Buzi saz ngaz shomc waz Ezekiel hez httax yaq nuex raungx kvdaz wvnc vtueq Tishox kuex romzyac tvkhic maq ngaz rueq khiz tauk.


Tishox rueq ngaz kuex romzyac tvkhic maq Israel mungx nuex shvlx wvnc vtueq johvlc kanx htauk nuex taq phuex. Kvruex kanx max kox kvyuq yuimx htenc vguirx shec ghaqyungx vshiz ikhoc ngaz rueq khiz tauk.


Tishox rueq yalxrox waz bvlic kvmac phaqjic nuiyc luik vlvyx thenc tuiuz wvnc juing tharc kuq tueq. Kvdvyx muinz rvmuq, vpiq rueq Daniel muex maung nuiyc romzyac tvkhic htenc kuex jalc jungc lot juing tharc muinz kuq tueq.


Nebukhadnezar hokhvmx yaungc wawc nueyc vngoz nuex, piq rueq maung maq maung tueq. Kvruex kuex piq muex pinhtumc rvwvlc juing tvyaungc ningkhvnc nuex kvtsoalx mvy muq,


Hokhvmx waz rueq Daniel (Belteshazar ngoz yaq waz) muex wiz tueq, “Ngvy maung nuiyc vlvmz kuex mnoz rueq ngaz muex jungx kuq lot phux haz?” ngoz tueq.


“Ngaz rueq romzyac nuex seng vtueq tvmaung yaq nuex, honc lvmz hvt maq bvmc lawc yaq raungkamx washiz kuex raungmungx maq svt kaz yaq kuex ngaz rueq khiz tauk.


Yuq muinz ngaz vkvtsoalx nuex vhiz juing maung nuiyc vkawc yawc juing romzyac htenc kuex ngaz rueq khiz tauk.


Raungyac shiz Hokhvmx Belshaza rueq vyungx vlaungx bix hingshiz kuex phuiuz svy moalx yunghvlc nuex gvl tueq, tsuinghez rueq vdvmz nuex svpiq tix kuex nuingx wuez tueq.


“Yuq muinz piq saz mnoz kuex, kvruex lvmz lotlaz tuiuz vshuiux rvhvt maq mnoz thuinz tvyomx vshuiux rvmuq.


Babelon hokhvmx Belshaza kuex kvruex raungyac dvyx thvy gay rvhumc vtueq;


Raungyac nuex vruex romzyac tvkhic khiz yaq baunglaung, miq ikhoc vshiz kuex ngaz rueq khiz tauk. Piq kuex ngaz kox nuex kvnvp kaz vtueq, phuemx maq kvyop ruiux pattup tvraungx yaq waz kox nuex kaz vtueq vpiq khaungkac nuex httax yaq.


Ngaz rueq khiz tauk romzyac tvkhic htenc rueq ngaz kuex tvhuingc phuex, ngaz kuex pinhtumc ruingraung tauk.


Ngaz rueq lawc yaq nuex, bvlic ngoc yaungc ngvmx saz vsvl kuiux kuex dung kaz tueq. Kvruex kuex luimc vkawc yunghvlc, miqhiz vsac shvmx, tvhiz tvsungx shvmx httax yaq. Yunghvlc yanx wac maq kuilc daz rvhumc yaq jix htenc kuex kauk tvbunx gay ruiux, kvjungx yaq kuex vnuiuz rvgay tueq. Kvruex kuex vganc vsvl kuiux hez rulc rv-ngvlc muq, piq nuex vrungx rokshiz httax yaq.


Belshaza hokhvmx yaungc wawc thuimx vngoz nuex, ngaz rueq lauk nueyc ngoc yaungc romzyac tvkhic khiz tauk.


“Kvruex yimaq ngaz rueq miq ruip rawx htauk nuex ngvy Siyac kuex ruiuc kuq shaungx: msaz miqwaz yalxjuik sahez rueq ngvy bomjungc kuex jungx kuq shuex; nuimshiq nyuiuz waz rulx rueq maung maq maung shuinx, nuimshiq yalxrox bix rueq romzyac tvkhic khiz shuinx.


Johvlc Yehowa vpiq kvmungx kuex vpiq nvrc waz shvmmax bix muex max tvkhic shauk nuex, yvmx dvyx yuq muinz vpiq rueq mkaq muinz shuimx muq.


Yehowa rueq ngaz muex vkhoc tvralc kuq phuex, “Ngaz rueq mnoz muex tvkhic kuq phaungx lvmz kuex lungdvmx htenc htauk nuex yoalx rek phat wvlc muex wuiyq taq shuiuz, kvkaq kvruex raungshuex raung wvl lvp shuex.


Yehowa rueq, “Majuiuc ngaz rueq jungx phaungx htenc kuex tay shuinz! Nuimshiq nuex shvmmax httax yaq ngoz ruiux ngvy shauk pumz maq tsuinghez muex romzyac maq tvkhic kuq ruiux maung maq jungx kuq shaungx rvtueq.


Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.


Kvsomc parc lvmx kuex vjux vguez. Yuq muinz ngaz kvsomc parc vtaungx, Taungjix rueq ngaz muex tvkhic kuq phuex siyac tvkhic nuiyc tvkhic romzyac lvmx nuex seng vtueq ngaz kvsomc parc jungx vshaungx.


Mnoz rueq khiz vshuiux phvnx htenc muinz, majuiuc httax yaq phvnx htenc muinz, yix maq yaungc wvnc juing phvnx htenc kvmuinz wuiyq taq shuiuz.


Kvkaq dvyx raungmuk tvruingc rueq jungx yaq kuex ngaz rueq wuiyq tvtsuingc dvnc tauk. Yuq muinz raungmungx maq, “Vruex raungmuk mvshix rueq jungx tueq kuex httuiyq puingc taq shuiuz, nauk wuiyq kaz!” ngoz tueq jungx yaq kuex ngaz rueq tay tauk.


Síguenos en:

Anuncios


Anuncios


¡Síguenos en WhatsApp! Síguenos