DANIEL 6:16 - ASII LAKDAP Bible (BSI)

¹⁶ Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

Hawa Naga Bible 2001

¹⁶ Kvkhoc rvtueq hokhvmx waz rueq muinz Daniel kuex lvp tvkoc bomc tvdvy tueq, piq kuex hangsic htenc mvrc yaq khurx nuex tuip gay rvhumc tueq. Piq rueq Daniel muex ngoc, “Mnoz rueq tvmtuing maq shuimx kuq vshuiux m-Tishox rueq mnoz kuex mpalc wvnc kv-phux,” ngoz tueq.

DANIEL 6:16 Referencias Cruzadas

2 SAMUEL 3:39

Ngi ka Israil mung na Shiikeawe raq tsea raüta hokhamwe ma shongto. Li jiimin, ümchaü ranaiq ngi ma athü adake wanti khamlawe ashi ariwan ikha tiima tiikang. Ara Jeruiawe setiim arka ngi ma mat atsa niqke wantibi kong. Tati riitiq ara mat-saü tsase kong arma mo miitho kuq laq!”

YOBA 5:19

Apaiq raq ümniika tiijangkiki chamchao thiikho wa mitiichhii kuq;

TAKSU LAK 29:25

Maiq ma haisong tsii ka, maiqmii deawa chang thiikho; shatmaq jurwa Tatiwe ma, kamtlaq kriiti ka mitiichhiikuq.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

JEREMIA 26:14

Kiimaq ngi riiwe kla, namshiq jaqkhon mong na kata! Namshiq raq jamlai klohan jiiwa ahea nguta thapthitlan kra phan phan klo rong liina.

JEREMIA 38:5

Hokhamwe Jedekia raq treto, “Ahea na, ikhii jiiha. Namshiq raq apaiq ka jamkha riihowa dan tlan, kriika namtsam raq thi na. Ngi raq namshiq ka tiiwin mang.”

JEREMIA 38:6

Krai mren she, tsangshiq raq ngi ka sheahoto. Raüta Hokhamwe se Malchia khappong khamhü mong na raü maq tiisatto. Kra khappong ka hokhamwe rinkea na riito. Kra khappong mong na kham ka ahü riito. Shatmaq boq chumli. Kiimaq ngi ka kra boq chum mong niishe tiinyap baiqto.

JEREMIA 39:17

Shatmaq, Ngi, Tatiwe raq, ümniika mikhup wongkuqha. Kiimaq ümniika ümniiraq junok mo haisong tlaü, kriinok jaq khon mong na kiinong kuqbaiq mak miraq.

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

DANIEL 6:7

Naishiq tarü, ümmungtan kra pengti ngongwebi, wanghuptibi, wanghupti jaqthütibi, kiimaq ahin siihiipjongbi tarü kiqshi maq rilaita, bom ka akha riichong kai. Chaü lei, ümniiraq aming ashi tat laq. Laüta kra aming ka atsin maq mungmaiqse tarü raq lang raa nguta aming tat laq. Raroqtsam liipan na ümniika tlea raüta, maiq juwe riimin laihin phra shiikea jaq wa riimakla, maiq ahinti juwe jaq wiimin, achu jaü maimak. Jurwa ara aming jin jiiq, kriiti ka hangsikong bumchang khok mong kiijaq tiidea baiq ratlo.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 25:11

Kiimaq ngi raq thungtri ka shiithen kang dea jiika, kiimaq kriikha miitu ngi ka atsai chang dea jiika, ngi ka atsai miitu ka hai mang. Kiiwa hangki hajaq nguta tiipaiqnea mang. Shatmaq, tsangshiq raq i dü na jamlai kha thun wa arot akiq nyan tlaq, kriikha na jiila, ngi ka jurmin tsangshiq jaqkhon mong na tükuqlot mak. Ngi raq i kha arka Roman Hokham we rung niishe shok tiikang.”

Acts 25:9

Shatmaq Phestas raq Jehudinok tsan ka tiibi romak. Kiimaq apaiq raq tsangshiq ka apaiq lopti ma thü wan ruq roli riito. Kriikha maq, apaiq raq Paul ma waito, “Riita ümniika Jerusalem na walaüta arthun kha nyan tlaq ara i rung na riipho wa miwa haü sha?”

Romans 13:3

Mungtubi wokhong na siti miika ahaisong chang jam min ahü. Shatmaq, jurwa abi klo tlaq, kriiti miika, ahai chang asi. Mungrümti welawe ma namshiq hai man sha? Hai tlan jiila, apaiq wokhong na ahea wiq maq sirong laq. Apaiq raq, namshiq ka ashom ra mirwan.

2 Corinthians 1:10

Riita apaiq raq naishiq ka atinkhan atsai chang chamchao walü mong wa tiichhii kuqto. Kiimaq apaiq raq, jai miili jiimin tiikhup wongkuq wan ruq miraq. Kiimaq naishiq raq apaiq ma naishiq kamtsantsii ka thü wan kai she. Apaiq raq naishiq ka tiikhup wongkuq wanruq miraq nguta kamtiikai.