DANIEL 4:27 - ASII LAKDAP Bible (BSI)

²⁷ Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

Hawa Naga Bible 2001

²⁷ Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

DANIEL 4:27 Referencias Cruzadas

RAPHA HIQWA LAK 11:4

Raüta tsangshiq raq nguto, “Ümchaü nashiq raq chela ashi tei rong i. Laita kra chela na kongmong chong ashi ratsan na saüli hai rong i. Kra laita nashiq maiqmii mang ka tiijong rong i. Kra riihaila nashiq ka mangjong hiqraikhü na riinyinki mai miraq.”

1 HOKHVMX 21:29

“Liilaq, ümniiraq Ahab ka imakki na jamkho aranse miishe jakitaq kra chhi tlaü shea? Riita ümchaü min apaiq raq imakki na akha aranse ma jatlaq arningkhan, Ngi raq apaiq pat na kra chongkang chongthum chamchao ka tiisaü mang. Kriika Ngi raq Ahab ma ase pat niishetiq tsangta ma chongthum chamchao kra mitiisaüha.”

Tvtsvmc 119:46

Ngi raq ümnaq aming thun ka hokhambi ma mitiitaiha kiimaq ngi ka jeasi mang.

TAKSU LAK 11:2

Ashkongti riika jaqloli jea mingaü; shatmaq sobsob bombomti ka taksu maiqse.

TAKSU LAK 16:6

Shiikeawe wokhong na, tsapkapkap maq silaq; raüla apaiq raq üm ngarai midiikuq. Tatiwe aming lang laüta silaq, ümniima abi mra saümak miraq.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

ISAIA 10:13

Asiria mung wa hokham ajong raq akha tsütsitsiqtlo, “Arthun ka ngi raq siisaq klokang. Iningkun ka jonghea achhe achhaq kiimaq ngi ka taksma kiimaq pinthum khonglaq. Ngi raq maiq mung thun liipan wa hiqtrai longshong thun ka wiita jiibaiq kangshe. Lata tsangshiq tsiiq tum thun ato kra wiita howan kang. Kra mung thun na siti mungmaiqse thun ka minsaü pongwe raq nibaiqtlaq ikha ngi raq iji maq nishi nibaiq kang.

ISAIA 47:10

“Ümniika ümniiraq abi kiimungtlaü kriima tlamsiqlaü ihata; ümniinga ümniika jurmin chhimak nguta ngiimra siwanlaü. Ümtaksu tsü nai ümphaqchi raq ümniika lamjiq nü na sheahoto, krai mren ümniinai ümniikli akha tiitsakilaü, ‘Ngi ka Shiikeawe - ngi khan ka ahin jumin ahü she.’

ISAIA 47:8

“Ara tiitsang tailaq, ümnaq chamtraq peoseati nyung raq, ümniinga ümniika rahai raq chhemak ngiimra sitiikang nguta tiimasiqtlaü. Ümniika Shiikeawe rai riingea riingea ajong nguta tiimatlaü, ümnaq khan maiq ahin ka ahü nguta sitlaü. Ümtsan na ümniika ümkhiiriitii jiimin manti nyung miika jamang mirhaü nguta srasiqlaü, riimakla ümsetiim ka ümkhiiriitii jiimin tsaimak nguta srasiqlaü.

JEREMIA 29:7

Ngi raq namshiq ka ümra chela thun niiwa munglu shumwi kong ma tsuq wan kang, kriithun chela kiijaq silanta, namshiq sitlan chela thun kra tiijonglu wan miitu shamhea kaiwa sham lanta shongnga ronglaq. Tsangshiqnok miitu ijaq wa achu jaü kuq lili ronglaq. Jamkhano ngukla, tsangshiq ka chiithe lüwajong siraüla, namshiq kiimin chiithe lüwa ma mija han.

JEREMIA 38:20

Kiijiishe ngi raq ngukang, “Ümniika tsangshiq jaqkhon mong na kiinong kuqbaiq mak miraq. Ngi raq ümniima Tatiwe bomtsi kra tai laq nguta tiipaiqnea tiikang. Kra nguraü ka phanrap ümniima ahea miraq. Kiimaq ümmiisaq ka atiiwong mirkuq.

EJEKIEL 18:7

Apaiq raq maiq ka lao mak. Kiimaq maiq jumin thümki mak. Apaiq riika apaiq jaq wa hupsam maiq raq nam tlaq akhing na kongphiq khakuqtlaq kra jaüthümak, anamtiwe ma ajang riikuqtlo. Kiimaq apaiq raq maiq amang aleti kiima tü adung kuq phaqsiq tlo. Kiimaq thüm waq manti khuhü kheahüti ma khu akhea kuq samtlo.

EJEKIEL 29:3

Tati Rakaü Hiqwe raq Ejip mung hokhamwe ma ara chongkuqtlo nguta chonglaq: Ngi ka ümniima wesang. Ümniika chlaikaü abi thawe. Ümniika jümong na sitlaü. Ümniinga Nail rai ka ümrii kiimaq kriika ümniiraq aphan sang haü ngutlaü.

EJEKIEL 29:9

Ejip mung ka hiqmiq changkhü ma mijaki. Kiijiishetiq ümniiraq Ngi ardea Tatiwe nguta misaphaü. “Jamkhano ngukla ümniiraq Nai rai ka ümrii. Kriika ümniiraq aphan sanghaü nguta tiitsaki tlaü.

Yoel 2:14

Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.

AMO LUIK DVP (AMOS) 6:13

Namshiq raq Lodebar chela ka khat lanta, jiiwan kai she nguta, jaqrap jirap doqsiq tlan. Namshiq raq, “Nashiq ningkun maq Karmaim chela kiimin khat laita, jiiwankai,” nguta ra na dü wan tlan.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 8:22

Riita, ümchaü min ümtsan tsii ka klaitlo laq. Laüta, ara ajiq ngarai tsantsii kra tiisii miitu Tatiwe jaq wa achu jaü laq.

2 Corinthians 5:11

Khristo raq ranaiqshishi ka nashiq tarü tiikham raüta, apaiq rung na mitiichap wan nguta asap hai kha maq, tsan na tiihaishat maq sitiikai. Arkha miitiina, naishiq raq nanok ma Tsütsa Ahea ma kamwan ronglaq nguta, tiima tsantsii wüjangjang maq tsangshiq ka trantsii chong kuq tiikai. Ngi ka juwa kriika, Shiikeawe raq kunli asap. Kiimaq ngi raq tiima wan kla, namshiq riimin, ngi ka samhea wiq asap han ahiq nguta tiima tiikang.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Ephesians 4:28

Juwa man na, ahuk ja lanta silan, Kriiti riimin, ümchaü sanha, ahuk naqja rongkiq she. Jaqsham shiichaq lantli she, maiqmii wok ka tiipao ronglaq. Lanta, thümsaü litseti kiimin khrum kuq ronglaq.

TRI CHONGKE 24:13

Rajitek kra kheathum ka apaiq ma jang kuq wali li riilaq. Kra riihaütiq apaiq ma rawa na asam chang khea asi miraq. Kra raüla apaiq ka ümniima kai kechu mitum. Kiimaq Tatiwe üm Shiikeawe ka ümniima khoqriiq shishiiq miraq.

TRI CHONGKE 32:27

Shatmaq Ngi raq tsang jaqtinok ka tiishkonglot mang, tsangshiq raq isenginok tiinamtok khatto nguta, shatmaq tsangshiq ka Ngi raq ijaq maq tiinamtok atiikhat baiqha.’

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.

1 Peter 4:8

Akhek pinthum, namshiq liipan na riimang riichan maq sirong laq. Mangchan tsii miitiq kongti mra ümchu li siraü min midii kuq lot han.