DANIEL 4:26 - ASII LAKDAP Bible (BSI)

²⁶ Rase raq pechong khuk ka hiq na kiikhiili thüronglaq nguta aming kuqto. Kra liichum ka ümra akhing niiwa ümniiraq ümtsan mong na, ara mangjong hiq tlotli arka Shiikeawe riidea rümtlo ngutiishe mitum haü, kra akhing niishetiq, Shiikeawe raq ümniika hokhamwe ma hali mishong nong.

Hawa Naga Bible 2001

²⁶ Raungkamx waz rueq ghaq nuex pulx jungx khuiuq tvjungx tvy tvkoc nvr tueq. Kvruex kuex mungkawx lotlaz Tishox rueq guimz yaq ngoz tueq mnoz kvjungc tuiux kvkaq, mnoz hokhvmx muex hulawx yaungx wvnc yek tuiux ngoc rvtueq.

DANIEL 4:26 Referencias Cruzadas

DANIEL 2:18

Raüta apaiq raq tsangtsam ma, ratsan ramong nyang na siti Shiikeawe jaqwa apaiq tiihang mangchan mikuq laq, kiimaq apaiq raq kra amao chang jaqsham kra liichum ka tsangtsam ma chongkuq laq, kiimaq tsangshiq kiimin Bebilon mungti tsii chongketibi rai tsatbaiq makchang miitu achu jaü ronglaq nguta chongto.

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

DANIEL 2:37

Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

DANIEL 4:15

Shatmaq achongkhuk ka tiichapshat li thülaq. Jin nai koti maq alo jinraü maq ban laüta, hiq na sangphii rü thaq niili baiqthü laq. “ ‘Kiijaq apaiq ka rawa bangkham roktlaq kriiraq, jobaibai ümpiim laq. Raüta apaiq ka rumnyamsekong nai wushikong rai misi laq.

DANIEL 4:23

Chaü lei, ümniiraq kra pechongkaü ka liisea rea liipan niili, ramungtan wa rase ashi satki raüta akha nguto, ‘Pechong ka daqbaiq laq. Laüta wiita tiithen baiqlaq. Shatmaq akhuk ka hiq na tiichapshatli thülaq. Achongkhuk kiijaq jin nai miiki maq alo jinraü maq banthü laq. Laüta kra achongkhuk ka sangphii rü niili baiqthü laq. Raüta ra wa na bangrok tlaq kra arwe dü na misa laq. Raüta apaiq ka kiijaq nyamse kong rai wiimiishi ümsidam laq.’

DANIEL 4:31

Apaiq nübok wa bomtsi ka mithum shaq niili, ramungtan wa maiqbom ashi akha saükito, “Hokhamwe Nebukadnejar lei, ngi raq jamlai wa ngutiikang ara tai liishaq! Ümchaü ümjaq wa hokham jaqsham arang ka nyeabaiqto she.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

DANIEL 5:21

Raüta, apaiq ka maiqse phong wa ajoshe riibaiqto. Raüta apaiq tsantsii ka ngamtsii miishe jakito. Apaiq ka rumnyamse kumtoq kong rai she sito. Raüta minsaü pong we ikha nyiimjaq phaq raüta sito. Kiimaq hiqsii thung niilishe bumto. Kiimaq bangkham sa wa akhum tiikhe chang khea min ahü maq sito. Atiisup niishe, apaiq raq Ajong Thaq Na Ajong Pinthum Shiikeawe riili dea mangjong hiq wa maiqse angu honyung hokhambi thun kra pengtlo; kiimaq apaiq raq juwe ma kero wa, kriiwe ma hokham jaqsham kuqtlo ngutiishe sapto.

Matthew 21:20

Ajaqshisetiim raq kra chhi raüta atiiraili she riito. Kiimaq, “Ara phupmup chong arka tsaisaq li jaro tsaiki tiinya?” nguta waito.

Matthew 5:34

Shatmaq ümchaü ngi raq namshiq ma chong pha: Shiikeawe mang chong laüta min kongphiq naq kha kiq. Ramungtan mang chong laütiimin kiq naq khamkiq. Arka Shiikeawe ngachang ngacho.

Luke 15:18

Ngi arka arwa tiido wan lata, i we phana li she mijang wan nong ha. Lata, i we nangnga, i we le, ngi raq Shiikeawe man na nai ümman na, ngarai jonghea tang wankang.

Luke 15:21

Kiijiishe, ase raq, ‘I we le,’ nguta bomto. ‘Ngi raq Shiikeawe man na nai ümman na, ngarai jonghea tang kang. Ngi ka ümchaü ümse nguta ngo ka thek mang she,’ nguta awe rai bomto.