DANIEL 3:1 - ASII LAKDAP Bible (BSI)

¹ Hokhamwe Nebukadnejar raq chaq maq maiq sumla ashi tloto. Adiilu nü na mitar roqnai ri mitar miishi. Ajong nü na mitar tsam tin riito. Raüta apaiq raq kra sumla ka Bebilon mung na Dura tan na tiinga shongto.

Hawa Naga Bible 2001

¹ Hokhvmx Nebukhadnezar rueq vjoz kox nuex meter 27, vyungc kox nuex meter 3 httax yaq kuimshawx yac vshiz tvhungx vtueq, Babelon mungx Dura tvnx nuex taq tueq.

DANIEL 3:1 Referencias Cruzadas

1 HOKHVMX 12:28

Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”

ESTHAR 1:1

Ara mra pin wantaq akhing arka Ahasueras raq hokham jaqsham wantaq akhing pat wa bomchong riito. Apaiq raq mung lang wantlaq maiqmung thun ka wang 127 na tiikho raüta peng wanto. Arka India mung maq pha wan raüta Ethiopia mung na saüli ham wanto.

Tvtsvmc 135:15

Maiqmung thun tisho kong ka kampho nai chaq maq alo; tsangshiq ka maiqse raq jaq maq atiiq.

DUNGWVNC 20:23

Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.

DUNGWVNC 32:31

Raütiishe Mosheq ka Tatiwe phana hali jang wan nongto. Raüta akha nguto, “Arnok raq phiiptsi chang ngarai tangto. Tsangshiq raq chaq maq sumla phra ashi loto. Raüta kra shomnoqto.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 30:22

Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.

ISAIA 46:6

Maiqse raq tsangshiq thongkhiiq kra lintlo; raüta chaq ngam ka raükhok khok raükuqtlo; raüta tsangshiq raq kampho ka tok na shintlo, raüta tsangshiq raq tiiqwe ka amaq kham na shiiptlo tisho sumla tiitiiq miitu; raütiishe tsangshiq ka hiq na bum raüta kra sumla ka noqtlo!

JEREMIA 10:9

Tsangshiq sumla phong ka Spen mung wa alam wan kampho ngam maq ajop. Kiimaq Uphaj mung wa alam wan chaq maq alo. Kra thun ka sma maiqsebi raq aklo. Kriithun ka mintiitii rong nai juni rong miirii tiisam kuqto. Kra khea thun ka taksmabi raq ataq khea maq tiimiikhiiqtlo.

JEREMIA 16:20

Riita maiq weshi raq apaiq phra ka mitiiqlot shea? Lot mak. Apaiq raq klo raüka, kriika riikhaqli phra kong ka riimak.”

DANIEL 2:48

Kra raütiishe apaiq raq Daniel ka ajong miishe shongto. Raüta apaiq ma phanrap phanrii, araa ariq phan kongphiq thun kuqto. Raüta apaiq ka Bebilon mung pengti tuwejong miishe shongto. Raüta apaiq ka hokhamwe rung na tsii chongketi aki miikiimbi thaq na akhupo miishe shongto.

DANIEL 2:49

Kiimaq Daniel raq tiipaiqnea wantaq kra phanphan, hokhamwe raq Shadrakh, Meshakh, kiimaq Abednego kiimin Bebilon mung kra liiwan miitu tuwebi ma shongto. Shatmaq Daniel riiwe kla hokhamwe rung niili ngato.

DANIEL 3:14

Apaiq raq tsangtsam ma akha nguto, “Shadrakh, Meshakh, kiimaq Abednego, namtsam raq ngohea shaqshaq shea, iphra kaü ka shomnoq man kiimaq ngi raq chaq sumla phrakaü shongkang kra khaki na bumlantiimin noq man?

DANIEL 3:30

Kiimaq, hokhamwe raq Shadrakh, Meshakh, kiimaq Abednego ka Bebilon mung na kongkhuwa kriithaq na ajong miishe shongto.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

DANIEL 5:4

Raüta chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai phra sumla thun kra tiitsamkamto.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

HABAKUK 2:19

Phiiptsi chang jo, ümniima! Pepan nang nga, “Akonwa samlaq” nguta hea tlaü! Longkaü nang nga, “Tiido laq!” nguta hea tlaü. Phra Sumla raq ümniima, shammi bom michongkuq shea? Arka chaq ngam nai kampho ngam maq li alorat, akhum na tsitsü ahü.

Acts 17:29

Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.

Acts 19:26

Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.

TRI CHONGKE 7:25

Lanta tsangshiq sumla phra thun ka wa maq chaq baiq ronglaq. Kra sumla thun na kampho lo riimakla chaq sitlaq kra miitu namshiq naq rang ran rongkiq. Kiimaq kriithun ka namshiq maiqmii miitu naq lam thü rongkiq. Kra riihanla, namshiq ka laimiq wachang misaüki. Jamkhano ngukla Tatiwe raq sumla phra shomnoq ka kai saisitlo.

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.