DANIEL 3:1 - Hawa Naga Bible 2001

¹ Hokhvmx Nebukhadnezar rueq vjoz kox nuex meter 27, vyungc kox nuex meter 3 httax yaq kuimshawx yac vshiz tvhungx vtueq, Babelon mungx Dura tvnx nuex taq tueq.

ASII LAKDAP Bible (BSI)

¹ Hokhamwe Nebukadnejar raq chaq maq maiq sumla ashi tloto. Adiilu nü na mitar roqnai ri mitar miishi. Ajong nü na mitar tsam tin riito. Raüta apaiq raq kra sumla ka Bebilon mung na Dura tan na tiinga shongto.

DANIEL 3:1 Referencias Cruzadas

1 HOKHVMX 12:28

Kvruex lvmz kuex tvmaung lot yix, kuimshawx maq manx pung vnueyc yac kuex tvyuimx lauz vtueq piq miq htenc muex ngoc, “Yerusalem nuex kaz vtueq nawk palx muex nuimshiq tvkoc lvmx vluz khuemc juing yaungx yaq. Kvkhoc rvtueq Israel miqsaz htenc lex, Ejip mungx wawc nuimshiq tvdungc shvlc wvnc jix nuimshiq tishox htenc kuex vruex yuq httax yaq!” ngoz tueq jungx tueq.

ESTHAR 1:1

Hokhvmx Ahasuru rueq Persia mungx ghaqnyuiuz jungx Susa nuex httax yaq piq hokhvmx hoc nuex ngaungc vtueq, India mungx maq Ethiopi mungx nuex httuiuc laz mungx 127 kuex guimz tueq.

Tvtsvmc 135:15

Miq phvnx htenc muex tishox htenc kuex kuimshawx nuiyc kuimphox maq vguirx rvtueq; kvruex kuex miqsaz yauk maq vwvt guirx phvnx dvyx rvtueq.

DUNGWVNC 20:23

Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

DUNGWVNC 32:31

Moshe kuex Yehowa kox nuex yek waung vtueq jungx tueq kuex, “Vruex miq htenc vraq mvrax yunghvlc yaq gay tueq. Tsuingshiq rueq tishox yac kuex kuimshawx maq tvhungx guirx vtueq nawk palx gay tueq.

ISAIA 2:20

Kvruex raungnuiyq httuiuc wvnc tuex nuex, tsuingshiq kuex tsuingshiq rueq vtvhungx kuimshawx kuimphox yac yuimx htenc kuex tuip gay ruiux, kvruex htenc kuex tvruiuc nuiyc phauk suiyq htenc kox nuex taq gay shuex.

ISAIA 30:22

Nuimshiq rueq kuimphox maq vtvhungx yac yuimx htenc nuiyc kuimshawx maq vtvhungx yac yuimx htenc kuex lvmz vtueq, miqsuirc vsac taungx vwawx ikhoc kvhtenc kuex tuip gay ruiux, “Ngvy khaungkac vwawc kaz wvnc kuiuz!” ngoz tueq ramc jungx shuinx.

ISAIA 46:6

Miq htenc rueq tsuingshiq khak lanx vtueq kuimshawx kuex ruiuc htawc tueq; tsuingshiq rueq kuimphox htenc muinz tawk nuex shenc tueq. Tsuingshiq rueq tishox yac tvjek muex jek waz kuex shap tueq; kvruex yimaq tsuingshiq rueq bumx vtueq nawk palx wuez yaq.

JEREMIA 10:9

Tsuingshiq phara yac yuimx htenc kuex Spain mungx wawc kuimphox maq, Uphaza wawc vdung kuimshawx maq tvsvp rvp vtueq, kvruex lotlaz kuex vyac tvhungx jix rueq yauk maq vguirx rvtueq; tsuinghez kuex khvy tuiuz thenc jix rueq vtauk khvymvnz pasic nvm-yaz nuiyc kakiz htenc kuex tvsvmc tueq.

JEREMIA 16:20

Miqsaz rueq miqmac tishox htenc kuex tvhungx lot yaq haz? Tvhungx lot muq, mkhoc shoc maq tvhungx ruiux muinz, kvruex kuex tishox rvkhauk laz muex yaungx lot tuex rvmuq,” ngoz tueq jungx tueq.

DANIEL 2:48

Kvruex yimaq piq rueq Daniel muex johvlc ruimruimx kuq ruiux, yauk noalc paunghvlc kuq tueq, piq muex muinz Babelon mungx kuex shunshvlc tvkoc muinz, hokhvmx waz rulc rvjungc rv-phvnc jix lotlaz htauk nuex vyungx yaungc tvkoc muinz thvl taq tueq.

DANIEL 2:49

Daniel rueq thoz tueq rulc rv-ngvlc hokhvmx waz rueq Babelon mungx wawc yauk shuimc htenc kuex lawc tvkoc Shadrak, Meshak, Abetnego hez kuex thvl taq tueq. Daniel piq kuex hokhvmx hoc nuex dvyx httax tueq.

DANIEL 3:14

Piq rueq tsuingthuimx muex ngoc, “Shadrak, Meshak, nuiyc Abetnego hez lex, nuimhez rueq ngvy tishox nuiyc ngaz rueq vtv-ngaungc taq kuimshawx yac muex tuk nguk bumx wuez muit kuex vsuing haz?

DANIEL 3:30

Kvkaq hokhvmx waz rueq Shadrak, Meshak, nuiyc Abetnego hez kuex Babelon hong nuex johvlc ngauz somraungc kuq tueq.

DANIEL 5:23

Mnoz rueq raungmungx Taungjix kuex khawx lvlx vtueq vpiq Shomc Yuimx wawc vlvmz wvnc kok nuiyc wanc htenc kuex lvmz vshuiux. Mnoz nuiyc mnoz vyungx vlaungx bix muinz, mtaungx nyuiuz hez nuiyc mtaungx nyuiuz ruinx hez rueq muinz kvyuq svpiq tix nuingx vtueq, kuimshawx, kuimphox, nvyrvyx, yanx, pulx nuiyc lung htenc maq vtvhungx muik khiz muq, nac tay muq, yvmx muinz tuiuz muq tishox htenc muex tvtsvmc kvmc wuez vshuinx. Yuq muinz mnoz kuex mrullungx nuiyc mnoz rueq shuimx kaz vshuiux phvnx ruip saz kuex shuimc lawc jix Tishox muex tvtsanc nganc vshuiux rvmuq.

DANIEL 5:4

kuimshawx, kuimphox, nvyrvyx, yanx, pulx nuiyc lung htenc maq vtvhungx maq tishox htenc muex tvtsvmc kvmc wuez tueq.

Hosea 2:8

Piq rueq Bala muex nawk palx shuex nuex shuimx yaq tuiz vtsvmz, svpiq tix, olip puiz, kuimphox nuiyc kuimshawx lotlaz kuy jix waz rvtauk kuex piq mkaq muinz kvjungc muq.

Hosea 8:4

“Ngvy miq htenc rueq tsuingshiq thuinroc hokhvmx bix kuex thvl tvduiz wuez yaq. Tsuingshiq rueq vyungx vlaungx bix thvl taq ruiux muinz ngvy thuinroc kuex rvmuq. Miqmac kuimshawx kuimphox maq yac yuimx htenc kuex tvhungx guirx vtueq miqmac bac wvnc juing lvmx kuex tsuingshiq yauk maq kvguirc wvnc yaq.

HABAKUK 2:19

Nuimshiq kuex vphoc rvhumc vtuinx nyix! Pulx pvnz muex ngoc, “Kvsvmc kuiuz!” ngoz tueq muinz, lung muex ngoc, “Kvtenc kuiuz!” ngoz tueq muinz, nuimshiq rueq jungx vshuinx. Yac yuimx vshiz rueq nuimshiq muex yvmx lvmz lac tvkhic kuq lot kv-phuinx? Kuimphox nuiyc kuimshawx maq vtvhungx yaungx ruiux yaungx tuex, yuq muinz yac yuimx kvyuq thuiuzthuic vguez.

Acts 17:29

Naungshiq kuex Tishox suiuz vsaz tamx rvtiq rulc rv-ngvlc Tishox kuex miqsaz thuinz maq tvmaung vtueq vguirx taq kuimshawx, kuimphox nuiyc lungsex maq vtvhungx yac yuimx rulc rv-ngvlc yaq ngoz tueq nauk tvmaung kaz.

Acts 19:26

Polu ngoz yaq waz vraq kuex Ephesu ghaq nuex dvyx muinz rvmuq, Asia mungx wvmungx tuimx nuex, miq yauk maq vtvhungx guirx tishox htenc kuex tishox htenc rvmuq, ngoz tueq miq paunghvlc tvshonx vtueq lvmx tvyaq kuq yaq kuex nuimshiq rueq tay tuit khiz tuit shex.

TRI CHONGKE 7:25

Tsuingshiq yac yuimx htenc kuex wvr nuex jauk gay shuinz. Yac yuimx kvyuq vtvsvp rvp kuimshawx kuimphox htenc muex rvnphvnx vtueq nuimshiq tvkoc nauk lvmz wuez kaz. Yehowa rueq yac yuimx nawk jix kuex suirsac shuiuc pac yaq ningkhvnc nuex yac yuimx htenc wawc kuimshawx kuimphox kuex lvmz ruiux yuq, nuimshiq tvkoc bix muex yaungx tuex.

Revelation 9:20

Vruex kuilc daz juing wawc luenx wvnc vtueq kvjungx yaq miqsaz htenc kuex tsuingshiq rueq shuimx yaq kvwawc thuinz kvlayc wuez muq. Tsuingshiq rueq htaungc htenc nuiyc muik maq khiz muq, vnac maq tay muq, kvmoay yaz lot muq phvnx kuimshawx, kuimphox, nvyrvyx, lung nuiyc pulx penc htenc maq vguirx yac yuimx htenc nawk palx lvmx kuex httvr wuez muq.