DANIEL 2:34 - ASII LAKDAP Bible (BSI)

³⁴ Ümniiraq kra sumlakaü ka liirat tlaü bala liipan niili, longraqkam khu wa longkaü jonghea ashi, maiqjaq maq jurmin shamhü miili tiikoq wanto, raüta sumla kaü hokphi wiinai jin nai hamlii hiq maq shot raüta alo ba kiijaq tiiqbaiqto. Raüta wiita tiibun baiqto.

Hawa Naga Bible 2001

³⁴ Mnoz rueq kvruex lawc thvt yaq nuex, lung kuiux yunghvlc vshiz kuex rauk wawc piq kuic kuic kuix kaz vtueq yanx nuiyc gvmlawx ghaq maq vtvhungx vyac kuiux yaz kuex tuip tvbunx gay tueq.

DANIEL 2:34 Referencias Cruzadas

Tvtsvmc 118:22

Jamhaiti raq abi nguta ashthubaiq longkaü ka wiita thaq na rahea pinthum longkaü miishe jakito.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 60:12

Shatmaq maiq mung thun jurwa ümnaq shiikumpan mak, Krii thun ka miqchup mishthenbaiq.

ISAIA 8:9

Lota, namshiq maiq mung thun lei, haisong lanta adam riitam rongliita! Tai ronglaq, namshiq mangjong hiqraikhü luhea na diimtlan maiqmung thun raq. Lantea chiqchap rechap kra sürii phaho ronglaq. Shatmaq tiina tiihaishat sirong liijo! Ngo hea, rekhat ma tiijetlo ronglaq. Shatmaq tiihaisong shat ronglaq!

EJEKIEL 32:28

“Akha Ejip mungti ka athohanhünok re na jiimtaq kiikhiisii mijiim raüta tiibunlak namtoktok hiq na bumraqraq miraq.

EJEKIEL 47:5

Kiimaq apaiq khamrai kok kra phanphan mitar shibiingi hali shinnongto. Kiimiishe khamrai kok ka tsaü hea she, jimaq rap lot mang she riikang. Kriika hok maq rap chang ka riimak she, kham ka awai raüta rapchang she riito.

DANIEL 2:33

Ahok wiinai ka jin maq alo; kiimaq ahokphi wiinai ka jin nai hamlii hiq shot raüta alo riito.

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

DANIEL 8:25

Apaiq khonglaq mochii maq, laopha jaqsham jonghea mi ong wan. Apaiq ka ashkongtamli miraq, kiimaq achong aphan min ahü maq, maiqse pahea mitsat baiq wan. Apaiq raq hokham thaq na Hokhamwe kiimin, akhat riila nguta mingeng wan. Shatmaq apaiq ka mitsat baiq wan, Shatmaq maiqse jaq maq riimak.

JEKERIA 12:3

Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

Matthew 16:18

Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

Acts 4:11

Asii Bomtsi na, Jesuq arka jamhai chang longkaü nguta chongtlo. Arka akha chongtlo: ‘Namshiq jamhaiti bi raq ara longkaü arka abi nguta tiithu baiq lan; kra kaü riiwe ka, ümchaü tarü thaq na araa pinthum longkaü ma jakito.’

2 Corinthians 5:1

Nashiq raq asap i she, ranaiq shishi ka ara ümchaü nashiq sitiikai, nashiq han-ngam khum jolitiip arka, ariim riiki raüta atham she mirki. Ara thamkai jai miishe, Shiikeawe raq nashiq sichang jam, ramungtan niishe mikuq. Kra jam ka Shiikeawe apaiq jaq maq ahai. Kra jam ka pattup pat-sa thenki mak phan.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”