DANIEL 2:35 - ASII LAKDAP Bible (BSI)

³⁵ Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

Hawa Naga Bible 2001

³⁵ Lvmx lvy dvyx yanx, gvmlawx ghaq, nvyrvyx, kuimphox nuiyc kuimshawx bunx kaz vtueq raunglawc yac tsvmz nuiuz juing wawc bokkhuyx ikhoc yaungx kaz tueq. Raungguil rueq lotlaz pvnc gay vtueq vphuinz vphux saz muinz kvjungx muq shex. Yuq muinz lung kvruex kuex kanx muex yaungx wvnc vtueq wvghaq pumz puingc wvnc tueq.

DANIEL 2:35 Referencias Cruzadas

YOBA 6:17

Shatmaq rakii heng wan raüla, wiita khüsü süroqroq she jakitlo, kiimaq jüse raikhü thun ka süroqroq kiimaq shinriiqriiq she.

Tvtsvmc 103:16

raüta rahai saütlaq akhing na, rahai raq pan wan raüta mokitlaq ikha, jurmin chhinong makshe.

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 37:10

Jaqlo liipan niili she abi klotibi ka amo mirki; ümniiraq tsangshiq ka mirit sham, shatmaq ümniiraq tsangshiq ka hum maü mirhaü;

Tvtsvmc 37:36

shatmaq jai akhing na ngi ka kra lam maq lea wan kang, shatmaq apaiq ka kiijaq ahü she riito; ngi raq apaiq ka rit kang shatmaq hum mang.

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

Tvtsvmc 66:4

Mangjong hiqti kunli raq ümnaq shomnoqtlo; tsangshiq raq ümnaq tiitsam shitlo, tsangshiq raq ümmang chong raüta tiitsamtlo.”

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

ISAIA 11:9

Jajon na, Shiikeawe asii hiq lam na, kiijaq maiqhaisong chang jamlai min ahü she miraq, kiimaq abi ati phan jam min ahüshe miraq. Kra mung ka khamjong chum ka kham raq matlaq ikha Tati saptsin phaqchi riili ama aliim alei miraq.

ISAIA 8:9

Lota, namshiq maiq mung thun lei, haisong lanta adam riitam rongliita! Tai ronglaq, namshiq mangjong hiqraikhü luhea na diimtlan maiqmung thun raq. Lantea chiqchap rechap kra sürii phaho ronglaq. Shatmaq tiina tiihaishat sirong liijo! Ngo hea, rekhat ma tiijetlo ronglaq. Shatmaq tiihaisong shat ronglaq!

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Hosea 13:3

Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

Mikha 4:13

Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

JEKERIA 12:3

Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

1 Corinthians 15:25

Khristo raq Hokham kam ka lang chang dang dongdii. Awe raq Khristo jaqti rewe ümchuwa sitlaq kriika wiita khat lot raütiishe, Khristo apaiq jichong na miphong kuq wan. Kiimaq Khristo raq ajaqti thun ka ahok maq nishishi she mini wan.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 12:8

Shatmaq, natkaü nai asengi rasekong riika tang mak dea riito. Krai mren, apaiq nai asengi rasekong ka ramungtan na tiisi mak she jobaiqto.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.