DANIEL 2:21 - ASII LAKDAP Bible (BSI)

²¹ Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

Hawa Naga Bible 2001

²¹ Vpiq rueq vkhing nuiyc raungx vghaq shvmrvmx kuex guimz yaq; vpiq rueq hokhvmx bix kuex tvyaungc vtueq tvsvt gay yaq; vpiq rueq taksux tharc nuiyc vtuiuz tay lvmz kuex kuq yaq.

DANIEL 2:21 Referencias Cruzadas

1 HOKHVMX 10:24

Krai mren mangjong maiqse kunli raq apaiq phana waraüta Shiikeawe raq apaiq ma taksma tsii akuq kra taisea wa lungwiisiqto.

1 HOKHVMX 3:28

Solomon raq kra khapho kuqtaq tsütsa ka Israilnok mungmaiqse riishe taito. Kra tairaüta tsangshiq tsan mong na apaiq ma tsaühea shreng manto she thüwanto. Jamkhano ngukla Shiikeawe raq apaiq ma taksu tsii ke kha maq athukwiq maq phokuqto nguta takto.

1 HOKHVMX 4:29

Shiikeawe raq Solomon ma achan ana asho awo anyan phaqchi nai taksu tsii kuqto. Kiimaq apaiq raq phaqchi saptsin wantaq kriika athap raüta shinlot mai chang kuqto.

1 KAÜWA WERAÜ 22:12

Kiimaq Tatiwe üm Shiikeawe raq ümniima taksma anyan nai taksu tsiitiq mikuq laq. Krai mren, ümniiraq Israil mung ka apaiq tri raütu kra phan phan mipeng wan haü.

1 KAÜWA WERAÜ 29:30

Kra waiq thütaq rung raüpot na, apaiq raq mung ka jamkho peng wantaq, apaiq ka ümtinkhan jonglu wa siwantaq, kiimaq apaiq khuthaq na ümchuwa mra thun pin wantaq, kiimaq Israil mung khu thaq na ümchuwa mra pin wantaq, kiimaq Israil mung tro na siti maiq mung thun khuthaq na ümchuwa mra thun pin wantaq thun kra chongtlo.

ESTHAR 1:13

Riita ija akha akhek amu mra angu niika hokhamwe raq mungpeng thung tri asapti taksmabi rai riiwai wan lili riitlo. Krai mren, apaiq raq apaiq khrumti tsüwe tsitwebi ka tiiheaki raüta, kra kha ka jamkhii phochang wa nguta waito.

YOBA 12:18

Apaiq raq hokhambi ka hokham ngachangwa tiisat baiqtlo raüta tsangshiq ka thong na shaqbaiq tlo;

DUNGWVNC 31:3

Kiimaq Ngi raq apaiq khum na iningkun ka asho awo tiimakuq kang she. Ngi raq apaiq ma taksu tsii kuq kang, jaqsham sma phaqchi kuq kang. Kiimaq phanrap phanrii awaiq angon jaqsham phaqchi kra kuq kang.

DUNGWVNC 31:6

Kiimaq Ngi raq Dan phan wa Ahisamakh se Oholiab kiimin apaiq rai jaqsham dam miitu tsea wan kang she. Kiimaq Ngi raq maiq ahinti tsiimwe khiiqwebi thun wiita ma taksma phaqchi jonghea pheakuq kang she. Krai mren Ngi raq aming kuq kang kra phan phan tsangshiq raq phanrap ka thep thep miklolot.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 11:6

Rawii ashaqpuq siwan jai miishe, Ejip mung hokhamwe raq Siria mung hokhamwe rai silu mirja, raüta reraüshi she mipong wan. Kiimaq ase jechakse ka Siria mung hokhamwe ma mitiiwa. Shatmaq kra reraüshi riija pongtaq kriika alu tsing mak miraq. Kra hokham nyung kra, tsangwe kra, hokham nyung se kra, kiimaq apaiq rai ajaqshisetiim ümchuwa wadamtaq thun ka wiita mitsatbaiq.

DANIEL 2:20

“Shiikeawe ka taksma kiimaq ningkun tu! apaiq kli pattup pat-sa tiitsam ronglaq.

DANIEL 2:23

Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

DANIEL 2:9

namshiq raq ngi ma jamlai wa makang kra chongkuq man riihan jiila, namshiq tarü ka khoshi niilishe mitsai han. Jamkhano ngukla, namshiq tarü ka kiqshi maq, ngi ma arot chongke ma nguta ari wishe. Namshiq raq rahiq ka akha lanta tlinphin wan hanla, ngi tiima ka aklai mirki nguta tiima tlan. Arningkhan jamlai wa makang kra chong ronglaq. Raüla kra liichum kiimin michongkuqlot han dea nguta misapha.”

DANIEL 4:14

Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”