Biblia Todo Logo
La Biblia Online
- Anuncios -




DANIEL 2:21 - Hawa Naga Bible 2001

21 Vpiq rueq vkhing nuiyc raungx vghaq shvmrvmx kuex guimz yaq; vpiq rueq hokhvmx bix kuex tvyaungc vtueq tvsvt gay yaq; vpiq rueq taksux tharc nuiyc vtuiuz tay lvmz kuex kuq yaq.

Ver Capítulo Copiar

ASII LAKDAP Bible (BSI)

21 Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

Ver Capítulo Copiar




DANIEL 2:21
40 Referencias Cruzadas  

Tishox rueq piq muex kuq tueq taksux tharc kuex tay kay tvkoc mungkawx lotlaz rueq raungc raq wuez tueq.


Solomon rueq phox kuq tueq lvmz kuex Israel mungx miqsaz rueq tay wuez vtueq, Tishox rueq piq muex tvrac vlvmz maq phoc kuy lot juing taksux tharc kuq tueq kuex tuiuz wuez vtueq, tsuingshiq lotlaz rueq piq muex pinhtumc hiyaz tvtsanc nganc wuez tueq.


Tishox rueq Solomon muex vhtaz lot muq yunghvlc pungx taksux tharc nuiyc lotlaz khiz tuiuz lot yaq tharc nuiyc phaqjic kuex kuq tueq.


Vpiq Tvrac rulc rv-ngvlc Israel mungtan kuex mnoz rueq guimz lawc lot laz juing Yehowa m-Tishox rueq mnoz muex tharc nuiyc taksux tharc kuex mkuq kv-phux.


Kvruex mvnphvnc tvtsuingc luik kuex piq rueq mkhoc lac guimz lawc tvnx, piq luimc vkawc mtanc khvnc lac httax wvnc tvnx, piq rvhumc wvnc tueq yvmx khoc lac yaungx wvnc tvnx lvmz lotlaz, Israel mungtan nuiyc tvroz wawc mungtan htenc nuex yaungx wvnc tueq lvmz kuex wuiyq shec tueq.


Hokhvmx htungx vlayx httax yaq rulc rv-ngvlc tvrac nuiyc vnvrc lvmz nuex seng vtueq phaqjic httaz hvlc jix hez muex wiz tvkoc ngoz tueq, piq rueq vruex lvmx kuex yvmx khoc ruec juing lac wisoz tvkoc piq rulc rvjungc rv-phvnc walaungx bix kuex tvgvl tueq.


Vpiq rueq hokhvmx bix kuex hoc wawc tvdvy vtueq khoktep nuex shauk gay ruiux;


ngaz rueq piq muex ngvy luimc vkawc tvmvrc kuq tauk. Ngaz rueq piq muex vtuiuz vtay tharc, vthenc vtuiuz phaqjic, yauk maq shuimc juing phvnx ruip saz shuimc thenc juing,


Piq rulc vdvmz yauk shuimc tvkoc Dan phvnx wawc Ahisamak saz Oholiab kuex ngaz rueq thvl taq shec tauk. Vganc tuiuz thenc yaq thamtharc lotlaz muinz vyungx khvmc juing ngaz rueq kuq shec tauk, kvkhoc rvtueq tsuingshiq rueq shuimc tvkoc nvr tauk:


Tishox rueq yalxrox waz bvlic kvmac phaqjic nuiyc luik vlvyx thenc tuiuz wvnc juing tharc kuq tueq. Kvdvyx muinz rvmuq, vpiq rueq Daniel muex maung nuiyc romzyac tvkhic htenc kuex jalc jungc lot juing tharc muinz kuq tueq.


(Persiaa honoc Kiru kuex hokhvmx yaungc wawc thuimx vngoz nuex Belteshazar ngoz yaq Daniel kox nuex bomjungc vshiz dung kaz tueq. Kvruex bomjungc kuex vsuing rvtueq, yuq muinz vtuiuz tvkoc gvrc hvlc rvtueq. Kvruex romzyac tvkhic vshiz kvyuq piq muex jalc tvkhic kuq tueq.)


Raungwawc vshauk puq shex yix maq Ejip hokhvmx waz kuex Siria hokhvmx waz rulc lux rvyaungc vtueq vsaz yalxjuik saz kuex kuq shuex. Yuq muinz lux rvyaungc kuex vluz khvmc muq rvshuex, piq muinz, vtaungx waz muinz, vsaz muinz piq rulc httaz jix bomc nvrc juing hez muinz lotlaz thvt gay shuex.


“Tishox kuex taksux nuiyc luimc vkawc yunghvlc! Vpiq muex pattup tvtsvmc kvmc shuinz.


Ijix iwaz Tishox lec, ngaz rueq mnoz muex tvtsvmc kvmc vtueq tvtsanc vphaungx. Mnoz rueq ngaz muex taksux tharc nuiyc hungc vlaungc kuq vphux; mnoz rueq ngvy vjux thoz kuex tvralc vphux nuiyc hokhvmx waz muex yvmx khoc jungc juing lac kuex tvkhic vphux.”


Piq rueq bomc laung maq, ‘Pulx jungx kuex dauk vtueq vnoz vkanx htenc kuex tvp gay shuiuz; vyauk htenc kuex guiyx gay ruiux vthuey htenc kuex wuinc gay shuiuz. Kvruex jungx khung wawc ngvmx saz htenc nuiyc vnoz vkanx htenc nuex ngaungc yaq wushawx htenc kuex yurc gay shuiuz.


Vruex kuex honc lvmz hvt maq bvmc yaq raungkamx waz hez rueq htvp htaz yaq lvmz rvtueq. Kvkhoc rvtueq Johvlc Tishox rueq miqsaz mungtan htenc htauk nuex luimc vkawc httax yaq lvmx muinz, vpiq rueq yvmx muinz rvmuq miq kuex thvl wvnc vtueq vkhek miq muex tvyaungc tueq lvmx muinz baung ruip saz wawc miq rueq mtuiuz wvnc shueq,’ ngoz tueq ramc tueq.


“Taungjix hokhvmx waz lex, mnoz kuex loayc hvlc nuiyc hungc hvlc pulx jungx rvtoq. Mnoz kuex yunghvlc ningkhvnc nuex raungx htanc vshuiux, mnoz luimc vkawc maq mungkawx lotlaz puingc vshuiux.


Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.


Piq rueq Johvlc Tishox kuex khawx lvlx vtueq, Tishox miqsaz kuex tuinghtuing shuex. Piq rueq tsuingshiq kvmluimx tvrac htenc nuiyc phuiuz vsvy moalx htenc kuex layc gay roc yaq, Tishox miqsaz htenc muinz piq luimc vkawc khung nuex wawc thuimx jvnc httax tuex.


Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.


Miq tek vtueq vrangx vpangx vhttax mungx guimz jix kvjaz kuex tay phvnx wuez shuinz, yvmx khoc lac ngoz ruiux lec vrangx vpangx vhttax jix muinz Tishox kox wawc vkhangx maq rvmuq ngoz ruiux kuex vguez, httax lot muq, vrangx vpangx httax yaq kuex Tishox rueq vtvhungx kuq rvtueq.


Tishox rueq nuimshiq kuex Yesu Christu rulc vshiz dvyx tvyaungc kv-phuinx, Tishox rueq Christu kuex naungshiq taksux tharc muex tvyaungc phuex. Vpiq maq Tishox khaungkac nuex naungshiq kuex tvtsuing tvrux wvnc phuex, naungshiq kuex Tishox miqsaz vsawc muex yaungx vtueq mvrax wawc dawc kuy rvhumc wvnc tiq.


Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.


Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.


Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.


Síguenos en:

Anuncios


Anuncios


¡Síguenos en WhatsApp! Síguenos