DANIEL 12:7 - ASII LAKDAP Bible (BSI)

⁷ Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

Hawa Naga Bible 2001

⁷ Raungkamx waz rueq vyauk nueyc kuex raungx nuex tenz vtueq Pattup Pat-sac Tishox muingc maq kvtuemc vtueq bomkhvmc taq tueq. Piq rueq jungx tueq ngaz rueq tay tauk kuex, “Kvruex kuex wawc thuimx rac wawc htaq rvtuex. Tishox miqsaz guirguenc htumx ruiux yuq, kvruex lotlaz kuex yaungx wvnc tuex,” ngoz tueq jungx yaq tay tauk.

DANIEL 12:7 Referencias Cruzadas

ISAIA 62:12

Namshiq ka “Shiikeawe sengi asii maiqsetiim,” ngutiishe mingu. “Tatiwe raq achhü wan maiqse” nguta mingu. Jerusalem ka, “Shiikeawe raq lungwiitlaq chela,” nguta mingu wan. “Shiikeawe Raq Thaqbaiq Mak Phan Chela” ngutiishe mingu wan.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

EJEKIEL 20:5

Ngi raq jamlai wa chongtiikang ara tsangshiq ma chongkuqlaq. Ümtiikiiwa Ngi raq Israilnok ka tsea kang, Ngi raq tsangshiq ma kiqkham raüpot khakuq kang. Ngi raq pumsii maq tsangshiq rai Ejip mung na kilata isham tiichhikuqki kang. Lata tsangshiq ma akha chongkuq kang: Ngi ka namshiq Tatiwe namshiq Shiikeawe.

DANIEL 10:5

Ngi raq ra nü na kisaq liikangta, maiqwe weshi ka raihi-nairai khea miirii samraü, kiimaq achhü na awongsii chaq shinket paraü chhikang.

DANIEL 11:13

“Siria mung hokhamwe ka tsang mung na hali mijang wan nong. Raüta aphenlabi ka kongkhulak wa kriithaq niimin achan pahea she hali mirchom nong. Raüta akhing hongtoshe angu na, apaiq raq asengi phenlabi ka kongkhulak na sheahotaq kriithaq na apa, pahea she sheaho raüta, kiimaq rekhat chang hupsam chamtraq hoho raütiishe rekhatkai mijangki nong.

DANIEL 12:6

Kra chaptlaq wenai kiiwa, weshi raq rase ma jürai khu lamthaq linlin na chaptiwe kiima akha waito, “Riita ara awangchang jaqsham mra thun pin wan tlaq arka, ümtincho niishetiq wa mithum?”

DANIEL 12:8

Apaiq raq jamlai wa chongtaq, kriika ngi raq taikang. Shatmaq kra liichum ka ngi raq taklot mang riikang. Kriikha niishe ngi raq, “Shatmaq shiilangwe lei, arka jamkho mithum wan?” nguta waikang.

DANIEL 4:31

Apaiq nübok wa bomtsi ka mithum shaq niili, ramungtan wa maiqbom ashi akha saükito, “Hokhamwe Nebukadnejar lei, ngi raq jamlai wa ngutiikang ara tai liishaq! Ümchaü ümjaq wa hokham jaqsham arang ka nyeabaiqto she.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 7:21

Ngi raq liirat tiikang liipan niili, kra rong raq Shiikeawe sengi thun ka khat wanto. Raüta tsangshiq ka tangto.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 8:14

Kiijiishe rase ashiti raq, “Arka ranaiq 1,150 na saüli mitangta wan. Ara akhing bala na ranap nai raji honglu take wan ka tiikuq mak miraq. Kriijai miishetiq Shomjam na honglu ka mitiikuq wan,” nguta treto taikang.

DANIEL 8:24

Apaiq ningkun phungchaq ka henghea miraq. Shatmaq apaiq ningkun miika riimak. Apaiq raq phiiptsi jiiptsi, maiqse kunkun mishthen baiq. Jamlai wa klotlaq kra, kunkun na miong wan. Apaiq raq ajong ala maiqse wiita, mishthen baiq. Kiimaq Shiikeawe sengi thun min, pahea mishthen baiq.

Luke 21:14

Namshiq ka mishaq niiphü, kamto maq si rong laq. Kra akhing ranaiq saü raüjaq, maiqmii khum ka jamkhii tiichhii wan chang wa miraq, nguta naq chapa rongkiq.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

TRI CHONGKE 26:19

Apaiq raq ümchuwa maiq mung thun phansang wantaq kra thaq na, ümniika ajong pinthum mung miishe mitiija wan. Kiimaq ümniiraq apaiq tiitsam kam kiimaq apaiq mang shreng manto ka jonghea mikuq wan haü. Ümniika apaiq raq kiq kham kuqtaq kra phan phan asengi miishe mija wan haü.”

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

TRI CHONGKE 32:40

Ngi arli tengteng atra Shiikeawe, Ngi raq ijaq ka ra na dotiikang kiimaq ikiq sinkham bom chongtiikang

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

Revelation 13:5

Kra jü mong maq adong ngamthaiq kaü miika, Shiikeawe ni na wamak chang, Shiikeawe shummii bom shiikong miilong tiishomra akhing kuqto. Kiimaq apaiq ma arang ka jipi lüroq blai ri lünai miitu kuqto.

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 4:9

Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq